الموضوع: محتاج اتكلم عن سحب الويرا

ازيكم يا شباب

عندي شوية ملاحظات على سحر عربيتي الويرا
هي للتذكرة عربية ويرا 2005 موتور 1300 عاملة 86000 كيلو

عندي كذا موقف:

1. كنت راكب انا و مراتي و ماشي في صلاح سالم و بسأل تاكسي فيرنا (مركب زباين) على مستشفى المقطم الرادل مشكورا وصفلي، فقلت اسبق عشان اكيد هيكون ممل فلقيته عداني بسهولة قولت ما هي فيرنا
2. واحد بعربية سوزوكي على كوبري اكتوبر بعربية سوزوكي الثمن نقل قعد يرعشلي نور جامد و ضايقني، عديته عشان اضايقه انا كمان بس للأسف معرفتش اجيبه رغم اني حارق (80 على ال 3)
3. انهاردة كنت على الدائري و لقيت ويرا برضه، راجل اربعيني كده و معاه مراته و عياله و مشغل التكييف، قولت احرق شوية عشان اجرب، عداني بمنتهى البساطة برضه
4. لما بدوس بنزين عشان احرق صوت الموتور بيعلى لكن السحب واحد مفيش تغيير، بس لو فضلت دايس شوية العربية بتجيب
5. لو دوست على البنزين و شلت رجلي كأني مدوستش، يعني نقدر نقول العربية استجابتها ضعيف

في الاحوال العادي العربية مش مضايقاني بالعكس انا حاسسها ممتازة و مريحاني بس انا عارف انها ممكن تبقى احسن او بدأت احس اني عندش مشكلة خضوضا بعد السوزوكي و الويرا



العربية غيرتلها زيت و فلاتر و بوجيهات و موبينة و فهمت من صاحبها الاولاني انه موطيها
طبعا كون التكييف بيقتل العربية ده هخليه لما اعمل صيانة التكييف اول الشهر ان شاء الله

الف شكر يا جماعة لردودكم
خصوصا موضوع ان 80 على التالت ميعتبرش حرق :)

بس المفروض 80 على التالت يدي عزم للعربية، عموما انا هروح اكشف على الحاجات دي و ارد عليكم ان شاء الله