الفتيس تانى !!!!!!!!!!!!!!!!!!!!

**aboyassin** · 24-07-2010 10:14 AM

عندى عضه فى الفتيس فى المرشيدير ولاحظت من فتره حاجه غريبه ان ساعات المرشيدير بيبقى مزرجن على تكه بتيجى لو دوست سنه بنزين مش عارف ده عيب جامد ولا حاجه طبيعيه ولا ايه ؟؟؟؟؟؟؟؟؟؟؟؟
العربيه ماتريكس 2010 ولسه مكملتش 10000كم

**aboyassin** · 24-07-2010 03:32 PM

متابع باهتمام

**kamatsho** · 24-07-2010 04:23 PM

عندى انا كمان نفس العضه بس مش بأستمرار واللى اعرفو ان انتا ممكن تزود زيت الفتيس من 90 ل 140 عشان يتقل اللزوجه شويه ويسهل حركه الفتيس بس بينى وبينك انا منفض للموضوع وشايف انه مش معيب العربيه خصوصا ان فى عربيات كتير فيها نفس المشكله

**Rsarabia** · 24-07-2010 04:45 PM

مش العربية لسه فى الضمان ؟؟
وديها التوكيل و لو متصلحتش عليك و على حماية المستهلك يجيبولك عربية تانية مكانها

**mshmshm3** · 24-07-2010 05:44 PM

ده عيب منتشر في معظم الهيونداي وكان عندي في الفيرنا بشكل ملحوظ واختفي تدريجيا

**kamatsho** · 24-07-2010 07:01 PM

وموجود فى اللوجن وعربيات كتير

**Mohammmed** · 24-07-2010 08:33 PM

متقلقش دا عيب موجود فى الماتركس والكلام دا من التوكيل نفسه

**pharonicking** · 24-07-2010 08:44 PM

هو مش مؤثر قوى العضة دى"

**mohm82** · 30-12-2010 02:01 PM

السلام عليكم
عاملين ايه جميعاً؟
أولا مبروك عليك الماتريكس رزقك الله خيرها و كفاك و حماك من شرها
ثانيا:
انا كان عندى نفس المشكلة و بتروح و تيجى
المهم هى تقريبا مشكلة ليجلاش فى ربط دراع الفتيس و طبيعى من الحركة انه مش ثابت لانى اول ما جيبت العربية (عامل دلوقتى 81000 ك الحمد لله) رحت التوكيل و قالى حربطهولك و فعلا اتحسن بس رجع تانى بس انا متعايش
الحل:
دوس الدبرياج لاخر المشوار قبل التغيير لو مرداش برده سيب الدبرياج و دوس تانى و اكيد حييجى ان شاء الله.
انا لا افضل حكاية تغيير نوع زيت الفتيس لان المصنع بيقول على انسب نوع و بالتالى انا اخاف العب فيه.
و ذلك و الله اعلم!
سلام