لو استقريت على ال HP قوللي وانا اظبطك فيه عشان معارفي كتير
وكنت هانفذ فيه لسبعاوي بس في اليوم ده ماكنتش فاضي انزل فيه معاه وهو استعجل
انت تامر ده انت غالي من طرف الغالي
الغالي التاني نايل موتورز طبعا :D:D:D
عرض للطباعة
والله يا استاذ سيرجيون انا مش عاارف اقول حاجة قدام كلام حضرتك اللي اكثر من رائع والله انا اللي اتمنى ان اتشرف بمعرفة حضرتك ومعرفة باقي الاعضاء اللي بجد احترمتهم من غير ماعرفهم. انا عموماً رأي ضعيف جداً مقارنة بأراء الاعضاء اللي عندهم خبرة اكتر مني 100 مرة.
انا اتمنى والله اني التقي بحضرتك في موضوع اللابتوب ومنها اتشرف بمعرفة حضرتك وانا كدة كدة في اثناء الاجازة بنزل سوق الكومبيتر اكثر من مرة وأؤكد على حضرتك اني بكون متفرغ تماماً اثناء الاجازة يعني مساعدة حضرتك مش هاتؤثر عليا في اي شئ وانا تحت امر حضرتك. انا بصراحة لو كنت موجود في القاهرة حالياً كنت نزلت سوق الكومبيتر جبتلك كل عروض الاسعار اللي هناك بس ملحوقة. لو حضرتك ماجبتش اللاب توب في خلال اسبوعين يبقى اكيد ليا مع حضرتك اكتر من ميعاد إن شاء الله.
----------------------------------
ياعم بدر ياعسل بالراحة عليا اولا اجمد نوع بامارة ايه ومفيش واحد من الناس الخبرة جاب سيرته
تانى حاجة ويارب اكون صح (عشان محدش يضحك عليا) انا اعرف ان الجهاز ده اسمه ابل ماكنتوش يعنى نظام تشغيله مش ويندوز ودا النظام الوحيد اللى اعرفه---طبعا بالاضافه للنظام بتاعنا طويل العمر يطول عمره ويعمر بيته وينصره على مين يعاديه هاء هىء ----
ثالت حاجة ايوة ماذكرتوش انا حر مش دا الاستفتاء !!!!!!! بتاعى هههههههههههههههههههههههه اذكر الله
ايه ياجماعة فين الردود والاراء والتعليقات لانى متاكد ان فيه ناس كثير عندها افكار ومعلومات مهولة عن اللابتوب فبلاش تقل واللى عنده معلومة ومخبيها او بخلان بيها على العبد لله هاقول لمراته --دا لو متجوز --- انه متجوز واحدة تانيه اسمها نايل -هانم - موتورز اما اللى لسه عازب فدا بقه هاسلط عليه الواد المفترس اللى فى توقيع بورت ويبقى يقابلنى لو حد خلصه من اديه
الاستاذ /كريم منير بجد مش لاقى كلام اقوله علىاستعدادك للتفرغ وعمل الواجب لمساعدتى فى شراء الجهاز سوى انك انسان شهم وخدوم واسم على مسمى فلك منى خالص المودة والتقدير وياريت تقوللى رايك الاخير بعد ان اعرض خلاصة اراء الاخوة الاعزاء وكمان رايى شبه النهائى
اولا: بالنسبه لاراء الزملاء الكرام يمكننى تلخيصها فى هذه النقاط
1-حدد احتياجك بدقة ولا تدفع فى اشياء لاتحتاجها
2-اداء اللابتوب عموما اقل بالمقارنه بالديسكتوب
3-الاشياء الاساسية هى البروسيسور وكارت الشاشة ومخرج التى فى
4-هناك اشياء يمكن تعويضها فيما بعد وتوفر فى تمن الجهاز مثل هارد خارجى بوصلة يو اس بى وويب كام وكارد ريدر ورامات
5-لاتشترى شاشه اكبر من 15.4
6-اسال عن عمر البطارية وقطع الغيار والتوكيل والثمن
7-الابل خارج المقارنه (احسنهم)
8-توجد اجهزه عملاقة ولكن غير منتشره او مطلوبة لاسباب ربما الصيانه- السعر -سمعة الوكيل -سعر قطع الغيار اواسباب اخرى واكرر-ربما- مثل ibm -سونى جيت واى كومباك
9-اجمع عدد كبير ان انسب جهازين من كافة النواحى هما hp وتوشيبا
------------------------
وكذلك رايى استقر بفضل الله ثم بفضلكم على هذين الجهازين وبالتحديد
(1)hp pavilion dv 6000 series
(2)toshiba satellite 100 or 200
ولم يتبقى سوى خطوة واحدة وهى اى الجهازين؟
ولكن يتبقى ويبقى الشكر الجزيل والعرفان والامتنان لكل من ساهم وشارك وافاد واستفاد شكرا لكم جميعا وبرضه لسه طمعان فى رد اخى كريم وكل من ابدى راية واثرى الموضوع بهذا الحوار الخصب والذى استفدنا منه جميعا جزاكم الله خير الجزاء
http://www.nilemotors.net/Nile/images/icons/icon5.gifhttp://www.nilemotors.net/Nile/images/icons/icon5.gifhttp://www.nilemotors.net/Nile/images/icons/icon5.gifhttp://www.nilemotors.net/Nile/images/icons/icon5.gifhttp://www.nilemotors.net/Nile/images/icons/icon4.gifhttp://www.nilemotors.net/Nile/images/icons/icon4.gifhttp://www.nilemotors.net/Nile/images/icons/icon4.gifhttp://www.nilemotors.net/Nile/images/icons/icon4.gifhttp://www.nilemotors.net/Nile/images/icons/icon4.gif
اولا اسف اني كنت منشغل حبتين وامبارح من بعد المقابلة روحت عند والدتي ودخلت مستعجل من المودم بصيت بصة سريعة ولسه راجع من شوية
طلبك ليا بالاسم شرف كبير لي لا استحقة
طالما طلبت رايي افضل ال HP
دي مواصفاتة :
memory (ram) : 1014 mb = 1g
DVD-RW drives
CPU TYPE : mobile dualcore intel celeron m430 , 1733mhz ( 13*133
BIOS TYPE : phoenix
VIDEO ADAPTER : mobile intel 945 gm express chipset family ( 224mb
MONITOR : generic PnP monitor NoDB
AUDIO ADAPTER : conexant Cx20549 intel 82801 gbm ich7-m-high definition audio controller
DISK DRIVE : seagate 120gb , sata
web cam 1.3 mp
5 in 1 card reader
remote control
Modem & lan & wireless & bluetooth & 3 usb
model : hp pavilion dv6000 POINTING DEVICE
Touchpad with dedicated vertical scroll up/down pad
processor : genuine intel cpu t2080 @ 1.73ghz 1.73ghz
كدة تمام ولا في اختلاف في المواصفات
ولقيتة بكام
الجهاز حلو جدا وصيانتة سهلة مش معقدة وتوكيلة كويس والناس العادية اللي بتصلح عارفينه كويس
وشاشتة نوعها حلو وخفيف الى حد كبير
البطارية هيا بس اللي مش بتعجبني قوي
بس مش وحشة يعني
عذرا مرة تانية على التاخير في الرد
ولو في اي حاجة وانت بتنفذ وتشتري ممكن تتصل بيا مباشرة
اخوك كريم 0101263030
ودي صفحة اللابتوب على موقع ويندوز ماركتبس انا ليا تعليق بسيط. ايه رأيك يا كريم لو نحاول نعلي الكاش شوية بحيث يكون حتى 2 ميجا ولا مش هاتفرق في السرعة؟
ونحاول نخلي كارت الشاشة يكونحتى (ATI) او (NVIDIA) ولو حتى 128 والباقي يكون Shared من الرامات بس على ما اعتقد ان الجهاز ساعتها مش هايكون دوال كور هايكون كور ديو او كور 2 ديو.
طبعاً انت خبرتك اعلى مني بكتير ورأيك هايفيد اكتر
-------------
كابتن شوقى عرض فى الرابط المذكور انه بيبيع لابتوب hp 6383وموبايل نوكيا n70 استعمال سنة ونص وطالب فى الاتنين 7000 جنية وانا مستعد اشيل البيعة ب 5500 فما تقييمكم للعرضين وايهما اقرب الى الانصاف وتفديركم انتم ايه؟http://www.nilemotors.net/Nile/images/icons/icon5.gif
وليد الكاش مالوش دعوة بالسرعة
الكاش كدة عامل زي العزم في مواتير العربيات ولو مش بتشتغل على ابليكشن كتير في وقت واحد مش هايفرق كتير
ويقدر يستعين برامه زيادة تحسسه بفرق وقتي على طول
وكارت الشاشة لو مش هايشتغل جرافيكس عالي زي مايا وفوتو شوب بفلاتر عالية مالوش لازم وتكلفة زايدة او لو بيلعب جيمز جرافيكس عالية قوي هايحتاجة برضه بس انا ماليش في الجيمز عشان كدة مش هافتي
ولو الجهاز دخل في الكور ديو او كور تو ديو هايعلى قوي
لان تقريبا ده سنترينو ديو
وما تنساش ان الاجهزة السنترينو عمر البطارية فيه اطول
-------
دكتور اعذرني مش هاقدر ادخل بينكم في البيعة دي لاسباب كتير
واعتقد كان في حد في مصر بيبيع ال HP اللي انت كاتب مواصفاتة في مصر مستعمل ب 4300 تقريبا
ممكن تدور في جوجل باسم الموديل هايطلعلك تالت او رابع نتيجة
لاء يا حبي ربنا يباركلك فيه انا معايا لينوفو سنترينو ديو
واللي يعرف ال IBM صعب قوي يغيرة
انا اتعودت مادخلش في بيعة ما بين اتنين اعرفهم عشان اكيد واحد هايزعل فبخلع
يا جماعة انتم اتكلمتم عن كل حاجة صحيح ونسيته أهم حاجة وهي الصيانة وقطع الغيار.
أنا الحمد لله كملت السنه الثامنة في شغلي في مجال الابتوب وخصوصا الصيانة.
أحب أقول بس ان أحسن جهاز في العالم فعلا هو Ibm بس موديل معين وهو موديل T (t20,21,22,23,30,40,41,42,43,t60) ويأتي بعدهم علطول موديلات ال X.بعد كده ممكن نرتبهم جيت واي وديل وسوني وتوشيبا وفي الأخر تماما Hp And Compaq
لكن للأسف هنا في مصر Ibm مش محبوب خالص وفعلا اللي عامل مبيعات خرافية هو Hp وdell وكمان الصيانة وقطع الغيار متوفرة أكتر للhp والديل.غير كده هتتعب على ماتلاقي أي قطعة غيار خارج الوكيل.
على فكرة الترتيب اللي أنا قلته ده من واقع خبرتي في الفك والتركيب وصيانة الأجهزة.بجد انت لو فكيته الأجهزة وشفتوها من جوه هتعرفه قد ايه ان مش لازم يكون الجهاز عامل مبيعات خرافية وبالتالي يكون هو أحسن حاجة
الف شكر على التوضيح يا كريمانا لا احبز ان حضرتك تستخدم فيستا دلوقتي لغاية ما تنزل اول مجموعة خدمة له (Service Package) لأن في بعض البرامج لسة مش متوافقة مع الفيستا او البرامج القديمة بمعنى اصح والمفروض مجموعة الخدمة ديه كانت تنزل في اول 2008 ولكن لسة مانزلتش بس اتطمن طالما استاذ كريم هايكون معاك ان شاء الله اكيد مفيش مشكلة
انا بردو نسيت اقول لحضرتك حاجة يا دكتور :
وحضرتك بتشتري حاول تتأكد من وجود تعريفات (Drivers) مخصصة لنظام النوافذ (XP) وليس فيستا فقط لأن احياناً لما تشتري اللابتوب يديلك اسطوانة عليها نسخة فيستا شاملة التعريفات وتكون مجبر على استخدامها وبعد كدة تحب تحمل اكس بي تدوخ على التعريفات.
باشا شكرا على التاكيد والتوضيح
وليد احب اوضحلك حاجة
مابقاش فيه نوتبوك بينزل معاه الدرايفر نهائي
كله بيتباع من غير درايفرز وانت تدخل تنزلها من على النت
او البياع يعمل معاك واجب ويدهملك منسوخين على اسطوانة
ده النظام دلوقتي في معظم الماركات اللي بتنزل من غير ليسنز
عموما اخر كلمه احب اقولها لحضرتك ان لو حضرتك نويت تجيب اتش بي و انت بتشتري خلي بالك من حاجتين دايما بينزل عرضين مع الجهاز وهما كالاتي
1- اول عرض انك بتاخد مع الجهاز الشنطه الاوريجينال بتاعته او يعلي الرام الضعف و طبعا تعلي الرام احسن لأن انت ممكن تجيب شنطه من نوع اسمه ستار بعد كده ب 60 جنيه متفرقش حاجه عن الاصليه ام 300 جنيه
2- العرض التاني ان الجهاز ممكن عليه تدفع 500 جنيه زياده و تاخد حاجه اسمها
care-back و ده يخلي ضمان الجهاز 3 سنين مش سنه واحد انت ممكن تعملها بعد كده عند التوكيل
بس بتدفع 1250 جنيه فادفعهم من الاول احسن و اوفر و انا أويد بشده العرض ده لأنه مفيد جدااااااااااااااااااااااا اااااااااااااااااا
**العرض الاول مش موجود دايما اما التاني تلاقيه في الاماكن الكبيره زي هايبر وان او كارفور لأن بيكون هناك مندوبين من الضمان
----------------------------
اخى الحبيب الاستاذ /عبد العزيز مرة ثانية امام اخلاصك البالغ فى اسداء النصح واهتمامك الشديد بادق التفاصيل التى ستفيدنى بالتاكيد ---------بقول مشلاقى كلام اشكرك بية غير ات انا ادعو الله لك بخير الجزاء وان يبارك يمينك ويمين كل من سطر كلمة تفيدنى وتفيد باقى الاعضاء ربنا يبارك فيكم
الاستاذ كريم والاستاذ اوسكار
اتا كنت متخيل ان انا بشوية المعلومات النظية اللى حافظهم عن الحواسيب المحمولة ان انا خبير جهبذ فى هذا المجال لكن قدام معلوماتكم الغزيرة حاسس ان حضرتنا تلميذ امام اساتذة فى مدرسة اللابتوب ورحم الله امرءا عرف قدر نفسه
فعلاً يا كريم ده اللي بيحصل دلوقتي واللي يغيظ بقى انه يديلك اسطوانة ويندوز فيستا مثلا وعليها التعريفات وممكن تدخل على النت على موقع (HP) ماتلاقيش تعريفات لويندوز اكس بي تتجنن بقى مشعارف الواحد بيحس انهم احياناً بيجبروا الناس انها تستخدم الحاجة اللي هما عاوزينهم يستخدموها مش اللي الناس عايزة تستخدمها
انا لما اشتريت الاسوس بصراحة ماكانش معاه اسطوانة (Recovery) بس كان معاه 3 اسطوانات شاملين تعريفات اكس بي وفيستا وبرنامج نيرو بتاع نسخ الاسطوانات. كانت حاجة جميلة بصراحة واخدت من البياع كمان نسخة ويندوز اكس بي اصلية وكمان نسخة فيستا (Ultimate) اصلية بتاعت ديل وديه اكيد هاجبها لدكتور اسماعيل اول ما اقابله لأنها بصراحة تحفة
فممكن قبل ما د/ اسماعيل يشتري اللابتوب يدخل على النت ويتأكد ان كله تمام والتعريفات كلها موجودة وبعدين ينزل يشتريه وهو مطمئن
اسف على الاطالة واني وجعتلك دماغك يا كريم بس بصراحة استفدنا منك جداً وياريت الادارة تثبت الموضوع ده علشان يكون مرجع لأي واحد يستجري ويجيب لابتوب
ايه يا جماعة الاحراج ده بس سبحان الله وما اوتيت من العلم الا قليلا
انا كل فترة لازم اخد بعضي وانزل اشوف الجديد في مولات الكمبيوتر عشان اقارن دايا بين اللي بينزل مصر واللي بشوفه جديد على النت
وعن التثبيت هاشوف مع المشرفين امكانية تثبيته ان شاء الرحمن
لا يا سيدي متقولش كده هي كل الفكرة زي ما قال الاستاذ كريم هوايه ثانيا عشان انا في حاسبات و معلومات و كل طالب معاه لاب اجباري فالواحد بيشوف كل الانواع الكويس و الوحش و انا تحت امرك
مبروك يا جماعه
الموضوع اتثبت في التعليمي
بفضل الله ثم غزارة معلوماتكم وحبكم افادة بعض لوجه الله
الله يبارك فيك يا كريم الفضل لله ثم ليك وللمحبة وروح التعاون بين الاخوة. والله الواحد عمره ما شاف منتدي بالجمال والاحترام والحب دا كله ربنا يديم المعروف. والف شكر على مجهودك يا كريم في تثبيت الموضوع.يا ريت بمناسبة تثبيتالموضوع نكمله بإن كل واحد من الاعضاء يعرف عناوين وارقام تليفونات لتوكيلات او مراكز صيانة معتمدة او اماكن بيع قطع غيار او اماكن بيع باسعار جيدة يتفضل مشكوراً بإضافتها على ان يتم حصرها في الاخر وترتيبها وتنسيقها مع بعض.
ازيكم يا شباب و ازيك يا استاذ كريم
انا انبسطت كتير من الحوار جدا و فعلا الكلام اللى كلكم قولتوه مظبوطط و انا كان نفسى اساعد فى حاجة بخصوص اللاب توب دة لكن انا للاسف مقيم فى الغردقة و مش عارف حانزل اجازه امتى لكن لو انتى محتاج اى مساعدة انا فى موردين كتير بيوردولى اجهزه فممكن اجيبلك سعر كويس بس للاسف مش حاقدر انزل معاك عموما انا بكره حاسئلك على الاسعار و الموديلات و اقولك و لو حاجه عجبتك حاجه حابعتلك رقم تليفون الشركه و عنوانها و تروح لمين هناك
و اتمنى ان ربنا يوفقك فى جهاز كويس
و الاستاذ كريم اتمنى اتعرف عليك و على كل اللى بيشتغلوا او بيدرسو كمبيوتر و يبقى بينا اكتر من هوايات مشتركه مش عربيات و بس
انا اسمى عماد و باشتغل IT manager فى الغردقة
فكرة كويسة يا وليد
وتكون نواة داتا بيز
اهلا وسهلا بييك يا عماد اخ وصديق
المنتدي فعلا مليان بفطاحل زي الفل في الكمبيوتر
ربنا يزيد ويبارك
موضوع جميل جدا و الردود كلها رائعة و مفيدة
كنت عايزة أستشير حضراتكم...عندي فرصة حد يجيبلي اللابتوب من أمريكا
فهل أشتريه من هنا أحسن و للا أجيبه من برة؟
و إيه الأفضل لو جبته من برة...الhp و للا التوشيبا؟
رقم توكيل اتش بي 33381250 و هي شركه M.A.S Egypt في شارع المروة المتفرع من شارع محيي الدين ابو العز
و المبيعات في شارع جده الشارع اللي جنبه على طول رقم 26
بره ارخص بس مفيش ضمان عليه في مصر
انا رأيي تشتريه من مصر احسن عشان الضمان
او تجيبه من بره و تدخله في الضمان لمده سنتين من تاريخ الصنع و ليس تاريخ الشراء خلي بالك من النقطه دي كويس بمبلغ 1250 جنيه ده بالنسبه لاتش بي اما توشيبا معرفش
انت شوف مين ارخصلك تجيبه من بره و تدخله ضمان سنتين او تشتريه من من مصر عليه ضمان سنه
فى الحقيقة الفضل لله اولا ثم ليكم انتم الاتنين وانا مع وليد فى اقتراحه وحاسس ان الموضوع هيكون بالطريقة دى مرجع لعلوم وسوق الحاسبات المحمولة ويمكن بعد شوية اضافات وتوسع فى العرض والشرح يكون قاعدة معلومات موثقة ومتاحة للجميع وربنا يوفقنا جميعا http://www.nilemotors.net/Nile/images/icons/icon7.gif
تم اضافه موضوع باسم اكبر دليل لتوكيل شركات الهاردوير في مصر لتع الفايده وده اللينك بتاعه
http://www.nilemotors.net/Nile/showt...t=17354&page=2