تشترىلابتوب (نوتبوك) ايه؟

**qwertyqwerty** · 03-05-2008 12:06 AM

يا شباب هاهى المواصفات الجهاز سعره حوالى 4400 جم
هل يساوى نشتريه من الخارج ولا نجيب من مصر
افيدونا افادكم الله

specification:
Toshiba A 200-1YX
CPU: Intel Core 2 Duo T5450 1.6 GHz/2MB
RAM: 2gB DDR II/667 MHz
HDD: 160 GB/540/sata
CD: DVD + - RW /dl
VC:intel X3100 up to 358 MB/tv out/VGA
Modem, lan, wlan, a/b/g, 4 usb, blue tooth
exp card , IEEE 1394, card reader, 1.3 mp camera
os: windows vista home prem. 32 bit

**M_HaFeZ** · 03-05-2008 12:10 AM

بص هو من جهه انه ارخص فهو ارخص وتمنه فى مصر اظن يقارب لل 6000 او ينقص 100 - 200 جنيه تقريبا لانه 1.6 وكمان كارت الشاشه مدمج
جزئيه من هنا او بره دى ترجع لك انت وانت شايف السعر
الضمان الصراحه مجربتش لحد دلوقتى التعامل مع التوكيل

**qwertyqwerty** · 03-05-2008 12:20 AM

معنى كده ان 1.6 ضعيف
وما فائدة كارت الفيديو الخارجى
اسف للازعاج ولكن معلوماتى فى مجال الكمبيوتر ضعيفة

**Dr Ahmed** · 03-05-2008 12:51 AM

المواصفات جيدة جدا والسعر ممتاز ممتاز ممتاز
6و1 ضعيف! ياراجل ! دا زى الفل وأكتر فى الاب توب
وكارت الفيديو بتاعه زى الفل وفيه مخرج للتليفزيون وفيه كماليات كتيرة جميلة

توكل على الله وشيل بسرعة

**abdelaziz-waleed** · 03-05-2008 01:36 AM

توكل على الله يا باشمهندش ومش هاتندم بس زي ما قولت لحضرتك تأكد من كفاءة البطارية لأنها غالية شوية وتأكد من وجود الشاحن الاصلي لأنه برده غالي
1.6 مش ضعيف لأنه كور 2 ديو والمعالج بتاعه موديل t5450 وده موديل كويس جدا هو يعتبر في اوائل الكور 2 ديو لأن نزل بعده ال t7000 و ال t9000 بس ده يعتبر ممتاز
هو تمنه في مصر هايكون في حدود 5600 جنيه
وفي الاول في الاخر الرأي الاخير يرجع لحضرتك

**M_HaFeZ** · 03-05-2008 02:58 AM

المشاركة الأصلية كتبت بواسطة M_HaFeZ

بص هو من جهه انه ارخص فهو ارخص وتمنه فى مصر اظن يقارب لل 6000 او ينقص 100 - 200 جنيه تقريبا لانه 1.6 وكمان كارت الشاشه مدمج
جزئيه من هنا او بره دى ترجع لك انت وانت شايف السعر
الضمان الصراحه مجربتش لحد دلوقتى التعامل مع التوكيل

ياجماعه متحملوش الكلام اكتر من معناه لوسمحتم
انا مقلتش انه ضعيف بص لو هنقارنها بالعربيات سيبك من مصر خالص وسيبك من استهلاك البنزين
لو قلتلك العربيه دى 4000 سى سى بس .... معنى كده انه قليل لا بس اقل مثلا من 5000 سى سى واضح ؟؟
الموضوع اللى باتكلم فيه هو ان فى السوق المصرى حاليا 2.2 Core 2Duo يعنى ال 1.6 اقل نسبيا وبالنسبه للكارت المدمج عكسه مبيبقاش خارجى .. لكن مبيبقاش على البورده وامكانياته غالبا افضل لان المدمج من نوع انتل وده كفائته فى الجرافيك قليله عن ال nVidia - ATI يعنى هيفرق فى شغلك لو هتشتغل جرافيك او تحب تلعب عليه العاب تقيله وماكثرهم اليومين دول ...
طبعا الناس هتقول هيعمل ايه بده كله
انا بس باقارن بين السعر وانا مش متأكد بالظبط من السعر فى مصر بس فى الحدود دى
عموما نصيحه من واحد شاف كتير فى السوق الافضل انك متشتريش اعلى حاجه فى التكنولجيا الموجوده لانها بتبقى اعلى بفرق عن الدرجه التانيه من التكنولجيا وكمان متشتريش تكنولوجيا قديمه
بمعنى مثلا لو اعلى حاجه دلوقتى 2.2 هتلاقى مثلا سعره 20 وحده سعريه
وال 2 هتلاقى سعره 16 وحده سعريه
يبقى انت تشترى مثلا ال 1.8 اللى هيكون تمنه تقريبا 14 وحده ... وطبعا فى اختلافات بس بلاحظ كتير ان اعلى حاجه فى التكنولجيا اول ماتنزل بتكون اغلى اوى
والافضل بلاش ال core duo او ال single core لانه تكنولجى قديمه
وبرضه الاختيار لك علشان تشوف موضوع فرق السعر يناسب فى المقابل بالضمان ولا لأ

نقطه كمان كل ماكان الكارت الجرافيك عالى كل ماشال حمل من على البروسيسور

**qwertyqwerty** · 04-05-2008 03:00 AM

شاكر جدا لردودكم المفيدة.
اعتقد ان فرق السعر يستاهل.
ولكن لان الجهاز ليس عليه تخفيض سأنتظر قليلا قبل ما اشتريه، واذا وجدت عرض اخر افضل سوف اخبركم واطلب منكم المشوره اذا كان ذلك لا يضايقكم.........
وانا على العموم استعمالى عادى جدا ولا احتاج لجهاز قوى ولكن ربما احمل عليه بعض الالعاب لبنتى وفى هذه الحالة ساكون محتاج لجهاز اقوى.
لذا ارجو ان تسمحوا لى ان استشيركم مرة اخرى.
مع خالص الشكر والامتنان وفائق التقدير للشهامة المصرية المعتادة..

**M_HaFeZ** · 04-05-2008 07:27 AM

ياباشا فى اى وقت اسأل وانا واللى يعرف احسن منى هيرد عليك باذن الله
برضه نصيحه لو عايز جهاز للالعاب لبنتك يبقى ياريت تبعد عن اللابتوب لها وتجيب جهاز ديسكتوب امكانياته اقوى وسعره اقل واحتمال اكبر ومناسب لاستخدام بنتك وخصوصا لو سنها صغير

**abdelaziz-waleed** · 04-05-2008 07:46 AM

يا باش مهندس احنا تحت امر حضرتك انت بس أأمر وان شاء الله الف واحد من خبراء المنتدى هايجاوبوك بكل امانة
وربنا يوفقك لما هو فيه خير لك

**islamafifi** · 10-05-2008 02:27 PM

It depends on your budget and needs:

1)From Performance and durability perspective:
Dell Latitude NOT Inspiron is the best, then HP

2)If you don wanna pay much and take good performance then go to Acer Or Fujitsu.

3) Dont buy Toshiba

Be careful when dealing with Acer's screens as they are sensitive.