و الله الراجل بتاع الحمام الله يكرمه - على حسب ما انا شوفت من معاملته و شغله- عمل معايا واجب و عملى العجلة كلها ب 70 جنيه
عرض للطباعة
السلام عليكم ورحمة الله وبركاتة
والله انا واحد معرفة كان نازل من السعودية بعربيتو مرسيدس وحب يزود الكوتش وكانت العربية الحمد لله ماشية من السعودية لحد القاهرة ماجرلهاش حاجة واول ما دخل بنزيمة يزود العجل طلع ان فيها اخرام كتير وحاجات كد طبعا هوا ما صدقش الكلام دا وقال زود هو بس وسيبها طبعا الصنيعي مشاة على قد عقلو بس كان عمل اللازم طبعا صاحبان بعد البنزيمة مفيش 500 مت كان كل الكوتش على الارض واللي هو ما يتصلحش غير 4 عجلات بحوالي 2500 جنية ((طبعا دي مصر يا جمعة ))
لا حول ولا قوة الا بالله حتي الطرق السريعة فيها كده ده ممكن لقدر الله يضيع الي في العربية كلهم وليه يعني بيفكرني بفيلم كركر متنسيش ياما تجيبي اتنين كيلو مسامير 10 سم قالوا يبقي انت الي خرمطلي الكاوتش ايوة انا امال ناكل ازاي يا عم
أنا كمان أتعملت معايا نفس الحركة دي بالضبط في طريق نفق المريوطية أللي في أخر فيصل و طلع 8 أخرام و راح غاملهم خوابير أميركي الواحد ب10 جنيه.
طبعاَ أنا خليته لغاية ما لحم الكاوتشة ثم دفعت 25 جنيه فقط و قولت له أخبط دماغك في الحيطة أو حاروح أعملك محضر أتلاف في القسم.
و من ساعتها لو الكاوتش محتاج يتزود بأروح عند بتاع الكاوتش و أنزل من السيارة قبل ما أقول أنا عايز أيه ثم يبدأ نفخ الكاوتش أمام عيني.
معلش بلدنا خلص الخير فيها و أصبح النصب و السرقة هو العرف و بيعتبروها شطارة و نصاحة.
ملش الحمد لله قضاء اخف من قضاء و جزاك الله خير على المعلومة
العفو يا باشا انا لا احب ان ألحم فردة كاوتش فى المحطة بيستفزنى جدا و الموضوع بيبقى اشتغالة و نصب و لما بديلة الداخلى يركبة بيتكهرب شوية و بيتعدل معايا فى الكلام و ممكن كمان يطلع لك خرم واحد بس فى الفردة الاساسية و كدة كدة الشنبر بتاعك و الغرامة لا تتعدى الفك و التركيب و سرعة فى الاداء و عملية نظيفة مافيهاش خسائر ابدا و على فكرة بعض المحلات الى فى وسط البلد برضو بينصبو فى عملية اللحام و يقولك كام خرم كدة و لما بيجى يخاسبك يقولك لحام امريكى و شوية هبل و الحساب مثلا ههههههههههههه 40 جنية اى اشتغالة و نصب
يا جماعه لو سمحتوا عبوا بنزين جنب البيت و تفادوا المحطات دي تماما
و لو الراجل اللي بيمونلك قالك الكاوتش مريح قوله .................... لانه بيتفق مع الراجل بتاع الكاوتش اللهي يحرقهم هما الجوز
و ممكن تشتري منفاخ الكاوتش من شارع دمشق و ترفع الفردة لغاية ما تلاقي حد ابن حلال تعرفه
متقلقش ربنا مبيسبش حد ان شاء الله يرزقه بواحد يعمله 60 خرم في أماكن متفرقه من الجسم