الموضوع: احذروا محطات الوقود على الصحراوى !!!!

السلام عليكم ورحمة الله وبركاتة
والله انا واحد معرفة كان نازل من السعودية بعربيتو مرسيدس وحب يزود الكوتش وكانت العربية الحمد لله ماشية من السعودية لحد القاهرة ماجرلهاش حاجة واول ما دخل بنزيمة يزود العجل طلع ان فيها اخرام كتير وحاجات كد طبعا هوا ما صدقش الكلام دا وقال زود هو بس وسيبها طبعا الصنيعي مشاة على قد عقلو بس كان عمل اللازم طبعا صاحبان بعد البنزيمة مفيش 500 مت كان كل الكوتش على الارض واللي هو ما يتصلحش غير 4 عجلات بحوالي 2500 جنية ((طبعا دي مصر يا جمعة ))

أنا كمان أتعملت معايا نفس الحركة دي بالضبط في طريق نفق المريوطية أللي في أخر فيصل و طلع 8 أخرام و راح غاملهم خوابير أميركي الواحد ب10 جنيه.
طبعاَ أنا خليته لغاية ما لحم الكاوتشة ثم دفعت 25 جنيه فقط و قولت له أخبط دماغك في الحيطة أو حاروح أعملك محضر أتلاف في القسم.
و من ساعتها لو الكاوتش محتاج يتزود بأروح عند بتاع الكاوتش و أنزل من السيارة قبل ما أقول أنا عايز أيه ثم يبدأ نفخ الكاوتش أمام عيني.
معلش بلدنا خلص الخير فيها و أصبح النصب و السرقة هو العرف و بيعتبروها شطارة و نصاحة.

المشاركة الأصلية كتبت بواسطة ehab_osman

برده انا نالينا جانب لا بس بيه من بتوع الكوتش ال فى البنزينات وخدت قرار ان لا اتعامل معهم علي الاطلاق ( قدر الامكان طبعا وفي الحدود الدنيا ايضا ) + وفكرة الكوتش الداخلي فكرة رائعة جدا ؟؟؟؟؟؟؟؟؟؟؟؟؟ وانا حنفذها في اقرب وقت .

العفو يا باشا انا لا احب ان ألحم فردة كاوتش فى المحطة بيستفزنى جدا و الموضوع بيبقى اشتغالة و نصب و لما بديلة الداخلى يركبة بيتكهرب شوية و بيتعدل معايا فى الكلام و ممكن كمان يطلع لك خرم واحد بس فى الفردة الاساسية و كدة كدة الشنبر بتاعك و الغرامة لا تتعدى الفك و التركيب و سرعة فى الاداء و عملية نظيفة مافيهاش خسائر ابدا و على فكرة بعض المحلات الى فى وسط البلد برضو بينصبو فى عملية اللحام و يقولك كام خرم كدة و لما بيجى يخاسبك يقولك لحام امريكى و شوية هبل و الحساب مثلا ههههههههههههه 40 جنية اى اشتغالة و نصب

المشاركة الأصلية كتبت بواسطة ahmedciw

نفس الفلم دا حصل معايا في بنزينة مصر للبترول الي في اول الساحل الشمالي على ناصية مدخل ابوتلات ... عملي تسعة اخرام و الادهى انه قالي ان الخوابير انواع وكل نوع بسعر ... الله ينتقم منه و لا يباركله في الجنيهات الي خادها سحت ...
ارجو من الاخوة الي حصل معاهم موقف مشابه ان يكتوبوا عنوان البنزية لكي يرتدع هؤلاء المجرمين

بنزينه ابو تلات دى محدششششششش يدخلها
حرامييييييييييييييييييييي ييييييييييييييييييييييييي ييييييييه فى البنزين والكاوتش وكل حاجه حسبى الله ونعم الوكيل
الاحسن منها البنزيه اللى عند مستشفى مبره العصافره فى الكيلو 21 احسن منها وانضف مليون مره