مشكلتين مش لاقيلهم حل

ده موضوع عاجل وياريت أصحاب الخبرة أو اللي مر عليه نفس المشكلة يوضحلي
أنا عندي بيجو 504 موديل 79.
المشكلة في الدبرياج تتلخص بحاجتين:
1. أنا غيرت خلال الفترة الماضية (سنتين تقريباً) طقم دبرايج كامل وأول ما يركب يكون كل حاجة كويسة بس بعد فترة شهر كده تقريباً بتبدى الدعسة تصير قاسية حبتين. رحت ميكانيكي قالي انه في بربيش لازم يتنضف وهو اللي بيخلي الدعسة تفضل طرية ومريحة. بس ده لازم يكون مع غيار طقم كامل مرة تانية. هل ده صحيح؟
2. المشكلة في نفس الموضوع انه الدعسة لازم تفضل عالية لأني لو حاولت أوطيها الفتيس بيبدى يدقر ويعض شوية. يعني السيارة مش بتكون دعستها واطية زي السيارات العادية. هل ده طبيعي أو أنه في حل للمشكلة دي؟
طبعاً حاكون مشكور لو تفضلتم ونصحتوني قبل ما ارجع الميكانيكي وأخليه يعمل حاجات مش ضرورية.

كون الدواسة بتاعه الدبرياج عالية دة مش كويس و يسبب تآكل الاسطوانة
خللي الميكانيكي يرجلش السلك شوية صغيرين و مايوطيهاش كتير و كدة مش حايدقر في الغيارات

بالنسبة لتقل الدواسة

اولا فك سلك الدبرياج و اتاكد انة سليم و مش مشعر (مفتل) او محتاج تغيير و شحمة بشحم فازلين علشان يبقى خفيف

لو فضل الدبريات تقيل

الحل الوحيد اللي قدام ان الدسك يتفك و يتنضف الريش بتاعته كويس
و يتنقع ليلة (عالاقل 10 ساعات) في حوض بة جاز (كيروسين) و يتركب تاني يوم حاتلاقي الدبرياج خفيف كانة هيدروليك (دي وصفة مجربة) لان الطريقة دي بتخللي الريش طرية

انا مش فاهم بعض الكلمات يعني مثل"بربيش" دي مش عارفها ,و اعتقد ال "دعسة" هي ال "دوسة" بالمصري
بس عامة الميكانيكي يقدر يفك طقمالدبرياج و ينضف اي جزء فية و يركبة تاني و مش لازم يفك وقت مايغير الطقم فقط
بس انت بتخسر التكلفة لان تكلفة الفك و التنظيف زي تكلفة الفك للتغيير او اكتر

ألف شكر ياباشا أنا حأجرب موضوع السلك وأخبرك وان شاء الله يكون تمام