بفكر في حل إفتكاسي ! هل من مفتكس ؟ :)
الموضوع ببساطة إن عربيتي كان فيها فاميه علي الإزاز الخلفي قدييييييم شبه شفاف
قلت في يوم هو كده كده ملوش فايده أشيله أحسن أكيد الرؤية هتبقي أوضح
وباريتني ما شيلته !!!!!
طبعا كل الأوبلاوية b عارفين إن إريال الراديو عندنا في الزجاج الخلفي مع سلوك تسخين الإزاز
وعشان الفامية كان قديم لما شيلته فوجئت إن طلع فيه لون دهبي من الخطوط بتاعت التسخين !!!! علي الرغم من إن الخطوط موجوده علي الإزاز إلا إنها بقت خفيفة
النتيجة :- التسخين مش شغال و الراديو بعد ما كنت بتباهي بقوة الإشارة أصبح لا بيهش ولا بينش يدوب يعرف يوش
بفكر بأة في أي حل إفتكاسي أقوي بيه الإستقبال تاني أعمل توصيلة . حتة سلكه , الإريال الكهربا إللي بيركب في التكسيات , أي إفتكاسه أخبيها ورا و تكون مؤثره
ولأني عارف قوة العقول الهندسية هنا قلت أشوف ( هل من مفتكس ؟ )
:)