العربيه من اكثرمن اسبوع مش مظبوطه نهائي...
وصف الحاله:
- مافيش تجميع نهائي... (صوت الموتور عادي في السلانسيه ولما تطلع بتطلع عادي ) بس المشكله في التجميع...
مثلا اديت الغيار الاول وطلعت وبعدين دوست بنزين في الدواسه... تلاقي صوت الموتور يعلي جدآ معاك لكن مافيش سحب لمدة 7 او 8 ثواني وممكن أكثر...
وهكذا مع كل الغيارات...
بس امبارح اكتشفت حاجه غريبه...
انا كبست بنزين ومافيش سحب وواخده الغيار الثالث مثلا... لو دوست سنه دبرياج وبعدين سيبت تلاقي العربيه بتتفض زي ما بتكون بتأمرك للحظه وبعدين تكن تاني...
والغريب ان العربيه لما تشبعها بالغيار الثالث او الرابع تلاقي لمبة التشيك تنور ولما تشيل رجلك من علي البنزين اللمبه تطفي.
للاسف لسه ماكشفتش اسكانر لانه مافيش اسكانر قريب...
رحلة البحث عن حل للمشكله والتي لم تحل بعد:
- تنظيف حساس الكرنك اللي كان شايل بلاوي...
- تغيير بوجيهات (كان في 2 طالعين كويسين وحريقهم ممتاز.. و2 مهببين )
- تنظيف البوابه.
- تغيير فلتر الهواء وفلتر البنزين...
- تنظيف مجاري الزيت بعمود الكامه واللي كان فيها 4 مسدودين.
- عما ايدل ليرن.
وللاسف النتيجه سلبيه حتي الان.
- انا شاكك في اسطوانة الفتيس مع ان العربيه بتأمرك عادي بس بتتخنق بعد الطلعه.. (وكمان ده مالوش علاقه بلمبة التشيك)
- وكمان شاكك في الرشاشات بس العربيه صوتها في السلانسيه عادي ( وبرده ليه لمبة التشيك نورت )
- وكمان شاكك في موتور طلمبة البنزين...
- وبنسبه كبيره في مشكله في الحساسات... بس حساس ايه اللي يسبب كده ؟؟؟
هل حد من الاخوه مرت عليه المشكله دي قبل كده...
وياريت لو حد يعرف ورشه او بنزينه في المنصوره فيها كشف اسكانر...