اخوانى محتاج رايكم فى زيت الموتور كالتكس اية رايكم كويس و يستاهل ولا بيعمل مشاكل ارجو الرد السريع و لو كده هو سعره كام ؟؟؟و لو مش حلو افضل انواع الزيت البديلة اية بس تكون اسرعها مش عالية اووى يعنى تكون متوسطة
عرض للطباعة
اخوانى محتاج رايكم فى زيت الموتور كالتكس اية رايكم كويس و يستاهل ولا بيعمل مشاكل ارجو الرد السريع و لو كده هو سعره كام ؟؟؟و لو مش حلو افضل انواع الزيت البديلة اية بس تكون اسرعها مش عالية اووى يعنى تكون متوسطة
لأ زيت كالتكس مش حلو وبيخلى صوت المكنة عالى
ياريت تقول نوع العربية وحالة الماتور عشان نفيدك اكتر بافضل نوع ليك
جرب فيسكو 3000 و ادعيلي
لحد 10 الاف كيلو لو حالة الموتور سليمة
انا بستخدم كالتكس وزيتهم محترم جدا جدا جدا ورائع ما شاء الله
انا حطيت زيت ال 10000 التخليقي والحمد لله كملت عليه لحد دلوقتي 4000 كيلو وماشاء الله زي الفل
ال 10000 عامل 230 بالتغيير وال 5000 ب 100
وعلى فكره
كالتكس تاني اكبر مصنع زيوت في العالم
تحياتي
كالتكس جامد جدا جدا الناس بتقارن بالاسعار
بس شل وموبيل ليهم الاولوية
زيت كالتكس بيخلى صوت المكنة عالى , زيت بطبيعتة لزوجتة خفيفة مش عالية ى موبيل وشيل
وانا انصحك لماتورك شيل الاصفر 3000 كيلو ب105 جنية بالتركيب لو هتجيبة من البنزينة لو من برة هيبقى ب105 بس غير تمن التركيب شوف انت هتعملة فين
اسن من موبيل xhp ومن كالتكس
بالنسبة لزيت فيسكو انا ماجربتوش الصراحة
انا عامل حوالى 9000 كيلو ب فيسكو 3000 (115 جنيه) و جبت جركن جديد و فلتر و هغير انهارده أو بكره ان شاء الله .. و بصراحه زيت ممتاز.
زيت فيسكو بيتباع في محطات كار جاس
حاسب من زيت كالتكس ابو 38 جنيه ده الزيت ده من عيوبة انه بيحل مع السخونيه وبيخلى الاحتكاك فى الموتور اعلى علشان كده بتسمع الصوت العالى ده انا كنت باستخدمه ومكملتش عليه 1500 كيلو وفجاه لقيت لمبة الزيت نورت وطلع ان عامود الكرنك اتكسر للاسف ومسكت الزيت وهو سخن لقيته زى الميه المهم فيه زيت موبيل لسه شاريه قريب الجركن 4 كيلو ب 50 جنيه بس ميه ميه فيه ميزه انه بيبقى خفيف وهو بارد ويتقل مع السخونيه وخاصه فى الحر ده وكان صوت الموتور عالى مع كالتكس ودلوقتى بقى كويس والحمد لله نوعا ما بس انا لسه فى التليين يعنى مش قادر احكم بالظبط بس لاحظت الفرق بينه وبين كالتكس وسمعت برضه عن فيسكو ده انه جامد جدا فيه فيسكو 2000 ده بيعمل 5000 كيلو و ب 76 جنيه من محطات كار جاس
الف شكر ياباشا على المعلومه المهمه دى
وفعلا انا عندى صوت المكنه عالى وفيه خشونه
بس انا لسه مغير امبارح بس الزيت
ايه رأى حضرتك تنصحنى اكمل بيه ال 1500 ك وبعدين اجيب موبيل ولا تفتكر اغير دلوقت واتخلص منه ؟
وبعدين انا سمعت ان المواتير الجديده بيبقى لها نوع معين والمواتير القديمه زى بتاعتى مثلا نوع زيت معين
ياريت رأى حضرتك ورأى الخبراء تنصحونى بموبيل ولا ايه وايه افضل نوع يناسبنى
السياره اكسيل موديل 95 والموتور 1500 سى سى
وكمان ايه افضل نوع زيت للفتيس وبيتغير كل كام
والف شكر
حضرتك ممكن تجيب فيسكو 2000 ب 76 جنيه و يعد معاك من 7 ل 8 الاف كيلو
الف شكر ياباشا
بس لى استفسار بسيط شويه
مش كثير ال 7 الاف كيلو كل تغيير
يعنى انا مثلا كنت باستخدم الكالتكس وكنت بغيره كل 1500 ك
فلو جبت فيسكو ده مش شايف ان 7-8 الاف ك كثير شويه ؟
وياترى طول المده دى وعدد الكيلومترات هل بيؤثر على كفائته بالنقصان مع هذا العدد الكبيرمن كم
حضرتك لو موتورك حالته ممتازة ممكن تنزله علي 10 الاف كمان بحد اقصي
لكن انا بقولك 6 7 الاف عشان نبقي فالسليم....
ولو نقص ممكن تزوده مش مشكلة
المهم حالة الموتور
يا باشا لا شكر على واجب بالنسبة لزيت فيسكو ده انا اسمع انه كويس جدا وانا ناوى اجربه بس مش 7000 كيلو زى ما الاخ بيقول احنا فى جو حار جدا وبعدين المكنه مش زيرو انت تجيبه وتمشيه 5000 كيلو وبعدها ترجع من مشوار يكون طويل وترفع مقاس الزيت وهو سخن وتلمس الزيت بين صوابعك كانك بتلمس قماشه كده وتشوفه لو خفيف قريب للميه يبقى يتغير فورا ولو لسه فيه لزوجه وتحس ان ايدك بتتزحلق منه يبقى زى الفل وكمل معاه بس بحزر يعنى كل 200 كيلو مثلا تعمل نفس الحركه بس الاضمن وانت بتشتريه اسال البايع مسافته كام كيلو فى الظروف الصعبه وربنا يسترها علينا وعليك من مقالب الزيوت والله الموفق
يعنى افهم من كلام و نقاشات السابقة ان الواحد اما يستخدم موبيل او شيل او فيسكو
و غير كده و كده انا من راى الشخصي ان واحد يغير الزيت كل 3000 او 5000 بالكتير هيكون افضل و اضمن عموما شكرا لكل نقاشات السابقة
مع ان تجربتي مع الكالتكس رائعه ومريحني لكن مستغرب من الردود دي وعموما انا هغير المره الجايه واجرب الموبيل
للعلم انا حاطط زيت ال 10000 كيلو وكملت عليه حوالي ال 4000 كيلو والى الآن ممتاز جدا معايا
تحياتي
بلاش موبيل يا جماعة
جربته مره بس بصراحه ما استريحتش معاه
يا جماعة ان استخدمت زيت كالتكس و حسيت ان الماكينة صوتها على شوية و اللزوجة بتاعت الزيت و الله كويسة جدا بس الزيت حاسس انه خفيف فممكن حد يدلنى على زيت تانى علشان انا عايز اغير الزيت ده بس يكون زيت اتقل شوية و كمان يكون يعمل 2000 او 3000 بالكتير
منتظر ردودكم يا اخوانى
انا اسف للتدخل يا جماعة
لكن فعلا انا استخدمت زيوت فيسكو 2000 لمدة طويلة وهيه بتقعد حوالي 7 او 8 الاف كيلو لو الماتور مظبوط لما كنت بنزله علي 7 او 8 الاف كان العامل بيقولي لسه فيه لزوجة
بس للآسف انا اضطريت اغيره لزيت الامارات التقيل لان الماتور بدأ ياكل زيت والعربية عاوزه طقم شنبر انما هو فعلا زيت جبار وانا لي اخويا الكبير بيشتغل في شركة بترول قالي انه من اعظم الزيوت علي مستوي العالم في الكفاءة والهدوء واللزوجة وانا مش بعمل اعلان ولا حاجة لكن للنصح والارشاد والله الموفق
ممكن حضرتك تشوف المواضيع دى
تجربتي مع زيت فيسكو
أرجو الافادة فى زيت فيسكو
انت تسال و مهندس محمد التازى يجيب - من خدمة الدعم الفنى لفيسكو -
بعد متابعتى للردود . احب اقول و عن تجربة فعلية زيت كالتكس وحش جدا و لزوجتة عند السخونة زبالة
انا حاليا بستعمل زيت مصر 1 بقالى اكتر من سنتين و هى تابع لمحطات مصر للبترول و هو زيت 10000 كم ب 85 جنية الاول كان ب 73 جنية و للعلم الموتور جديد و بغير كل 9000 كم و بيكون زى الفل يعنى لسة فى لزوجة و فى زيت تانى عندهم ب 185 جنية دا 20000كم بس انا محبزوش
انا بستعمل كالتكس ابو 38ج المفروض 1500كم وفعلا صوت المكنه عالى ...........طيب لو هغير هغير لايه يكون برضو كل 2000كم تقريبا عشان عندى المكنه خفيفه وبتاكل زيت وشكرا
انا غيرت زيت كالنكس ابو 38 جنية بعد استعمال اكثر من 3 سنوات لانة معدش زي الاول وبان عيوبة عندي في الايام الحارة وغيرت الي كاسترول ودة بيتغير علي 2000 ك وسعرة 50 جتية وحسيت بالفرق الرهيب معه
الزيت ده زيت احادي ثقيل اخره 1000 كيلو ويتغير ومعتقدش يتحمل 1500 كم عن تجربه
وبيستعمل للمواتير الخفيفة اللي تاكل زيت علشان التوفير
لو الموتور عندك مبياكلش زيت او متعمر او مغير طقم شنبر يبقى تعتبر الموتور زي الجديد
وتحطله زيت متعدد الدرجات اللي يعمل 5000 كم
او تخليقى اللي بيعمل 10 الالاف كيلو