تكيف السيارة بيهز العربية

**elwaworld** · 24-07-2010 03:46 PM

اخوانى لدى سيارة هيونداى اكسيل موديل 96 بها تكيف و يعمل جيداااا بس فى مشكلة ان العربية و هى على السرعة الاولى او و هى واقفة التكييف لو شغال بيعمل على هز العربية بشدة

فاريد ان احل المشكلة ؟؟؟؟ و هل مشكلة هى مشكلة عربية و لا مشكلة تكييف ؟؟؟؟

**Rsarabia** · 24-07-2010 04:43 PM

ممكن تجرب تعلى العربية شوية هتلاقى المشكلة راحت ان شاء الله
لو مراحتش اكشف على شدادات الموتور اللى ماسكة فى البودى لو فيها شق او كسر

**elwaworld** · 24-07-2010 04:47 PM

انا جربت موضوع تعلية موتور قبل كده و للاسف كانت مش ليها علاقة بحوار ده بس هابقي اشوف موضوع الشدادات ده و شكرا

**exact** · 25-07-2010 12:35 AM

قواعـــد الموتور ملهاش اي دعوة
لأن الرعشة مع التكييف بس حسب ما فهمت
هو انت عليت الموتور إزاي ؟
المفروض سيادتك هتشيل العمة بتاع فلتر الكربيراتير خالص
وبعد كده هتلاقي مجموعة من الروافع او الدراعات موجودة عالكربيراتير من برة وفيهم واحد هتلاقيه بينزل اول ما تشغل الكومبريسور بتاع التكييف عشان يضغط على دراع تاني يقوم يزود سرعة الموتور طول مالموتور داير فقط
هتلاقي مسمار في طرف الدراع ده
والعربية دايرة والكومبريسور معشق هتبدأ تربط المسمار ده بالراحة لحد اما الرعشة تروح او الار بي ام يبقى على 900
وتخلي بالك وانت بتربط لأن الحوار ده بيتم بالربع لفة

**al_manara** · 27-07-2010 02:00 AM

المشاركة الأصلية كتبت بواسطة exact

قواعـــد الموتور ملهاش اي دعوة
لأن الرعشة مع التكييف بس حسب ما فهمت
هو انت عليت الموتور إزاي ؟
المفروض سيادتك هتشيل العمة بتاع فلتر الكربيراتير خالص
وبعد كده هتلاقي مجموعة من الروافع او الدراعات موجودة عالكربيراتير من برة وفيهم واحد هتلاقيه بينزل اول ما تشغل الكومبريسور بتاع التكييف عشان يضغط على دراع تاني يقوم يزود سرعة الموتور طول مالموتور داير فقط
هتلاقي مسمار في طرف الدراع ده
والعربية دايرة والكومبريسور معشق هتبدأ تربط المسمار ده بالراحة لحد اما الرعشة تروح او الار بي ام يبقى على 900
وتخلي بالك وانت بتربط لأن الحوار ده بيتم بالربع لفة

ولو الجزء دة مش بيتحرك . يبقي بايظ . وبتاع التكيف هايعرفة بسهولة جدا . وهو بيسموة جافارناك . وموجود جديد ب 80 جنية

**exact** · 27-07-2010 02:08 AM

المشاركة الأصلية كتبت بواسطة al_manara

ولو الجزء دة مش بيتحرك . يبقي بايظ . وبتاع التكيف هايعرفة بسهولة جدا . وهو بيسموة جافارناك . وموجود جديد ب 80 جنية

شكرا ياباشا للتوضيح وأنا أول مرة اعرف كلمة جافارناك....دي انجليزي دي يا مرسي
مش هو البتاع المدور ده اللي طالع منه عصايه كده بتحرك الدراعات....ومن الناحية التانية داخل خرطوم فاكيوم؟؟
بس ياترى ايه مصدر الكلمة دي؟؟؟ اصلي دورت عليها وملقتهاش عالنت

**al_manara** · 27-07-2010 02:38 AM

المشاركة الأصلية كتبت بواسطة exact

شكرا ياباشا للتوضيح وأنا أول مرة اعرف كلمة جافارناك....دي انجليزي دي يا مرسي
مش هو البتاع المدور ده اللي طالع منه عصايه كده بتحرك الدراعات....ومن الناحية التانية داخل خرطوم فاكيوم؟؟
بس ياترى ايه مصدر الكلمة دي؟؟؟ اصلي دورت عليها وملقتهاش عالنت

تمام هو دة . الاسم دة قالهولي بتاع التكيف . لانة كان بايظ عندي واشتريتة من التوفيقية من عند محل اسمة (الحاجة ) وتقريبا دة الوحيد الي عندة البتاع دة

**shekosheko45** · 27-07-2010 09:45 AM

شوف يا باشا حل مشكلتك من الأخر انك هتحتاج تركب جزء خاص بتعلية الار بي ام بتاع العربية لما التكيييف يشتغل بس و ده بيمنع الرجرجة بتاعة العربية حتي لو علي السلانسيه او و هي واقفة تمام و الجزء الي بيركب ده اسمه الفاكيوم و ثمنه تقريبا 120 جنيه من البنا في التوفيقية و لما مش بتشغل التكييف بتكون العربية علي طبيعتها تماما و الفاكيوم فاصل و اول ما تشغل التكييف يشتغل الفاكيوم و يعلي الار بي ام بتاع العربية و مترجركش او تفصل منك نهائيا