متردد فى قرار الشراء ومحتاج المساعدة والرد على شوية استفسارات
السلام عليكم
اولا انا احب اوجه الشكر لكل الناس اللى فى المنتدى وبيفيدونا بمشاركاتهم وتعليقاتهم وتقاريرهم الجميلة ... اتا بقالى فترة طويلة بجمع معلومات عن بروتون واستفدت جدا من المنتدى هنا ... بجد حاجة هايلة.:hlopaet_prv:
ثانيا انا بسجل اعجابى وحبى لجين2 واختها بيرسونا بجد مميزين ... وانا فكرت اكتر فى البيرسونا مانيوال فول اوبشن (كاختيارى الاول) عشان سيدان واوسع شوية من الجين 2(اللى بحبها جدا) فى الكنبة اللى ورا وفى الشنطة. ولكن.... مشكلة التوكيل السئ ومشكلة قطع الغيار الغالية ومشكلة اعادة البيع بيخلونى افكر انى اصرف نظر واجيب النترا او سيراتو مانوال اول فئة. فهل اعتمد عال عواطف واشتريها بس ممكن المشاكل اللى قلتها ديه تخلينى اكرهها بعد كدة... ولا ايه
وفى عندى كام استفسار كدة :
1- انا لو حاحجز العربية واستلمها فحايكون ان شاء الله من توكيل عز العرب اللى فى مدينة نصر .. وبسمع عن الخصم لنايل موتورز مع استاذ ايمن ... ينفع استفيد بالخصم ده فى فرع م. نصر؟
2- بالنسبة للصيانة: هل ممكن اعمل دايما الصيانة فى المراكز المعتمدة بدون الحاجة لمركز ابو رواش ولا حاتحوج ليهم ... زى ماسمعت انه زفت؟
3- الفرامل سمعت عنها كلام كتير .. سؤالى هل الفكرة انها محتاجة تعود بشكل معين وانها كويسة ولا فيها فعلا مشكلة ومش موضوع تعود؟
وفى النهاية اسف للاطالة بس انا عارف انكو حاتساعدونى فى الحيرة اللى انا فيها ديه .. انا بقالى عال حال ده كتير و مش عارف استقر على العربية.
محمد حسنى
