شوف يا سيدى
الشخاليل لها كثير من المصارد لأن اى حاجة سايبة فى العربية ممكن تشخلل، عفشة سايبة تشخلل، تابروه مش مربوط حلو يشخلل، طفاية سجاير مش متثبتة كويس تشخلل، مرايه جنب بتلق تشخلل، وفى العربيات القديمة موضوع الشخللة ده له حل من اتنين، الصبر وطولة البال ، او التعايش، يعنى انت هتدور على حاجة بتشخلل وتلاقيها، تظبطها، تلاقى حاجة تانية بتشخلل، تربطها ، تلاقى حاجة تالتة بتشخلل، تثبتها وهكذا
او انك تتعايش مع الموضوع لو مافيش حاجة مهمة بابظة فى العربية
اسلاك البوجيهات لكل العربيات دى اعتقد انها هتكون فى حدود شوية عشرات لو موجودة جديدة، لو استيراد هتسمع فيها ارقام بهلوانية طبعا كعادة تجار الإستيراد
البتاع اللى بينفخ العجل اسمه منفاخ على وزن مفعال من الفعل نفخ، مفعال اسم من اسماء الآله زى مفتاح ومنشار ومزراب ، الى هنا تنتهى حصة النحو والصرف :)
عودة للكلام الجاد ، هو بيقولوا عليه منفاخ كهربا، الصينى تمنه 50-60 جنيه وبيقوم الكاوتش من على الأرض وياما انقذنى من مواقف زبالة ، بصراحة هو اختراع رائع حتى لو كان صينى، بيتباع فى كارفور وكمان عند بطاح فى التوفيقية، وعند ابو الجوخ فى شارع رمسيس وفيه عداد بيقيس الضغط، ممكن ميكونش مظبوط اوى لكن انت مع الوقت بتعرف ظبطة كاوتشك تقرا كام على العداد بتاعه
المفضلات