تقييم اللوجان فى سفر من القاهره الى مرسى مطروح

**Galilioz** · 24-07-2010 05:20 PM

الحمد لله سافرت باللوجان الى مطروح من القاهره قضيت اسبوع هناك بالعربيه ورجعت بيها تانى يعنى اخدت وانا رايح وانا راجع الطريق فى حوالى اربع ساعات او اربع ساعات ونصف من غير الاستراحات اللى فى النص بسرعه متفرقه بين 120 الى 140 قطعت طول الرحلة 1300 ك منهم حوالى 1000 على الطريق و300 جوه مطروح
المهم تقيمى للسياره
مميزات
1- العربيه بتدى معايا يعنى وصلت بيها ل 170 على العداد وفى وقت وصلت فيها على 140 وكنت على اخر البنزين ومش عايزه تدى تانى لانى كنت ماشى عكس السير المهم ثباتها ممتاز وانا على السرعات العاليه
2- متوسط استهلاك البنزين على ال100 بالتكييف كانت 6,8 لكل 100 ك وده ممتاز بس لما عليت الى 140 بقت 7.7
3- الحراره متحركتش عن ال5 شرط يعنى ثابته طول الطريق سبع ساعات بالاستراحات اللى اخدتها متحركتش خطوه
4- التكييف طول الطريق ممتاز
5- العزل بتاع العربيه ممتاز متحسش بالطريق

العيوب
بصراحه حسيت بعيب واحد وهو تقريبا البور مبيفصلش مع السرعات العاليه لانى بلاقى الدريكسيون بيجرى منى لازم امسكه بتمكن شويه ولو عديت من جنب اتوبيس بحس ان الاتوبيس بيطيرنى وينقلنى شويه على الجنب

انا قولت لازم اضع تقييم للمشوار الطويل ده
عمتن انا عامل بالعربيه حوالى 3 الف كيلو الان

**shshmoh** · 24-07-2010 05:26 PM

الله ينور و عقبال السفرية رقم 100 لمرسى مطروح

**amr.elsayed** · 24-07-2010 06:12 PM

البور الكهربا هو اللى بيفصل على السرعات العالية مش البور الزيت .... وربنا يباركلك فيها

**AHMEDmostafa79** · 24-07-2010 06:16 PM

حمد اللة علي السلامة بس الطبيعي بتاع الحرارة 4 شرط مش خمسة حاول تتاكد

**frhateg** · 24-07-2010 06:18 PM

المشاركة الأصلية كتبت بواسطة galilioz

ا3- الحراره متحركتش عن ال5 شرط يعنى ثابته طول الطريق سبع ساعات بالاستراحات اللى اخدتها متحركتش خطوه
العيوب
بصراحه حسيت بعيب واحد وهو تقريبا البور مبيفصلش مع السرعات العاليه لانى بلاقى الدريكسيون بيجرى منى لازم امسكه بتمكن شويه ولو عديت من جنب اتوبيس بحس ان الاتوبيس بيطيرنى وينقلنى شويه على الجنب

انا قولت لازم اضع تقييم للمشوار الطويل ده
عمتن انا عامل بالعربيه حوالى 3 الف كيلو الان

1000 حمدا لله علي سلامتك
الحرارة 4 شرط فقط و هي علي كده متعلاش الا لما تطفي العربية و تدورها تاني بتترفع الي 6 شرط لثواني و ترجع 4 تاني .
اما بالنسبة للعيب الوحيد فعلي فكرة ده الطبيعي في معظم الملاكي ان لم يكن كلها و ذلك لحجم اللوجان عن الأتوبيس او النقل و بالذات في السرعات العالية .
عموما شكرا علي نقل تجربتك للوحوش و عقبال السفريات القادمة .

**Super_Star_h** · 24-07-2010 07:14 PM

حمد لله على السلامه يا باشا
الباور تقيل على السرعات العاليه مش خفيف ولا حاجه
يعنى تحس انه مكلبش فى الاسفلت ما شاء الله
واي دريكسيون على السرعات العاليه لازم يبقى خفيف
ولازم تتعامل معاه باللمس ال ملى بيفرق على الطريق
انا كان استهلاك البنزين 6.2
وساعات يوطى اكتر ويبقى 6.0
وكنت مشغل التكييف تقريبآ طول الطريق
واما فصلته مكنش فيه فرق فى السحب نهائى
وعلى سرعات 120 و 140 واخرى كان 160 بالعافيه الدواسه جابت اخرها
اكيد تيار الهوا اللى كان ضدى زي ما وضحولى بعض الاخوه كان مؤثر على السحب
والحراره طبعآ لاتزيد عن 4 شرط
الثبات لغايت 160 وتبدأ تقلق شويه ..
يعنى زي الفل

**joso** · 24-07-2010 08:05 PM

حمدا لله على السلامه وعقبال كل سفريه وربنا يكفيك شر الطريق

**abo_mahmud** · 24-07-2010 08:26 PM

والله أنا حبيت اللوجان من أخ كتب موضوع عن اللوجان يوم ماراحت أحلى مكان بيعجبنى فى مصر "مطروح"
وبالذات أنا من المنصورة وغاوى مطروح وكنت خايف للعربية يحصلها حاجة طلعت ما شاء الله
أنا بسافر مطروح سنويا واللى يعرف الطريق ده ويقارن العربيات فيها يبقى له فى اللى فيها ومن يوميها وأنا بشكر فى اللوجان فى كل حتة وظروفى اليومين دول مش معايا إن شاء الله أرفع تقرير السنة الجاية عن اللوجان وأنا رايح جاى مطروح