الموضوع: خـبــر سـعـيـــد بخصوص وحدات الرفع لكل مـــلاك التـيــــــدا

المشاركة الأصلية كتبت بواسطة Mohamed.Ramah

مش ذنبى والله حضرتك عارف انك واحشنى والله وعاوز اشوف حضرتك بس عمرو اللى كان سايق ههههههههه اتصرف معاةبس ممكن تقول مارينا اخدتنا شوية وباذن الله نتقابل على خير وحمدلله على سلامة وصول حضرتك

صورة من هناك اول لانش على فكرة دى بتاعى

لما اشوفك انت وعمرو ,
روحتوا يوم مرينا رجعتوا كل واحد معاه لانش , ايوة ايوة اللى اعطاكم يعطينا

المشاركة الأصلية كتبت بواسطة Opelvectra

الواحد مش عارف يقولك اية سيبك من وحدة الرفع خالص بس موضوع السؤال و رايح جاي تشوف حاجات علشان تبلغها للناس دا ياعني مجهود و اخلاص غير عادي للمنتدي و الناس اللي في المنتدي مش هقولك غير ربنا يباركلك

الله يخليك يا استاذ احمد وربنا يخليك على ذوقك وشعورك الطيب ده ,
فى ناس فى المنتدى عندها اخلاص اكبر منى , والواحد سعيد بوجوده معاكم , وحبى للمنتدى كبير جدا , لانه ليه الفضل انه عرفنى بشخصيات محترمة زيكم , والواحد كل ما بيحس انكم مبسوطين بيبذل مجهود اكتر عشان الناس اللى فيه يستاهلوا كل خير , وكفاية تقديركم الغالى ده ,
ونتمنى نقعد معاك قريب ونشوفك ونتعرف عليك

وحنستناك المقابلة الجاية باذن الله , بعد العيد باذن الله , والمرة دى لازم تيجى , مش حقبل اعذار منك , ادينى بقولك من بدرى

المشاركة الأصلية كتبت بواسطة bassamhafez

الف شكر على المجهود

بس على فكرة السعر ده عالي جدا لان اي مكنه رفع ثمنها لا يزيد عن 50 او 60 جنيه والتركيب عند اي كهربائي ب 30 جنيه مثلا يبقى حوالي 90 او 100 جنيه والتوكيل عايز يعملها بالمبلغ المذكور فوق ده كتير قوي

طبعا انا معرفش صناعتها برة ايه بس اللي انا عايز اقوله ان فكرة مكنه الرفع دي ليست معقده نهائي وانا كنت مركب مكن رفع قبل كده في العربيات اللي كانت معايا قبل كده ولم يحدث منها اي مشاكل خالص

المكنه دي اصلا عبارة عن علبه اد علبه السجاير كده وبتتوصل على السنتر عشان تدي امر غلق الزجاج معاه بس

بس طبعا في حالتنا دي اللي عايز يركب لازم يعملها في التوكيل عشان الضمان بتاع العربيه

ويا ابو حميد بصرف النظر عن السعر الف شكر على المجهود

انا اعرفك من وقت قليل جدا بس ما شاء الله مجهود ملحوظ ربنا يباركلك

استاذ بسام , شاكر مرورك الكريم , وربنا يخليك على كلامك وتقديرك الغالى , ومنورنا دايما يا فندم

بالنسبة الى وحدة الرفع , معاك حق ان ممكن تتركب بره التوكيل ارخص بكتير , بس فى نقطة ونقط كتيرة اوى فى الموضوع ده لشراء راحة البال

منها :

انا ركبت قبل كدا سنتر ولف وانذار فى عربيتى البولو القديمة , وكان تمنهم كام ؟ كان حوالى 200 بالتركيب

ايه بقا اللى حصل :
اللى حصل انه كان مصرى , وبضمان من المصنع والمحل , وصاحب المحل قالى الكلام ده واحنا نضمنهولك ,
لما جيت اركب الولد اللى عنده وهو بيركبه عندى فى العربية , قولتله حلو الانذار ده ,والسنتر , قالى شغال , قولتله مش بضمان , قالى يا بيه الضامن هو الله , وقولتله ونعمة بالله , قولته صاحب المحل عندك قالى احنا بنضمنه , فقالى اكد عليه طالما قالك كدا , لانه كله كلام بيع , وطبعا قالى الكلام ده بعد ما كنت مظبط الواد , المهم , فعلا بعدها اول مشاكل السنتر , ظهرت بوميين, بيعلق وكل مرة اروحله ويظبطه ومفيش فايدة ,
وغير مشاكل الانذار وكمان مرة نور الانتظار بتاع الانذار فضل معلق لغاية ما وصلت اسكندرية , ولما وصلت شلت كابل البطارية , وحاجة تقرف , ووجع دماغ
لغاية ما الكهرباء فى اسكندرية قولتله الغى الانذار , وبص على السنتر وعرف ان وحدة الكهرباء بتاع السنتر نفسها ضعيفة وغذاها بسلكة عشان تشتغل بقوة عشان السنتر ميعلقش , وفعلا بقا كله تمام
واهو هو ده الاجهزة اللى بتتباع بره ,
ممكن تيجى مع حظ واحد كويس , وممكن تيجى مع واحد حظه وحش , وتبوظله حاجة فى كهربة العربية

وده لينك مهم , اطلع عليه , فيهم موضوعين مهمين جدا جوة بعض , اقرائهم عشان تتاكد من وجهة نظرى
http://www.nilemotors.net/Nile/68775-a.html

وقصة تانية اخرى :بخصوص مشكلة الفوجات , ان واحد اشترى فوجات من بره التوكيل وركبهم جوة , عندهم , والدنيا باظت , وراح يرمى بلاها على التوكيل , وطلع اللى بوظ الدنيا دى الفجوات اللى كان جايبها من بره , جودتها رديئة

هو ممكن التوكيل يركبلك اللى انت عايزه بس مش اى مركز خدمة يرضى ويقبل
وخالى بالك , اللى بيوافق يركبلك الحاجة اللى انت جايبها من بره , بيخلى مسئوليته عنها لو عملت مشكلة فى العربية و بيخلع منك وبيلبسك انت فى الحيط اذا حصل مشكلة منها ,وبيسقط الضمان , وبيكون عنده حق بصراحة

الصينى فى مصر انواع ودرجات
انا بجيب الصينى من بره , وبيكون غالى لانه درجة اولى , زى مثلا :
كاسيت العربية عندى فى البولو اشتريته صينى , ومفيش 4 شهور وباظ , ولما بعت وجبته واحد من بره وصينى من الدوحة , قعد معايا سينين, واستغربت انه فى الدوحة اغلى كمان من هنا , بس فعلا حسيت بفرق كبير بين اللى بيتاع هنا وبيتباع بره

واكيد الصينى اللى بيجيبه هنا التوكيل بيكون درجة عالية وحتى لو كانت نفس البضاعة اللى موجودة فى السوق , لانه بيحصل غش كبير فى السوق , واحنا الغلابة بنقع فيه

وحتى الايطالى والالمانى بردوا اللى بيجى مصر درجات , وجودات وبيختلف من شركة لشركة فى التصنيع وفى الاستييراد كمان

فالبنسبالى , ومن وجهة نظرى وعن تجارب كتيرة حصلت معايا ومع غيرى , لو حبيت اركب حاجة ضرورية ومهمة لعربيتى بيكون عن طريق التوكيل , ولو جبتها من بره بكون جايبها من شركة مضمونة جداااا ومعتمدة ده فى حالة لو وافق التوكيل انى اجيبها من بره , ولو مش وافق وهى ضرورية يبقا بجبها من عنده وحتى ان كانت غالية النص , عشان اريح دماغى وانسى اى مشكلة ممكن تحصل ,

و ربنا يهدي التوكيل علينا بردوا

المشاركة الأصلية كتبت بواسطة eng.octooo

مجهوووووووود جبار بجد يا احمد

ومش هاقول غير:


يبقى انت اكيد احمد تى فى

ماشى يا اكتو ثبتنى ثبت , عشان تخلع من اورنيك الذنب اللى محضرهولك

بس لما اشوفك