الموضوع: خـبــر سـعـيـــد بخصوص وحدات الرفع لكل مـــلاك التـيــــــدا

خبر سعيد لكل اصحاب التيدا

اخيرا اتحلت قصة تركيب وحدات الرفع

كل ملاك التيدا كانوا بيزعلوا لما كانوا بيسألوا على موضوع وحدات الرفع

والسؤال اللى كان بيتسال : انا نفسى اركب وحدة رفع ؟
والاجابة : لا مينفعش عشان كهربة العربية مش حتستحمل


والكلام ده كنت بسمعه وشاكك فيه


بينى وبينكم حطيت فى دماغى الموضوع ده عشان خاطركم , والحمد لله وبعد محاولات كثيرة من كثرة السؤال والمتابعة فى التوكيل , وعلى رائ المثل " الزن على الودان امر من السحر"


المهم اخيرا بلغونى انه ينفع يتركب وانهم جربوه والحمد لله ومفيش مشاكل وشغال زى الفل

واللى بلغنى الخبر ده مهندس حبيبى هناك
وقالى بس تكون ايطالى من النوعيات اللى بيستوردوها
ولما سالت ليه السبب
قالى عشان ضمنين انها مش حتعمل مشاكل مع الكهرباء

وسالت على طريقة الرفع

قالى بترفع الزجاج الامامى مع بعضه ثم الاتنين الخلفى يعنى اتنين اتنين
وسعرها 880 جنية
ومعاها ضمان 3 سنوات وايطالى

وحبيت افرح كل ملاك التيدا معايا وخصوصا الناس اللى كان نفسها تركب وحدات رفع


بس عن طريق التوكيل عشان ميطلعش من الضمان

وكدا وداعا لمشكلة الرفع والحمد لله



تقبلوا تحياتى
اخوكم احمد مصطفى

المشاركة الأصلية كتبت بواسطة hany_mohamed

مجهود رائع يا أحمد باشا
ياريت تسأل لنا عن موضوع التصفيح اسفل السيارة و التصفيح ده بيبقى مطلوب خاصة فى الدول اللى مفيهاش طرق ممهدة كتير ومش عارفين ينفع لسياراتنا والا لا
شوف كده عدم التصفيح عمل ايه للزميل
http://www.nilemotors.net/Nile/166914-a.html

حسالك عليه يا هانى باشا اول ما اروح التوكيل

المشاركة الأصلية كتبت بواسطة moonnight000

حبيبي يا أحمد .......
إيه الحلاوة دي ......
مجهود جبار يا معلم والله ......
و حمد لله على السلامة .........

دكتور احمد نورتنى يا باشا , الله يسلمك اسكندرية كانت عايزاكم وعايزة فرقة الكوماندوز كلها هههههههههههه

المشاركة الأصلية كتبت بواسطة BASKOTA

مبروك لاصحب التيدا
شكرا يا احمد على مجهودك

الله يخليكى يا بسكوتة , وشاكر مرورك وتقديرك الغالى , ونورتينى

المشاركة الأصلية كتبت بواسطة mahamedaraby

مجهود جبار الف شكر ليك

بس السعر ده شامل التركيب ولا التركيب بكام وانى توكيل اللى بيعمل الموضوع ده

الله يخليك يا استاذ محمد , وشاكر مرورك , وتقديرك
السعر شامل التركيب , والكلام ده فى توكيل مودرن فرع ابو رواش

المشاركة الأصلية كتبت بواسطة MaZaGAngeE

مفيش حاجة اسمها الكهربة ما تستحملش هيه الكهربا هتشيل الزجاج شيل
دي نصباية

كل التوكيلات كانو رافضين يتعملوا مع الموضوع ده بحجج كتيرة,
وطبعا كل ملاك النيسان مسلمين دقنهم للتوكيل فى اى حاجة
حتى لو كانت قطع غيار , والدليل ان الحاجات الاصلية اليابانى مش بتلاقيها الا عندهم , وبره التوكيل موجود الغير الاصلى ولو ركبته بياثر على حاجات اخرى


المهم

الحمد لله ان الامور مشيت , وبقا ينفع نركب وحدة رفع
وبعدين هو غالى فى التوكيل , بس كفاية انه حيركب بمعرفتهم وكفاية انه ضمان 3 سنين ,وايطالى درجة اولى
وغير كدا ممكن يكون فى ايطالى ارخص بره بردوا , بس لو حوفر 200 جنية مثلا , بس ممكن بره مضمنش حيكون ايطالى جودته اخبارها ايه , وهل ضمانه مضمون ولالا , وهل مش حيعملى مشاكل فى العربية لما يركب ولالا

هى الفكرة ان الناس بردوا اطمنت انه ينفع يتركب عموما, واللى عايز يجيبه بره ويركبه بره , هو حر , بس اعتقد حيخرج من الضمان

وطبعا انت بتشترى ضمان العربية الاصلى بال200 جنية الفرق دول وبتريح بالك من النصابين اللى بره التوكيل بردوا لان فى محلات نصابة كتير , مع اننا عارفين ان التوكيل بيغالى كتير بردوا

المشاركة الأصلية كتبت بواسطة Mohamed.Ramah

شكرا لحضرتك على مجهودك ومتابعتك وعلى الخبر الجميل دة جزاك الله كل خير

الله يخليك يا محمد ونورت يا باشا , وزعلان منك
بقا كدا تيجى انت واكتو وعمرو وحاتم اسكندرية ومتعدوش عليه ماشىىىىىىىىىى
ادينى رجعتلكم ,بس لما اشوفكم

المشاركة الأصلية كتبت بواسطة karaktar

ياااااااااااااااااااااااا اااه بجد مش مصدق والله كانت امنية نفسى تتحقق وكل اما اجى ارفع الازاز بإيدى قبل ماطلع من العربية ابقى مدايق جداً ان معنديش وحدات رفع بصراحة ساعات بانسى الازاز مفتوح والناس تنبهنى

حقيقى خبر سعيد جداً معنديش غير انى ادعيلك ربنا يسعدك زى مابتسعدنا وبتدور على راحتنا وربنا يرضيك ويبارك فيك
والله بحبك فى الله

حبيبى كريمممممممممممم باشا , يا جماعة كريم ده , بعتبره بنبوناية نيسان , انسان فى غاية الاحترام والذوق ,
ربنا يخليك على شعورك الطيب ده وتقديرك الغالى , انتم كلكم ناس محترمة والواحد بيكون سعيد وسطيكم , ولازم الواحد يفكر دايما فى اسعادكم

largeman100% يا جميل ... و دي مش حاجه غريبة عليك انك تجيب الاخبار الجميلة ديه

تسلم يا بيشوى , على الشعور الجميل ده , وانت عارف ان كلنا موجودين لخدمة ومساعدة بعض ,وانت كمان لو فى ايدك حاجة بتعملها للناس على طول ومش بتتاخر , لانك انسان معطاء

ومستنيك يوم الاتنين اللى جى يا غالى , وحتنورنى فى القاهرة , والواحد بيكون سعيد كل ما بيقابلك بجد

تقبلوا تحياتى