بسم الله الرحمن الرحيم
محتاج مساعدة من شباب اسكندرية فى جهاز الانذار سيمفونى لانى مش لقية عند حد
و سالت عند سعيد نصار بسموحة " عزبة سعد " و سالت علية فى سيدي بشر
مش عارف القية عند مين و فين ؟؟؟:khd:
انا مستنى ردكم يا شباب :36_1_37[1]:
عرض للطباعة
بسم الله الرحمن الرحيم
محتاج مساعدة من شباب اسكندرية فى جهاز الانذار سيمفونى لانى مش لقية عند حد
و سالت عند سعيد نصار بسموحة " عزبة سعد " و سالت علية فى سيدي بشر
مش عارف القية عند مين و فين ؟؟؟:khd:
انا مستنى ردكم يا شباب :36_1_37[1]:
حتلاقيه عند كلاريون فى سموحه شارع مصطفى كامل . الشارع اللى فى وش نادى سموحه بالظبط
تمام كده و لو مكانش انا لسه شايفه امبارح فى عزبه سعد بس مش فاكر عند مين بالظبط تقريبا كان خميسكو الفرع اللى جنب سعيد بس لو هو يبقى فاصل معاه علشان هو بيغلى طبيعى
ازاى يا باشا !!!!!!!! ده مالى البلد
ده حتى سعيد نصار عامل دايره يجربه عليها وهو بيبيعه من كتر مهو شغال فيه
ولو مش لاقيه فعلا عند محل بتاع واحد صاحبى فى شارع القاهره فى سيدى بشر موجود عنده كتيييييييييير واشكال
ممكن خلص من عندسعيد نصار لانى كنت هناك من شهر تقريبا وكان موجود
ومحل صاحبى انا مش فاكر اسم المحل بس هو مشهور هناك هو فى نص شارع القاهره بعد تقاطع شارع 30 وانت رايح على محطه القطار
هو بعد اول شارع بعد شارع 30 على طول على شارع القاهره العمومى وجنبه مقله لب وفى وشه قهوه
وهو على ايدك الشمال وانت رايع على محطه القطار
اظن مفيش اسهل من كده فى الوصف
وبعدين هو التوكيل والصيانه بتاعته فى كلاريون الى فى سموحه ادام باب نادى سموحه
فى الشارع الى بعد سوق الكمبيوتر وحتلاقيه عندهم مرطط
بسم الله الرحمن الرحيم
و الحمد لله رب العالمين
تم شراء جهاز الانذار السيمفونى ( v 500 ) , و عمل 170 جنيها و فية امكانية فتح الشنطة
من شارع جمال عبد الناصر
و الف الف شكر على كل الشباب اللى اهتمو و ردو عليا
كل السيمفونى نفس النظام فى المفاتيح والاوبشن
وكل حاجه الفرق فى شكل المفاتيح فقط
والمحل ده فى اول جمال عبد الناصر فى وش مشلتت البحيرى محل صغير حاطط اكسسوارات وحاجات كتير فى البترينه الخارجيه محل صغير شويه كده صح
اهم حاجه احتفظ بكارت الضمان عشان لو لقدر الله حصل فيه اى حاجه بعد فتره ومتسمعش كلام الصنايعى حيقولك ملوش لزمه قوله ملكش دعوه
عشان اغلب الكهربائيه بياخدو العلبه او بيتعمد كارت الضمان بالزات عشان لو باظ تروحله متروحش التوكيل تفكير زباله منهم
يا ترى صينى ولا تيوانى
بسم الله الرحمن الرحيم
طيب لية استفسار تانى
طبعا انا لسة مركبتهوش
السوال : الريموت فية مفتاح سادة ( هل انا هروح لراجل بتاع مفاتيح يخرطة علية مفتاح العربية ) ؟؟؟؟؟؟؟؟؟؟
ولاا اية النظام بالظبط لتركيب مفتاح فى الريموت ؟؟؟؟؟؟؟؟؟؟؟؟؟
بص لو نفس السن بتاع المفتاح اللى فى الريموت هو زى المفتاح بتاع عربيتك يبقى حيعمل عليه على طول
وده احتمال ضعيف لانهم بيسستسهلو ويشيلو السن ده ويحطو سن تانى زى الى فى المفتاح بتاعك بالظبط
الموضوع كله ب 10 او 15 جنيه عند اى واحد بتاع مفاتيح كويس
وطبعا حيفك الريموت عشان يطلع السن فحاول تخليك واقف على ايده وهو بيفك ويركب