يا رجالة المنتدى انا محتار بين الميجان والنترا 2006 علما بان معي 65000 غير قابلة للزيادة وانا كان معايا لانسر بومة فما هو رايوكوا علماً باني اميل للميجان برغم كتر الإشاعات عنها. وياريت لو في حاجة تاني ترشحوهالي في حدود السعر ده اكون شاكر.
عرض للطباعة
يا رجالة المنتدى انا محتار بين الميجان والنترا 2006 علما بان معي 65000 غير قابلة للزيادة وانا كان معايا لانسر بومة فما هو رايوكوا علماً باني اميل للميجان برغم كتر الإشاعات عنها. وياريت لو في حاجة تاني ترشحوهالي في حدود السعر ده اكون شاكر.
لو هاتجيب الإلنترا خليك في الشكل القديم اللي هو من 2004 - 2006 وقطع غيارها معقولة بلاش الشكل الجديد.
بلنسبة للميجان أنا كمان معجب بيها جداً عربية كويسة جداً واعتمادية وأنا دلوقتي معايا لانسر بس مأجل الميجان شوية عشان عارف إن مصاريفها زيادة عن اللانسر.
وليك حرية الاختيار
عن نفسى ياعنى لو هشترى وقدامى ميجان نضيفه لن اتردد فى الشراء واخسن من الانترا 100000000000000000 الف مره كمان وده رأى
وفرق كبيير جدا فى الخامات الداخليه و الخارجيه و اسلوب القياده والرفاهيه الميجان ديه عالم تانى تانى
و الانترا الشكل ده قليل جدا فى الشوارع فبلاش منه
واقولك على معلومه احلى الميجان احسن من الانترا الجديد كمان
الالانترا 2006 لو ركبتها هتديك احساس البلاستيك الرديئ وفي فرق كبير جداً بينها وبين الميجان
وهي ميزتها ان قطع غيارها ببلاش عن تجربه في حادثه والدنيا اتلمت بمبلغ تافه
وكمان مشتركه مع الفيرنا والماتريكس والاكسنت في اجزاء كتير زي طلمبة الباور مثلاً هي هي بتاعت الماتريكس
بس الميجان حاجه تانيه خالص وتستاهل اللي يتصرف عليها بس اهم حاجه تكشف عن حالتها كويس في التوكيل مش في مكان تاني لانها لو حالتها وحشه هتكرهك في العربيات
لو عاوز رأي حد جرب الاثنين لمدة فترة كويسة
أولاً: الالنترا 2006
ثبات جيد جداً (اثبت من الموديل الاحدث بتاعها) وعافشة ناعمة جداً وتكيف رائع بس عيبه انه بيأثر على السحب بشكل كبير لحد سرعة 60 كم/س (يا سلام لو محمل العربيه كمان على الأخر هايبقى السحب ضعيف جداً بس مش بتموت يعني)
الصاج ضعيف جداً والعربية ارتفاعها عن الارض كويس بس لما بتكون محمله بتبقى منخفضة قوي
عيبها انها مافيهاش ABS & airbags خالص
قطع غيارها وصيانتها رخيصة اوي بالنسبة للميجان (يمكن ثلث ثمنها) ودا بيرجع لان قطع الغيار كوري مش اوربي زي الميجان كمان الميجان كماليتها اكتر من الالنترا بكتير وبالتالي الكماليات دي ليها برده صيانة وقطع غيار ودا الي مخلى صيانة الميجان اغلى
التقفيل جيد على فكره مش وحش خالص والخامات كويسه
استهلاك البنزين معقول جداً
الباور هايدرولك
الفرامل ضعيفة جداً بالنسبة للميجان وضعيفة بالنسبة مثلاً للبوما (بس بالتعود بتكون عادية)
الموتور قوي والتسارع جيد خصوصاً لو مانوال
ثانياً: الميجان
الثبات جيد جداً برده بس العافشة انشف من الالنترا علشان اختلاف نظام التعليق الخلفي والتكييف كويس بس مش زي الالنترا في زمن التسقيع فقط (يعني بيسقع في وقت اطول) بس ميزته انه مش بيأثر على السحب خالص تقريباً (حتى لما بتحمل العربية على الآخر السحب كويس جداً)
الصاج افضل من الانترا بكتير جداً صلب جداً
طبعاً كماليات لو فضلنا نتكلم لبكره مش هاتخلص بالمقارنة بالالنترا
قطع الغيار اغلى طبعاً (مع الأخذ في الاعتبار ان في بدائل ارخص نسبياً) والصيانة زي ما وضحت فوق بتزيد بزيادة الكماليات
وخليني اضرب مثال للتوضيح ليس إلا ( أي عربية بفتحة سقف بتفرق في صيانتها عن مثيلتها الي من غير فتحة سقف - مالهاش صيانة أصلاً)
التقفيل اجود من الالنترا والخامات كويسه جداً
استهلاك البنزين معقول برده بس في السفر اقتصادي جداً
الباور كهرباء
الفرامل ممتازة يادوب تشعرلها بتقف (انا بخاف اكتر من الي سايق عربية وماشي ورايا وانا سايق الميجان علشان فراملها قويه جداً)
الموتور كويس جداً والتسارع جيد جداً (افضل من الالنترا)
في المجمل الميجان امتع في القيادة واريح في السفر بالذات
وموتور اقوى وآآمن ومساحات تخزين اكتر واكبر وخصوصاً شنطة الميجان واسعة جداً
رأيي لو عاوز حاجه تكلفة صيانتها وقطع غيرها رخيصة وتصلحا عند اي حد وعافشة ناعمة جداً ومش فارق معاك الامان اوي يبقى الانترا ممتازة ليك بس هات الي التكييف بتعها تاتش مش بكر
ولو هاتقدر على مصاريف الميجان وصيانتها (مش هاقولك لازم توكيل لأ خالص بس لازم حد يكون متخصص بيفهم وبيعرف بيشتغل فيها) وعاوز تبقى آمن انت واهل بيتك يبقى اتكل على الله واشتريها وبجد مش هاتندم خالص
عموماً العربيتين حلوين والي في الخير ليك ربنا يسرهولك
انا لو مكانك اجيب لانسر تاني 2006 بالسعر دة او اجيب ياريس
اسف للتأخير كنت في المصيف :)
شكراً لكل اللي ردوا عليا وانا باحترم ردودهم جدا خصوصا Elsarrawy. انا مازلت بميل للميجان بس مازالوا بيحذروني منها وظهر قدامي بجانب الميجان والالنترا2006 اوبترا اتوماتيك و سيراتو 2006 اتوماتيك، الحيرة مستمرة !!
ف ايه رأيكوا ؟
اقتباس:
المشاركة الأصلية كتبت بواسطة capoofever
طالما حضرتك مازلت ميال للميجان يبقى ادخل على الرابط دا وربنا يوفقك
http://www.nilemotors.net/Nile/24062-ii.html