اولا السلام عليكم ورحمة الله وبركاتة
ثانيا انا كنت مرة قاعد على القهوة وعدى من جنبى توك توك ومطلع صووت بييز فظيع ولا اجدعها جى ام فى اجدعها عربية فبصيت بفضول جوة التوك توك لاقيت جهاز تانى افظع اثار فضوولى لدرجة انى قمت من على القهوة وروحت للواد ووقفتة وسئلتة اية دة ؟؟!!!
الجهاز اللى كان راكب عندة عبارة عن

شاشة دى فى دى حجمها حوالى 6او 7 بوصة وجنبها مكان للسى دى والدى فى دى
وكمية زراير وفتحات كتيرة اوى تحت الشاشة
فبصيت على الجهاز كدة لاقيتلو مكان لليو اس بى ومكان للوصلة بتاعت الام بى ثرى
فسئلت الواد اية دة قالى دة دى فى دى
قولتلو لا سيبك من اسمو انا عايز اعرف دة بيعمل اية
قالى دة بشغل علية اغانى وكليبات وكنت ساعات بشغل علية افلام كمان
قولتلو دة بيشتغل ازاى دة
قالى عادى ياما اسطوانة وراح دايس زرار كدة راح فتحلى الغطاء بتاع السى دى بلاير وقالى بحط الاسطوانة هنا وراح مشاورلى على مكان اليو اس بى وقالى انا مشغلو بالفلاشة
طب جايبو بكام ياعم ومنين الواد : جايبو من شارع عبد العزيز ب 500 جنية
طب هو لية ريموت ؟؟؟
اة يابية لية ريموت وراح مطلعلى ريموت عامل زى ريموت الدش كدة يتوهك من كتر الزراير اللى فية ,

المهم انا استغرب جدا ازاى جهاز زى دة بالامكانيات دى وب 500 جنية بس

انا بتكلم على جهاز فى شاشة دى فى دى 6 او 7 بوصة تقريبا وسى دى بلاير وبيقرا من الفلاشة وبيقرا الام بى ثرى وبيشغل افلام وكليبات وكل دة وب 500 جنية وبيركب فى شماسة العربية عشان الواد كان جايبلو شماسة ومركبو فية ؟؟؟!!!

فالفكرة هنا منا بدل مارووح اجيب كاسيت سى دى تعبان من غير شاشة ديجيتال حتى ب200 -300 جنية طب منا اجيب الجهاز الغريب دة اللى فية المواصفات دى كلها وب 00 5جنية وابقى معايا دى فى دى بلاير وسى دى بلاير وفلاش بلاير وشاشة حجمها حلوو ممكن اشوف عليها افلام وكل دة ب 500 جنية يابلاش
حد سمع عن الجهاز دة او شافو قبل كدة ؟؟؟!!