الموضوع: لخبراء الجولف 2 - اشتريت عربيه ..مساعده لو سمحتوا

لو سمحتوا انا عاوز اعرف الاسعار و بخبرتكم قولوا ليا افضل الحلول

يا جماعه اى حاجه انا موقف العربيه على اجابتكم لو سمحتوا
يعنى اسعار تقريبيه مش اكتر

مفيش حد هيقدر يساعدنى ؟

المشاركة الأصلية كتبت بواسطة jemono

السلام عليكم ورحمة الله وبركاته
بسم الله الرحمن الرحيم

بجد يا جماعه انا سعيد جدا جدا انى عضو ها ف المنتدى الكبير بأعضائه ده
و اللى مش بيبخلوا بخبراتهم ولا قدراتهم ولا وقتهم
جزيل الشكر لمن ساعدنى و شارك او لم يشارك فى مساعدتى يكفى الحضور :)

انا قبل كده كنت بقارن بين جولف 1 و 2
و بعد مساعدة الاعضاءو ققرأت و سألت كتير
لقيت الميزان فى صالح الجولف 2 بجداره


بقالى فتره كبيره بشوف جولف 2 و بسافر القاهره مخصوص علشان عربيه و فى الاخر تطلع رشه او مغيره حوض كامل و الغريبه ان صاحبها مش عارف او بيدعى كده

امبارح نزلت سوق الجمعه خرجت من البيت الفجر و فضلت لللعصر ادور على عربيه انا و اخويا
المهم بعد العصر كده واحد كان بيركن الجولف 2 "1986"جنب السوق كده فأخويا ساعده لما ركن و اول ما نزل قاله تبيع على كم بقى
قاله 34
هو عاين العربيه و انا جييت شوفت العربيه من جوا زهلت
العربيه " من جوا " كأنها لسه خارجه من المصنع
من برا محتاجه افضفض ايدى ف الحاجات اللى هقولها دى
المهم خلصت على 30 و فى ناس هتقولى 30 دى كتير

الغريبه ان صاحب العربيه الاصلى طلع من الدقهليه و الاغرب طلع من المعارف و الاغرب اكتر ان اخويا ف مره شاف العربيه دى ف المنصوره من فتره و كان بيجرى وراها بالعربيه بس كانت زحمه كبيره و هو خلع

العربيه مواصفاتها كالتالى
اللون شامبين او اللى هوا دهبى مطفى قوى
فبريكه دواخل بمعنى الكلمه
1300
4 سماعات
تكييف

كراسى ريكارو كهربا

بس مش فيها لا سنتر ولا باور



دلوقتى الحاجات دى ناقصه ف العربيه و محتاج اكملها

طبعا بورسعيد جنبى يادوب ساعه و نص بالكتير قوى و اكون فيها
بس عاوز اسعار التقريبيه لحاجات دى لو سمحتوا

1- عاوز شنب امامى او كساحه .. و خلفيه اللى هما بيبقو تحت الاكصدام
-2 محتاج الفبره اللى ماسكه من الرفرف للرفرف اللى بتكون تحت الباب
3- فتحة السقف مش بتفتح و عليها برومه خفيفه تفتكروا اصلحها افضل ولا ابدلها و لا ايه ؟؟
4- أٌوكر الباب عاوزه تتغير كلها
5- هل ممكن اغير الشبكه الاماميه ل 4 فوانيس بدل فانوسين ؟
6- مساحه خلفيه

الصوره دى متحدد فيها معظم المطلوب
[sor2]http://img695.imageshack.us/img695/8981/72744374.jpg[/sor2]

كل المطلوب اعرف اسعارها لو سمحتوا و مش شرط بالظبط ممكن يبقى تقريبيا

الاكصدامات تقريبا في حدود 600 - 700 تقريبا
الفبره بقي مش عارف
الفتحه لو قدامك غيرها احسن
ممكن تركب الشبكه الاربعه عادي