اللهم لك الحمد والشكر فتيس البومه الأتوماتك 1300 سبحان الله

**ahmed-moga** · 25-07-2010 02:56 AM

المشاركة الأصلية كتبت بواسطة abdo_eldesokey

فعلاً عندك حق .. هما السواقين بتوع التريلات ربنا ما يباركلهم المفروض ميمشوش غير على اليمين ، لكن تلاقيه دايماً ماشي على الشمال عشان اليمين بتبقى وقوف متكرر للميكروباصات وكده ، وهما الفرامل عندهم بحساب مش زي الملاكي

وغالباً الراجل الي قفل عليك هتلاقيه كان شارب أو مبرشم والعربية حدفت منه

الحمد لله ربنا سترها من عنده ، وبقدر المستطاع بعد كده حاول متبقاش على يمين التريلا خالص إلا في أضيق الحدود ، عايز تعديه تعالى من الشمال ورعشله نور ، لو هو سواق محترم هيفتحلك سكة

الحمد لله جزاك الله خيرا وشكرا جزيلا علي نصائحك الغاليه وان شاء الله هعمل بالنصائح دية وربنا يبعد عنا النوعيه السيئه دية من البشر

ويكفينا شرهم بس اصدقك القول انا جتلي رهبه من السواقه حتي الأن وربنا يستر ويعديها علي خير لأن مينفعش اسوق وانا خايف بعد كده ربنا يسترها معانا

**د.محمود صلاح** · 25-07-2010 08:44 AM

الحمد لله على كده ..

مهما كان السبب اللي حصل .. ربنا نجاك

**ahmed-moga** · 26-07-2010 01:58 AM

المشاركة الأصلية كتبت بواسطة د.محمود صلاح

الحمد لله على كده ..

مهما كان السبب اللي حصل .. ربنا نجاك

الحمد والشكر لله وانا عارف ان اللي حصل رحمه ولطف من ربنا الحمد والشكر لله وشكرا جزيلا لحضرتك يادكتور

المشاركة الأصلية كتبت بواسطة ahmedsaiad

بص ياباشا من الاخر ربنا سترها معاك والعربيه مفهاش اى مشكله لانك بتقول انك جربت كيك داون بعدها لقيت العربيه زى الفل أحمد ربنا وصلى ركعتين شكر لله

الحمد والشكر لله طبعا والحمد لله اول ماوصلت صليت ركعتين شكر لله دية حاجه مفهاش تأخير بس الموضوع اني خايف

انه يتكرر تاني وخاصة اني هسافر يوم الخميس القادم لأحضار اهلي وان شاء الله ربنا هيكون معايا وشكرا جزيلا لحضرتك

المشاركة الأصلية كتبت بواسطة m.zaher

الاول حمدلله على السلامة

بس اللى حصل ده مش طبيعي المفروض لما تدوس كيك داون الفتيس بيسقط نقله فورا و تلاقي العربيه طارت
اما بالنسبه لحكاية الفصل ده فانت عندك المكنه تفصل لما توصل قبل الرد زون مش مع ضغطه البنزين الفجائيه لان اعتقد البوبينه عندك الكتروني
جرب تاني الكيك داون المفروض الار بي ام اول ماتضغط ماينزلش ابدا المفروض تلاقيه طلع مثلا لحد 5 و ينزل مع النقله التانيه
لو ظبط معاك يبقى مثلا ممكن تكون حالة مؤقته او ممكن يكون دوستك ماكنتش بالقوه الكافيه عشان تسقيط النقله
وياتري الفتيس عندك كهربا ولا على واير
و اخبار زيت الفتيس ايه
و النقلات بتحس بيها ولا فيها زنه ولا مابتحس بالنقلات

الله يسلم حضرتك وجزاك الله خيرا لأهتمامك وانا جربت الكيك دون بعد الموضوع اللي حصل في نفس اليوم علي

الطريق وشغال بس فعلا مش بالقوه المعهوده في 1600 وهحاول اجرب تاني علي مطلع كوبري لأني من ساعة ماجيت وانا ركنها لحد مااستفسر من حضراتكم عن الموضوع

الملحوظه ان المفروض في خلال الدوسه ان الأر بي يتحرك ويطلع ومؤشر السرعه يزيد اللي حصل غير كده وعلي

فرض ان الدوسه مكنتش بالقوه الكافيه المفروض ان اي مؤشر يتحرك ولو حركه بسيطه انما اللي حصل ان العربيه

شبه مفصوله بس الكهربا وصله بس الأر بي نزل من 2.8 الي 1.5والسرعه من 100 الي 70 في 5 ثواني تقريبا لحد ماانا

وقفتها تماما يعني اللي حصل تهدئة اجباريه قللت من عزم السياره عشان اخد بالي واقف وبعدين لما التريلا بالمقطوره

جت علي اليمين وبعدت عني بمسافه دوست بنزين تاني لقيت العربيه مشيت عادي وبعزم اكتر من الأول سبحان الله القادر المقتدر

اما بخصوص نوع الفتيس بصراحه مش متأكد من انه كهربا ولا علي واير هو بتاع 1300 لانسر بومه العادي

وزيت الفتيس بقالي سنتين مغيرتهوش بس لما كنت في التوكيل من شهرين تقريبا بعمل صيانة ال20 الف راجعولي

عليه وقالولي تمام ويقعد اكتر من سنه كمان بس انا هاروح اغيره زياده في الأطمئنان

اما النقلات مابحسش بيها اومفهاش اي زنه أما لو باليل في الهدوء بحسها من صوت الماتور خلال النقل والموضوع ده

محصلش معايا قبل كده علي الرغم قبلها كنت مسافر انا والمدام ورجعت واخدت والدي والدتي الفوج التاني وهرجع

تاني اخدهم يوم الخميس وبصراحه مش مطمن ربنا يسترها ويحسن خاتمتي

**dramir1** · 26-07-2010 05:03 AM

الخلاصه ان ربنا نجاك من موقف خطير
والف حمد لله على سلامتك

ولكن بعد كده خد بالك لحسن لو كان شارب وقفلت معاه يعدي كانت النتيجه هاتبقى كارثه
الحمد لله انه نجاك منها

**M!SHO** · 26-07-2010 12:44 PM

حمدلله على سلامتك ياأستاذ أحمد

**ahmed-moga** · 26-07-2010 10:19 PM

المشاركة الأصلية كتبت بواسطة skybird

حمدا لله على سلامتك
ومنصحكش بالكيك داون الا لوكان الطريق مفتوح
لو كنت سايق في حدود 90 الى 120 هات الفتيس على الثالث يدوي ودوس بنزين هتلاقي العربيية طارت من السرعة
يعني اعمل الكيك داون يدوي خصوصا في المواقف الصعبة
والغيار الثالث هو روح السيارة الاوتوماتيك ومهما يعدلوا من اسمه لسبورت مود او ds او غيره هو في الاخر الغيار الثالث
انا بعملها يدوي والعربية تجيب من 120 الى 160 في ثواني بس الا ربي ام هيعلى لغاية 6 بس مش مشكلة اذا كنت في موقف صعب وانا عربيتي كريستاله 99
والعربية بتنقل من d الى الثالث مباشرة من غير ما ادوس على زرار الامان ومتخفش انها تسقط للتاني لان ده هيحتاج زرار الامان
يعني العربية ممكن تسقط لها نقله واحده فقط مباشرة
الاوتوماتيك ده فيلم كبير بجد

وفي حالتك دي ضروري تكشف على زيت الفتيس لانه شكلة ناقص فلا يعطي الدفع الهيدروليكي الازم لنقل بين تروس الغيارات

المشاركة الأصلية كتبت بواسطة dramir1

الخلاصه ان ربنا نجاك من موقف خطير
والف حمد لله على سلامتك

ولكن بعد كده خد بالك لحسن لو كان شارب وقفلت معاه يعدي كانت النتيجه هاتبقى كارثه
الحمد لله انه نجاك منها

المشاركة الأصلية كتبت بواسطة enggamail

ألف حمدلله على سلامتك
رأيي الشخصي : متدورش على تفسير علمي دي عناية الله , وبركة القرأن والدعاء , ياريت كل الناس المسافره تعمل زي حضرتك مع السواقة الهادئة وإن شاء الله ميكونش في حوادث ولا خسائر
سلمنا الله وإياكم من كل سوء

المشاركة الأصلية كتبت بواسطة هشام حمزه

حمدلله على سلامتك ياأستاذ أحمد

الله يسلمكم ياأخواني في الله وشكرا جزيلا لحضرتكم علي اهتمامكم وهي فعلا عناية الله بي التي منعت سوء المنقلب الحمد

والشكر لله اوصيكم ياجماعه بذكر الله وبالصلاه والدعاء وخاصة ركعتين نية السفر ودعاء السفر قبل السفر فهم خير

حرز لكم من كل شر بأمر الله وان شاء الله هاروح اغير زيت الفتيس زياده في الأطمئنان وربنا يبارك فيك استودعكم الله