السلام عليكم ايه رأيكم فى العربيه ال 126 عاوز اعرف ايه ممكن يتعمل فى الموتور بتاعها و اللى ممكن يتعدل فيه و يدينى اداء مش وحش ويجيب سرعه معقوله ممكن الكل يشاركنا بالاراء؟؟؟:S_thum1[1]:
عرض للطباعة
السلام عليكم ايه رأيكم فى العربيه ال 126 عاوز اعرف ايه ممكن يتعمل فى الموتور بتاعها و اللى ممكن يتعدل فيه و يدينى اداء مش وحش ويجيب سرعه معقوله ممكن الكل يشاركنا بالاراء؟؟؟:S_thum1[1]:
9 شافوا الموضوع و لسه مفيش حد اتكلم انا عاوز كله يشاركنا الموضوع لو سمحتم
شوف كده الموقع ده :3_3_102[1]:
www.126fan.com
ممكن يساعدك
المجموعات دي
facebook 1
facebook 2
facebook 3
facebook 4
علي فكرة انا بحب العربية دي قوي
وكنت لقيت من فترة موضوع علي منتدي اجنبي
كان في واحد عايز يتربنها ( يركب تربو بتاع فيات 500 ) وكان يباخد راي الاعضاء علي المنتدي
وجايب صور التربو اللي كان بيتباع علي موقع ايطالي
بس للاسف:Zb_sor1[1]: مش قادر افتكر الموقع
طيب على كده موتورها ده كويس ولا هتحتاج موتور ولا ايه؟
بص دى فيات 126 ومركبلها موتور هوندا cbr 900
[youtube]http://www.youtube.com/watch?v=ieiuK4RkVKE[/youtube]
تمام بس انا بتكلم فى الموتور بتاعها ايه اللى ممكن يتعدل فيه؟
ماعرفش ياباشا والله الموتور بتاع ال126 دة ممكن يتعدل ولا لا
بس انا اعرف ان ال 126 موديل 79 موتورها 652 سى سى وبيطلع38 حصان تقريبا وتوب سبيد 107 كيلو فى الساعة الكلام دة من على موقع carfolio
فلو هو دة الموتور اعتقد انك مهما عدلت فية مش هتاخد منو اداء يناسب الفلوس اللى انت هتدفعها فى التعديل
والله اعلم
مشكلة 126 حاجة بسيطة وهى الفلنشات اللى بتنقل الحركة من الجيربوكس للعجل بتنكسر كتير و بسبب المطبات و حلها تركيب كوبلنج بدلا من الفلنشات مثل نفس التعديل اللى بيتعمل فى السيات 133.
ومش عايز اقول كوبلنج سيارة فيات 128 علشان مفيش حد من المنتدي يقول انى بنقل كلام ناس تانية(بس ده اقرب حاجة تركب)
شوف اى كوبلنج اخر يقدر يركب مع الجير و يربط مع الطنابير الخلفية و لو الكوبلنج اختلف فى شكله وابعاده من ناحية ارتباطه بالجيربوكس ممكن تأخذه للخراط و يظبطلك السن المشرشر للكوبلنج على المخرطة علشان يعشق صح مع الجير و ينقل الحركة
السيارة 126 صاجها ناشف جدا و مهما تخبط بيها مش بتتبهدل فى السمكرة لأنها مدمجة فى بعضها و صاجها سمكه محمل
بس ينقصها فتيس اوتوماتيك و انا بفكر فى تعديل العربية 126 و بدور على فتيس يقدر يركب بدلا من فتيسها او اني ادور على مكنة بفتيس اوتوماتيك تركب فيها و بدون مشاكل تعيق ترخيصها.وتعديل علبة الشكمان علشان نقلل الضوضاء الصادرة من المحرك و نزيد من كفاءة المحرك.
طبعا بقية التعديلات كلها سهلة من اشعال الكتروني و فرامل ديسك و جنوط و كاوتش عريض و زجاج كهرباء و إلغاء الشراعة الأمامية و تركيب زجاج كبير (لمساعدة الإحساس ببعض الوسع عند النظر من الباب و عدم مضايقة السائق بالشراعة)
وتركيب مرايات جانبية ذات حجم اكبر و شكل اقيم من الموجودة بالفابريكة(مش عايز اقول مرايات كهرباء ،بس هو ده اللى لازم يتعمل) وتركيب فتحة سقف زجاجية كبيرة الحجم قدر الإمكان و كهربائية الحركة. وتعديل الزجاج الخلفى للعربية ليمكن فتحه وغلقه . وتعديل حزام ألأمان ليمكن السائق من اطالته و تقصيره بواسطة المكنة الملحقة بالحزام وعمل سروجة العربية الداخلية من الجلد حسن المظهر و العربية حجمها صغير و عملية و تركن فى مساحة صغيرة جدا و ممكن اركبلها بارك سنسور .اما موضوع تركيب تكييف بها فهو محل دراسة لأنه حيحتاج شغل تعديل سمكرة و تعديلات كتيرة شوية فى المكنة ولو نجح موضوع التكييف حبقى اكتبه فى المنتدى.
واحلى حاجة فيها وزنها الخفيف ،يعني لو ركنت بالعربية امام باب فيلا او مدخل جراج و صاحب الجراج نزل و لقى العربية تسد خروج عربيته من الجراج ممكن يرفع العربية من رفرفها او من اكصدامها و يشيل العربية تماما من على الأرض و يحطها فى اى مكان اخر وبدون اى مشاكل و مش حتعانى من ركنها ابدا
متــابـــع