شوية اسالة ياريت تجاوبوني

**mido_soliman** · 25-07-2010 06:01 AM

السلام عليكم
اولا التحية للباشمهندس رامي لانة واحشني جدا هوة وايمن ومحمود( راؤل ) ونيستلروي واسلام ويجا واستاذ خالد وابو مريم واسامة بيك شحاتة ومش عايز انسي بروتوني واحد المهم اخوكوا عندة استفسارات
١-المساحة الخلفية للجين ٢ بتطلع مية بردوا ؟ لو اة ياريت ازاي
٢- المساحات الامامية باة المية اللي علي الازاز بتطلع مداها قصير وبالتالي مبتاخدش الازاز من اولة بتعلي ازاي انا عارف انها بتخرج من الباعتين السود اللي في الكبوت
٣- الانذار مداة قصير جدا ( ٣ متر علي الاكثر واحيانا اقل ومبيلقطش دايما ممكن لازم الزق فيها ) اجرب اغير البطارية الاول مكنش في صيانة ال ٥٠٠٠ اجيب بطارية منين ومقاسها اية
٤ الاضاءة مدايقاني عايز حلول اخوكو شيش بيش ليلا وبحب السفر ليلا زينون ولا حاجة تانية والنوع والمقاس والسعر الله يخليكوا وممكن اخلي الفوجات جوة البلد علشان المرور وياريت المكان كمان لو امكن
٥- ينفع انضف الفرش بارمور اول بتاع الطبلوة ولا لا؟ ولو لاء المع الفرش باية ومنين وبكام ( بحب ادلعها باة مراتي مسمياها درتها ههههه) (للي نسي فرشي السي بي اس الجلد )
٦- عايزين نتجمع باة يا اخوانا في مكان قريب مش لازم نبعد عشان مشاغل كب واحد
٧- لمبة الاتشيك بتطفي قبل ما ادور ولا بعد لان شوفت في عربيات موديلات مش برتون ان اللمبة بتطفي قبل ما يدور توضيح مش اكتر
٨- لو افتكرت حاجة تانية حقول مش حتكسف وياريت الموضوع دة يبقي لكل استفسار بسيط او كبير حتي عند اي حد لتعم الفائدة واكتساب الخبرة من اخواننا وشكرا جدا دوشتكوا

**Raul_7** · 25-07-2010 06:53 AM

أحمد باشا إزيك, فينك يا راجل...

بالنسبة لاسئلتك.

1- أيوه بتطلع من الدراع اليمين أول حتة تلفها لفوق (أو لتحت مش فاكر), هي واحدة كانت بتطلع مية وواحدة عالناشف.

2- ما عنديش فكرة بصراحة بس هي كويسة يعني بتقوم بالغرض والإزاز بيتمسح تمام.

3- نفس النظام, أعتقد إن مداه متر واحد عندي, أنا شاكك فعلا إن البطارية ضعيفة.

4- أنا شايف الإضاءة كويسة لو علتها من الموتور ومع الفوجات برده.

5- فيه ملمع فرش جلد هتلاقيه في on the run وأنواع كتير.

6- آه والله وأنا كمان, وأيمن كان قايل المقابلة على نص 7 ونسينا باين. :(

7- أعتقد بعد ماتدور لأنها دايما بتفضل منورة على التكة اللي قبل التشغيل.

**ramyar** · 25-07-2010 08:16 AM

المشاركة الأصلية كتبت بواسطة mido_soliman

السلام عليكم
اولا التحية للباشمهندس رامي لانة واحشني جدا هوة وايمن ومحمود( راؤل ) ونيستلروي واسلام ويجا واستاذ خالد وابو مريم واسامة بيك شحاتة ومش عايز انسي بروتوني واحد المهم اخوكوا عندة استفسارات
١-المساحة الخلفية للجين ٢ بتطلع مية بردوا ؟ لو اة ياريت ازاي من الدراع اليمين اول تكه
٢- المساحات الامامية باة المية اللي علي الازاز بتطلع مداها قصير وبالتالي مبتاخدش الازاز من اولة بتعلي ازاي انا عارف انها بتخرج من الباعتين السود اللي في الكبوت الرشاشات بتاعت المياه الي في الكبوت الي هما البتوع السود دول هتلاقي فيهم فتحتين مدورين دول عباره عن بليه دواره انتا ممكن تظبط اتجاه المياه منهم باي ابره
٣- الانذار مداة قصير جدا ( ٣ متر علي الاكثر واحيانا اقل ومبيلقطش دايما ممكن لازم الزق فيها ) اجرب اغير البطارية الاول مكنش في صيانة ال ٥٠٠٠ اجيب بطارية منين ومقاسها اية المانيول بتاع الجين2 بيقول ان لو العربيه في مكان في موجات كهرومغناطسيه او شبكه محمول بيقلل من استجابه الانذار
نوع البطاريه
manganse dioxide lithium (cr2032 x1dc 3v(

٤ الاضاءة مدايقاني عايز حلول اخوكو شيش بيش ليلا وبحب السفر ليلا زينون ولا حاجة تانية والنوع والمقاس والسعر الله يخليكوا وممكن اخلي الفوجات جوة البلد علشان المرور وياريت المكان كمان لو امكن
hid صيني بي الضمان ا لمقاس h3 6000 كلفن السعر 250 جنيه ضمان 6 شهور

٥- ينفع انضف الفرش بارمور اول بتاع الطبلوة ولا لا؟ ولو لاء المع الفرش باية ومنين وبكام ( بحب ادلعها باة مراتي مسمياها درتها ههههه) (للي نسي فرشي السي بي اس الجلد ) ارمور اول منظف الفرش الي معاه فرشه بي40 جنيه من كارفور انتا عملت فرش جلد صح يبقي ارمور اول ليزركير بي 52 جنيه ملمع ومنظف ومنعم من التوفيقيه عند المهندس عادل
٦- عايزين نتجمع باة يا اخوانا في مكان قريب مش لازم نبعد عشان مشاغل كب واحد ان شاء الله قريب
٧- لمبة الاتشيك بتطفي قبل ما ادور ولا بعد لان شوفت في عربيات موديلات مش برتون ان اللمبة بتطفي قبل ما يدور توضيح مش اكتر لمبه الاتشك بتنور مع اول تكه للكونتاك وبمجرد الموتور مابيدور بتطفي
٨- لو افتكرت حاجة تانية حقول مش حتكسف وياريت الموضوع دة يبقي لكل استفسار بسيط او كبير حتي عند اي حد لتعم الفائدة واكتساب الخبرة من اخواننا وشكرا جدا دوشتكوا

**mido_soliman** · 25-07-2010 12:29 PM

متشكر جدا يا رامي باشا علي الافادة وربنا يبارك فيك ومتشكر جدا يا حودة وللاسف النت قليل لما بعد علية اليومين دول وحكون متواجد ان شاء الرحمن قريب اوي ومتشكر يا حودة باشا علي ردك الكريم

**Nistelrooy** · 25-07-2010 02:14 PM

يعني الاخوة قاموا بالواجب واكتر ..

عن المقابلة ياريت نتقابل ع الاقل يوم في رمضان .. نفطر مع بعض .. ونتعرف ع بعض خصوصا في بروتوناية كتير جداد الفترة الي فاتت ..