أغتيال يوسف السباعي - أنور السادات - الكوماندوز المصري - الكرامة المصرية

**AshTurbo** · 25-07-2010 09:27 AM

أغتيال يوسف السباعي

في يوم الجمعة السابع عشر من فبراير/ شباط 1978 وصل يوسف السباعي وزير الثقافة المصري إلى العاصمة القبرصية نيقوسيا على رأس الوفد المصري المشارك في مؤتمر التضامن الأفروآسيوي السادس وبصفته أمين عام منظمة التضامن الأفريقي الآسيوي لكن السباعي لم يعلم ماذا تخبأ له الأقدار هناك.

في صباح يوم السبت الثامن عشر من فبراير/ شباط قرابة الحادية عشر نزل يوسف السباعي من غرفته الكائنة بالطابق الخامس بفندق هيلتون متوجها إلى قاعة المؤتمر بالطابق الأرضي وكان المؤتمر قد بدأ بالفعل برئاسة الدكتور فاسوس ليساريدس نائب سكرتير المنظمة ورئيس الحزب الاشتراكي القبرصي، توقف السباعي في تلك الأثناء أمام منفذ بيع الكتب والجرائد المجاور لقاعة المؤتمر وحينها أطلقت عليه ثلاثة رصاصات أصابته في مقتل، فارق يوسف السباعي الحياة وسرعان ما تناقلت وكالات الأنباء الخبر ولكن ظل السؤال معلقا مَن قتل يوسف السباعي؟ ولماذا قتلوه؟ في العاشرة من يونيو/ حزيران عام 1917 وفي منطقة الدرب الأحمر بالقاهرة ولد يوسف السباعي وقد التحق بالكلية الحربية في نوفمبر/ تشرين الثاني عام 1935 وتم ترقيته إلى درجة الجاويش وهو في السنة الثالثة وبعد تخرجه من الحربية تم تعيينه في سلاح الصواري وأصبح قائدا لفرقة من فرق الفروسية، بدأ سباعي منذ منتصف الأربعينات في التركيز على الأدب وليؤكد وجوده كقاص فقد نشر عدد من المجموعات القصصية وأعقبها بكتابة عدد من الروايات، كان السباعي في تلك الأثناء يجمع ما بين عالم الأدب والحياة العسكرية حيث كان له الفضل في إنشاء سلاح المدرعات وقد بدأ السباعي مسيرته في العمل العام بإنشاء نادي القصة ثم تولى مجلس إدارة ورئاسة تحرير عدد من المجلات والصحف منها روز اليوسف آخر ساعة دار الهلال الأهرام وفي عام 1977 أصبح يوسف السباعي نقيبا للصحفيين كما تولى السباعي وزارة الثقافة المصرية، سافر السادات إلى القدس في نوفمبر/ تشرين الثاني عام 1977 مما جعل عديد من الدول العربية إلى قطع علاقاتها مع مصر رافق السباعي الرئيس السادات في رحلته بصفته رئيسا لتحرير جريدة الأهرام وبعد نحو ثلاثة أشهر سافر السباعي إلى قبرص رغم كل التحذيرات ليقوم اثنان من المتطرفين العرب باغتياله.

دي كانت القصة بأختصار ولمزيد من التفاصيل جبتلكم الحلقة كاملة من قناة الجزيرة المساحة قد تكون كبيرة الى حد ما عشان كدة اللي يحب يقرأ الحلقة زي ما جاءت في الفيديو بالظبط ولكن كتابة دة رابط من موقع الجزيرة :

http://www.aljazeera.net/NR/exeres/6...7E9452EC54.htm

ودي روابط الحلقة :

الحلقة في رابط واحد

http://www.megaupload.com/?d=KEFIIL46

الحلقة مقسمة الى جزئين

http://rapidshare.com/files/323748423/Political_crime_-_the_assassination_of_Yousef_al-Sibai_BY_WiNtEr_SoNaTa.part1.rar

http://rapidshare.com/files/323776020/Political_crime_-_the_assassination_of_Yousef_al-Sibai_BY_WiNtEr_SoNaTa.part2.rar

تعليق صغير :

ياترى هييجي اليوم اللي ترجعلنا فيه كرامتنا و ياترى هنعيش لحد ما نشوف اليوم دة ولا هنموت بلا كرامة .

**AshTurbo** · 25-07-2010 10:28 AM

مدة أصدار قرار الهجوم وتحرير الرهائن وأعتقال الأرهابيين : أقل من يوم .

الأبطال : الرئيس أنور السادات - رجال الصاعقة المصرية .

الشهداء : 15 شهيد من قوات الكوماندوز .

القتلة : أرهابيين فلسطينين .

النتيجة : أستسلام الأرهابيين بعد أنتهاء المعركة التي أستمرت لما يقارب الساعة .

أطراف المعركة : قوات الصاعقة المصرية من طرف والقوات القبرصية النظامية بما فيها من دبابات ومدرعات بجانب بعض الميليشيا الغير نظامية وبعض الفلسطينين من طرف آخر .

العواقب : قطع العلاقات بشكل كامل مع قبرص - أغلاق مكاتب التمثيل المصرية في قبرص - سحب السفير المصري من قبرص - طرد السفير القبرصي من مصر .

**Dr Zezo** · 25-07-2010 11:01 AM

المعلومات التي قرأتها حول الموضوع تشير الي ان العملية كانت كارثية
فبالاضافة الي اغتيال السباعي

تم انزال قوات مصرية علي اراض دولة اجنبية بغرض القيام بعمل مسلح دون اذن من هذه الدولة و دون اعتبار لها و لسيادتها مما ادي الي خسائر فادحة في صفوف القوات المصرية بلا داع نتيجة مقاتلتهم للقوات القبرصية و ليس للارهابيين التي وجدت نفسها مطالبة بالدفاع عن سيادة بلادها

التقييم : اجراء سريع غير موفق ناتج عن الغضب و دون تخطيط او دراسة

**human** · 25-07-2010 11:13 AM

يا سيدى الفاضل ديه كارثه من كوارث السادات و عمل طفولى احمق
و الناس اللى ماتوا دمهم فى رقبه اللى بعتهم بمنتهى الصلف و الغرور

**hamedo0** · 25-07-2010 11:39 AM

هو ده السادات يمكن القرار كان فيه تسرع بس المات او تم اغتياله واحد من مصر
انما اعقد وانام واحد من شعبي مخطوف من شويه قراصنه انا بقارن بين الموقف ده والموقف ده

**AshTurbo** · 25-07-2010 01:56 PM

أنا أتفق معاكم أن عملية الهجوم كان فيها تسرع وعدم نظام ولكن أنا هنا بتكلم عن موقف رئيس دولة أتقتل وزير من دولته في أرض دولة سمحت للأرهابيين بحمل السلاح والدخول والأقامة في الفندق وأغتيال الوزير دون تدخل فرد واحد من أفراد الأمن دة يبقى أسمه تواطىء ومكانش فيه فرد حراسة واحد على أماكن تواجد البعثة المصرية يبقى زي ما هم ما أحترمونيش ومأمنوش أفراد بعثتي ولو بأفراد أمن عاديين مما تسبب في مقتل وزير مش فرد عادي يبقى دي تهريج ودولة لا تستحق الأحترام .

موقف الرئيس السادات في الرد على من أهانوا مصر كان واضح وسريع وحازم وهوأنه لا تساهل مع مثل تلك الأمور ولا تفاوض مع من يقتلوا ويخطفوا المصريين ولو كان عدى الموقف دة من غير مايعمل اللي عمله وكان مشاها دبلوماسية كان هيحصل زي ما بيحصل دلوقتي ناس تتضرب لحد ما تموت في لبنان وفي السعودية وناس تضرب بالنار وبالسكاكين في الكويت وناس تتقطع في ايطاليا وفي اليونان وناس تتدبح وتطعن في ألمانيا لحد ما كرامتنا أتداست .... تقدروا تقولولي أيام السادات في كام واحد أتقتل برة بالضرب والتعذيب ؟ ياراجل دة أحنا كرامتنا أنعدمت في أي حتة في العالم وأبقى سلملي على الحكمة والدبلوماسية .

**hamedo0** · 25-07-2010 02:00 PM

المشاركة الأصلية كتبت بواسطة AshTurbo

أنا أتفق معاكم أن عملية الهجوم كان فيها تسرع وعدم نظام ولكن أنا هنا بتكلم عن موقف رئيس دولة أتقتل وزير من دولته في أرض دولة سمحت للأرهابيين بحمل السلاح والدخول والأقامة في الفندق وأغتيال الوزير دون تدخل فرد واحد من أفراد الأمن دة يبقى أسمه تواطىء ومكانش فيه فرد حراسة واحد على أماكن تواجد البعثة المصرية يبقى زي ما هم ما أحترمونيش ومأمنوش أفراد بعثتي ولو بأفراد أمن عاديين مما تسبب في مقتل وزير مش فرد عادي يبقى دي تهريج ودولة لا تستحق الأحترام .

موقف الرئيس السادات في الرد على من أهانوا مصر كان واضح وسريع وحازم وهوأنه لا تساهل مع مثل تلك الأمور ولا تفاوض مع من يقتلوا ويخطفوا المصريين ولو كان عدى الموقف دة من غير مايعمل اللي عمله ونقضيها دبلوماسية كان هيحصل زي ما بيحصل دلوقتي ناس تتضرب لحد ما تموت في لبنان وفي السعودية وناس تضرب بالنار وبالسكاكين وناس تتقطع في ايطاليا وفي اليونان وناس تتدبح وتطعن في ألمانيا لحد ما كرامتنا أتداست وتقدروا تقولولي أيام السادات في كام واحد أتقتل برة بالضرب والتعذيب ؟ ياراجل دة أحنا كرامتنا أنعدمت في أي حتة في العالم .

يا راجل قولت الفي نفسي

**بحري** · 25-07-2010 02:01 PM

المشاركة الأصلية كتبت بواسطة human12

يا سيدى الفاضل ديه كارثه من كوارث السادات و عمل طفولى احمق
و الناس اللى ماتوا دمهم فى رقبه اللى بعتهم بمنتهى الصلف و الغرور

طارق باشا...منور
قلنا ونقول وسنقول دائما إن التدرج الطبيعي في الوظائف لاسيما الحساسة غاية في الأهمية والخطورة...في الشطرنج العسكرى مش بيترقى وزير إلا لما يوصل لآخر صف...
عندنا ممكن تجيب بعض الشباب السخنين وتقولهم إنت وزير وإنت رئيس وإنت قائد أركان حرب وإنت رئيس جهاز مخابرات وإنت نائب رئيس جمهورية....تتوقع إيه يحصل؟!!

**hamedo0** · 25-07-2010 02:35 PM

المشاركة الأصلية كتبت بواسطة بحري

طارق باشا...منور
قلنا ونقول وسنقول دائما إن التدرج الطبيعي في الوظائف لاسيما الحساسة غاية في الأهمية والخطورة...في الشطرنج العسكرى مش بيترقى وزير إلا لما يوصل لآخر صف...
عندنا ممكن تجيب بعض الشباب السخنين وتقولهم إنت وزير وإنت رئيس وإنت قائد أركان حرب وإنت رئيس جهاز مخابرات وإنت نائب رئيس جمهورية....تتوقع إيه يحصل؟!!

مع احترامي لكلام حضرتك يا دكتور بس السادات ايمها مش كان عيل صغير

**بحري** · 25-07-2010 02:43 PM

المشاركة الأصلية كتبت بواسطة hamedo0

مع احترامي لكلام حضرتك يا دكتور بس السادات ايمها مش كان عيل صغير

أنا مقلتش إنه أيامها وللا حتى أيام الثورة كان عيل صغير...كل اللي قلته إنه ضعيف الخبرة العسكرية وأصلا كان ضابط إشارة وعنده جنون عظمة ومرة واحده لقى نفسه وزير وبعد كده رئيس مجلس الأمة-بتاع القوانين والدستور- وبعد كده نائب رئيس جمهورية..ده طبعا غير إنهم بعد الثورة عملوا جريدة الجمهورية ومسكوه رئاسة التحرير ....فلما تحصل حاجة زي كده فيبقى ده أقل واجب
يا صديقي نحن دولة لم تكف يوما عن صناعة الفراعنة

الموضوع: أغتيال يوسف السباعي - أنور السادات - الكوماندوز المصري - الكرامة المصرية

LinkBack

أدوات الموضوع

عرض

-

-

-

-

-

-

المواضيع المتشابهه

فى مثل هذا اليوم عودة الكرامة المصرية طابا

دعوة لشراء المنتجات المصرية إنقاذا للإقتصاد المصري

السادات بطل العزة و الكرامة عاش بطلا و مات شهيدا

خطاب النصر للزعيم أنور السادات

رسالة الرئيس أنور السادات إلى الملوك والرؤساء العرب عشية توقيع معاهدة كامب ديفيد

الكلمات الدلالية لهذا الموضوع

المفضلات

المفضلات

ضوابط المشاركة