الموضوع: واخيرا عملت صيانة 1000 في ابو رواش

السلام عليكم ورحمة الله وبركاته
الحمد لله عملت صيانة 1000 عشان اخلص من التليين وعدم تشغيل التكييف
المهم تقييمي للمكان والخدمة
المكان بصراحة كويس بس محتاج لوحات ارشادية كتير جدا علشان تقدر تصل ليه بصراحة انالفيت شوية حتي اقدر اصل المكان
بس المكان يعتبر كويس بس دا لو انت حاجز قبلها لاني بمجرد ما دخلت سئلني على اذا كنت حاجز ورقم الحجز
وبمجرد ما عرف جا واحد بس ما اعتقدش انو مهندس يستلم مني السيارة وغطي الكرسي بتاعي بس ما فهمتش ليه واشمني دا بس المهم انو حد استلمها مني في خلال 5 - 10 دقائق كنت في الاستراحة وقال المستلم للعربية معاك حوالي 3 ساعات بصراحة انا استكترت الوقت بس قلت يعني هعمل ايه المهم نزلت الاستراحة بصراحة المكان جميل
في اقل من ساعتين كان المهندس بينادي على اصحاب العربيات اللي جهزت فطلعت عشان احاسب
دفعت 280 تغيير زيت محرك 225 وفلتر زيت 30 وضريبة مبيعات 25 سبحان الله المهم حمدت ربنا اني خلصت بدري وكمان مادفعتش كتير

طبعا في ملاحظتين
اول حاجة انهم بيعملو صيانات ممكن الاستغناء عنها وبيخدو عليها فلوس كتير زي مثلا غسيل المحرك بيكلف حوالي 35 او 40 جنية مع اني لو هغسل المحرك برة في اي مغسلة مش هيكلف اكتر من 10 جنية بس ان ما سالتوش عنها هيعتبر انك هتعمل كل حاجة لذلك اللي هيعمل صيانة يحاول يسال عن تفصيل اللي هتعمل

ثانيا انهم بيقولو ان المصنعية مجاني في اول صيانة فقط وبعد كدا بتتحسب المصنعية اللي انا معرفتش هتكون كام بس الغريب انهم في جدول موجود على المنتدي كانت الصيانة الاولي بنفس سعر الصيانة الثانية او الثالثة مش متذكر

كمان سالت على الصيانة المجانية بين الصيانات الدورية لان الصيانة الدورية كل 10000 والمجانية كل 5000 فسلتو عليها قال انها بعد صيانة 10000 يعني تبدا من 15000 بس للمنتظمين في الصيانة بس مش عارف هيعملو فيها ايه بس اعتقد انها هتكون فحص مش تغيير حاجة

المهم بعد الحساب كان ركنين العربية في المكان المخصص لها بس بصراحة من الخارج كانت ممسوحة كوبس لكن من الداخل كانت مش قد كدا

تقيمي العام للموضوع كلو 8/10 بس دا بسبب تكلفة الصيانات مرتفعة شوية عن الطبيعي


بس بعد الصيانة دي في استفسار صغير هل الواحد ما يحتاجش حاجة ان شاء لله بعد الصيانة لحد 10000
دي طبعا غير الحاجات الطارئة ربنا ينجينا منها ولا في حاجة تاني
وكمان انا نسيت اسئل هل كدا التليين خلص ولا لسة وكمان عداد لفات المتور بيكون عند 3 عند 120 هل دا طبيعي وبحس ان المتور صوتو بيعلي بعد كاد شوية مش عارف ارجو الافادة من اعضاء المنتدي المحترمين

وربنا يوفقنا جميعا