دة عداك العيب وازح كمان
عرض للطباعة
دة عداك العيب وازح كمان
والله باب العمارة ما كنت باعرف ادخله ودا طبعا مش محتاج يافطة
و عملت يافطة للمخازن وكنت بقف بنفسي اقرأها للناس وكانوا بيردوا علبا بقلة ادب ويركنوا غصب عنى
وبعدين انا اللى عملته مش قانونى
وهل قانونا ان الناس تركن عربياتها امام مدخل العمارة والسكان ميعرفوش يدخلوا
وهل قانونا الركن امام المخازن والمحلات واصحابهم يدفعوا ايجارتها الالاف من غير ما يستفادوا منها
علشان اللى يركن يوفر 60 جنيه في الشهر حق الجراج بمسح العربية كمان وما اكثر الجراجات في فيصل شارعنا بس فيه 3
-----------------
محمد سالم
تخيلو اللي حصل معايا يا اخوان
امبارح كنت مروح من مشوار طويل جدا ابتدا من الساعه الواحده والنصف بعد منتصف الليل امس وصولا الى بيتي الساعه الخامسه عصرا النهارده
لما جيت ملقتش مكان تحت بيتنا فقلت عادي انا من امتى بيهمني انا بركن في اي مكان فاضي وربنا يعين
وربنا العالم انا والله خلاص مش قادر اعمل حاجه من الحر والتعب
لقيت عند العماره اللي قدامنا مكان فاضي قدام جراشهم (المقفول والغير مستخدم) فركنت وقلت لبوابهم ان بوابي اهو لو في حد عايزني اشيلها ابعتهولي وهنزلك علطول
والدنيا حلوة مفيش مشاكل
انا دخلت البيت مش شايف قدامي والله يا اخواني ودخلت استنيت الافطار لاني كنت في قمة العطش واول اما ادن شربت اللي يرويني ومكلتش وقمت نمت...
عالساعه 1 ونص من شويه اصحى على صوت الانذار
طلعت اشوف من البلكونه لقيت راجل شايل حفيده على كتفه وبيضرب عالعربية بالراحه عشان تزمر
والله مكلمته قلت يمكن بيلاعب الولد ولا حاجه
شويه وراح مسك مساحة العربية وراح رازعها ججامد في الزجاج وراح شات العربية برجله في الباب فقلتله في ايه يا ريس
فقالي ايه قلتله في ايه بتخبط العربية كده ليه بيقولي راكنه قدام جراشنا فقلتله دي مش طريقه وبعدين في ايه هوا الشارع بتاعك ولا بتاع ابوك (ودي غلط مني ولكن نرفزتي وحمقتي على العربية تخليني اعمل اكتر من كده خصوصا واني تعبت جدا عشان العربية دي تيجي)
فلما قلت كده راح شايت العربية تاني في الباب رحت لابس ونازله
قعد يزعق ويقول انتا مش متربي وانتا قلتله بكل هداوة انتا بتزعق ليه؟ انا قايل لبوابك وادي بوابي دحنا حتى فرمضان راح على صوته تاني
قلتله على فكره انا مبتاخدش بالصوت ولا بخاف من علوة زعق زي منتا عايز
فراح بيقول لبنته طلعي عربيتك واقفلي عليه
بوابي قالي هات المفتاح اطلعلك العربية قلتله لا
انا اطلع عربيتي بمزاجي مش بالطريقه دي
عايز يقفل عليا يقفل براحته ولا يفرق معايا
فلقيت بوابه جاي
رحت ماسكه من قفاه وقلتله اسمك ايه انتا منطقش
قلتله انا مش قايلك
راح هوا مزعق في بوابه وبيقوله يبقى متنامش!!!
المهم قعد يزعق وبعدوني عنه فمراته كانت جنبي بتقولي ده فمقام والدك قلتلها على عيني وراسي بس مش بالطريقه دي
قالتلي ميصحش تقوله شارع ابوك قلتلها وانا محموق على عربيتي وده حقي
قالتلي ده جراش
قلتلها مقفول ومحدش منكم بيركن فيه منعدش نبعبع بكلام وخلاص وادي بوابكو اهو وانا قايله ولو انا مش عارف ان ده جراش مكنتش قلتله كده
راح جاي الراجل تاني وبيزعق فرحت بسته على راسه وقلتله اهدا بس راح قالي بلا اهدى بلا (...)
فقلتله يابابا انتا لما تضرب العربية ده حاجه تنرفزني فراح قالي انا بضربها عشان تزمر تاني وتالت لحد اما تيجي
قلتله اضرب بس مش كده وكل سنة وانتا طيب مش محتاجه زعيق انا مقلتلكش مش هشيلها بس كلمني بطريقه كويسه
وقعد يبرطم معبرتوش ورحت دورت عربيتي وناديت بوابهم قلتله متقول كلمة حق دنا قايلك
قالي يابيه انا كنت نايم فهزرت معاه وقلتله ده حتى المسحراتي معدي من دقيقه
ههههههههههههههههه
وطلعت بالعربية وربنا عالم ركنتها بعيد قد ايه
عارفين بعد كل ده
والله يا اخواننا هوا كان راكن وعادي بس كل ده عشان انا امشي
يرضي مين ده
يعني جيران وكده؟؟
و انا دلوقتي مفقوع جدا لان انا مش هقدر اتعامل مع عينات من دي كتير
عمارتنا فيها جراش ومقفول وانا قاعد في العماره دي بشكل مؤقت لمده سنه ونص
انا مبحبش المشاكل وبجد عايز ارتاح من موضوع الركن
اللي قدامنا عنده جراش ومقفول واللي جنبه وكله جراشاته مقفوله واغلبها متأجر...
هل في حل؟
ردو عليا
طيب أنا بقى عندنا الشارع فاضى مافيش حد و فى حتة أرض فاضية بس بعيد عنى شوية
فانا راكن تحت البيت
نزلت أجيب سحور
ألاقى تاكسى راكن مكانى
و إيه ساكن فى الشارع الى جمبنا و الدنيا عندهم فاضية
و يجى يركن قلت معلش تاكسى و كان بيلف طول النهار و هتلاقيه مصدق يروح
الاقى الباشا راكن يومين متواصلين و انا راكن بعيد عشان المحلات الى تحتنا تعرف تفتح
و مش يعمل كدا مرة لا خمس ست مرات و تكلمه و هو بردوا رمة
انا أصلا بكره سواقين التاكسى و كذا مرة أشتم السواق و انا راكب معاه
فشوفت الباشا دا من شوية روحت طايح فيه
و خجته إيه بقى
أنت جديد فى الحتة
روحت شاتمه و قايله إنى هنا من 21 سنة و أنت هنا من 20 دا غير إننا بانين قبلكوا كمان يعنى إتهد بقى
لقيته بيبجح
سيبنه يكلم نفسه و مشيت
بصراحة انت الحق معاك انت قايل للبواب والجراج غير مستخدم .... ولو انا كنت دغدغت دماغة بلا قد ابويا بلا هجس انا ابويا محترم لكن دة مش محترم ....... المحترم اشيلة ع دماغى صغير او كبير لكن كبير وقليل الأدب لأ نعلمهولة وشكرا
والله الموضوع ومافيه اني اتفقعت لما لقيته بيضرب العربية برجله كده
ده حتى عيب قوي دنا واقف في البلكونه ميصحش كده
وانا عارف اني فلطت لما قلتله مش شارعك ولا شارع ابوك بس والله قلتها من نرفزتي
ومكتفاش بكده قعد يسيح انا هعرفك انتا مين يادكتور حازم
انا عايز اعرف عرفني منين من البواب يعني ولا هوا سائل عني ولا ايه
مهو اصله لو كان وصل للبواب يبقى كان ممكن يبعتهولي
انما بجاحه كده يبقى ليه؟
وفي الاخير هوا مش عايز المكان هوا لمجرد لني ركنت فأشيل العربية
وبعدين والله لو كان بعتلي البواب انا معنديش ادنى مشكله في اني اشيلها وربنا شاهد عليا
والله انا مبصتش حتى العربيه اذا حصلها حاجه هشوفها دلوقتي ان شاء الله
والحمد لله ان ربنا ألهمني اني اهدي الراجل ومعملش حاجه لان انا بطبيعتي لما بتنرفز ممكن اعمل اي حاجه
احلى حاجه بعد ماطلعت بيتي لقيت عربيتين جم كلهم شباب ونزلو وبيقولو هوا فين وشباب كلهم لابسين سلاسل واشكال ميه ميه ههههههههههههههههه
كنت هنزلهم اقولهم لمو ابوكم ولا قريبكم احسن ملمكم كلكم
هههههههههههههههههههه
وللصدفه امبارح كنت في الحسين واشتريت شومه جامده جدا وسايبها في العربية
ههههههههههههههههههههه
مراتي بتقولي كنت خايفه تعمل حاجه مجنونه قلتلها هوا انا حاططها زينه مش حاجه وعمري مضرب حد ولا اعمل حاجه كده
يللا فضفضت معاكو شويه وربنا يسترها علينا جميعا
سلامي
نصيحتى لييك اشترى electric قوى وبلاش شومة الelectric أسرع اقوى فعال وتأثيرة مضمون!!
لا حول ولاقوه الا بالله
والله الناس اللى من النوعيه الغبيه دى بقت منتشره فى كل حته .. انا والله عندى جيران مايعلم بيهم الا ربنا كل يوم بلاقى زباله شكل ع العربيه و حسبى الله ونعم الوكيل ..ده غير عيالهم بقى و مهما تتخانق مفيش فايده !
احسن حاجه انت عملتها انك هزرت مع البواب فى الأخر اكيد خفف الضغط عليك شويه .. اصل فعلا الواحد لو اتنرفز على قد كل موقف بايخ بيقابله والله ما هيلاقى نفسه !! كبر دماغك و انت عداك العيب