الموضوع: بلطجة الشوارع .. لحد أمتي ؟؟

المشاركة الأصلية كتبت بواسطة banboty

طب افرض حطيت عود كبريت او نقطة امير و العربية طلعت بتتفتح بريموت

يا باشا عود الكبريت بيتحط فى قفل السلسلة اللى حاجزة المكان مش العربية نفسها

انا لما عملتها فى واحد عندنا كنت متغاظ منة بجد... الباشا سافر يصيف بالعربية و حاجز المكان بالسلسلة لحد ما يرجع من المصيف و انا كل يوم يطلع عين اهلى فى البحث عن ركنة فا قررت اديلة واحد كبريت فى السريع

تشاء الاقدار ان لحظة عودتة الى ارض الوطن من رحلة المصيف تكون حوالى 4 الضهر و انا واقف فى البلكونة.... طبعا الباشا وقف فى نص الشارع و نزل بكل ثقة عشان يفتح القفل و يشيل السلسلة عشان يركن... و الظريف ان جت عربية ورا عربيتة و الراجل ادالة كلكس عشان يوصح فا صاحبنا شتورلة ينتظر شوية بكل قنعرة و هو كلة ثقة انه حيركن فى 3 ثوانى

طبعا الباشا لا عرف يفتح القفل ولا يعمل اى حاجة و خلال الشوية دول جت عربية كمان ورا عربيتة و عربية فى وشها و عمل ازمة فى الشارع و الكلاكسات اشتغلت و لولا ستر ربنا كان الموضوع قلب شتيمة كمان بس صاحبنا لما لقى مفيش فايدة مشى بالعربية و راح ركن فى حتة بعيد و هو وشة كلة الوان

بعدها عرفت انة كسر القفل و ركن فى المكان برضة... و بعدها بكام يوم عرفت انة باع العربية و حتى يومنا هذا لم يمتكل سيارة اخرى... السؤال هنا... هو الواحد لازم يتعامل مع الناس بشكل وحش عشان الناس تلزم حدزدها و تمشى محترمة؟؟؟... دا فيه واحد برضة قالى ان الحتة اللى انا ركنت فيها امام بيتى دى "بتاعتة" قولتلة بتاعتك ازاى يعنى؟"... قاللى "دى بتاعتى فعلا بس انت اللى جديد على المنطقة"... انفجرت فيه و قولتلة "جديد ايه دا انا مولود هنا ياعم انت"

حاجة وحشة لما راجل عدى ال60 سنة و يبقى كداب بالشكل دة... و يكدب عشان ركنة عربية..... لا حول ولا قوة الا بالله

MMamdouh

المشاركة الأصلية كتبت بواسطة ashouhdy

الفكرة بقى ان اتخانقت مرة و عدت لكن مش كل يوم أنزل و اتخانق طب دول عالم فاضية انا اعمل اية

طب ممكن حل بجد لمشكلتى

فى الشارع بتاعى فى عمارة صغيرة كدة 4 ادوار و صاحب العمارة مشغل عندة 4 سواقين ع 6 عربيات طبعا ال4 سواقين حاجزين تقريبا الرصيف كلة مش قدام العمارة بس بالزرع و الكلام دة كل يوم انزل اتخانق مع واحد شكل لحد ما زهقت ومحدش بيتكلم معاهم عشان البية صاحب العمارة (اشترى) الشارع بفلوسة بيرش فلوس فى الرايحة و الجاية ع البوابين و المحلات الصغيرة و المكوجى و بتوع الامن غير اللحمة و خلافة فى الاول كانت الناس تقف فى صفى ضدهم دلوقتى بقيت انا الغلطان و يادكتور متركن فى حتة تانية اصل عربياتهم (عريضة) و (غالية) و عربيتك (صغيرة) عنده 3 جيتا و 1 فلوانس و 1 تريوس كبير و عربية البية الكبير s500 ... خلاص الشارع كلة بقى معاهم بالفلوس

مسمار صغير ياخد ال s500 من اولها لاخرها حيزعل الباشا اوى اوى... و ممكن الجيتا تاخدلها نص كباية زيت باكم حتعمل احلى شغل مع البوية

MMamdouh

المشاركة الأصلية كتبت بواسطة kh_talaat

معلش يا جماعة مع احترامي للجميع أنا لا أؤيد فكرة المساس بسيارات الغير حتى ولو كانوا مخطئين فليس صحيح معالجة الخطأ بخطأ وكلنا عندنا عربيات وبنخاف عليها

لكن في مسأله قفل الجنزير (عود الكبريت او الأمير) فدة تمام قوي وميأذيش العربية لكن في نفس الوقت يعتبر رادع لبعض الناس اللي تخاف متختشيش

لما تكون مروح الساعة 4 فى عز الحر و عمال تلف حوالين نفسك عشان تركن و مفرهد و قدامك رصيف كامل فاضى محجوز لاولاد البهوات المفاعيص لما يرجعوا من النادى او الساحل يركنوا وانت حتججنن ساعتها مش حيبقى مسمار دى فيها قتل