لأ حضرتك مش واخد بالك....محدش بيسيب قطعة من الأرض للحكومة...حضرتك بتشتري الأرض بتخطيط ومقاس معين بحيث بيبقي معمول حساب الرصيف وبالتالي الرصيف ده ملكية عامة مش بتاع صاحب الفيلا و لا يملك منه شبر واحد
عرض للطباعة
الله ينور يا استاذ n.y.s.m.a
لا قانون ولا عرف ولا دين يرضى بإشغال الطريق ابدا
واللي الموضوع دة مسبب له مشكلة يدور على جراج يركن فيه عربيته او من الأولى كان يطالب صاحب البيت انه ينفذ القانون ويعمل جراج تحت العمارة
في دولة متحضرة زي اليابان مثلا لما بتشتري عربية لازم تقدم ما يثبت انك عندك مكان لركن سيارتك تحت بيتك
- طيب ... أيه رأيكوا في الباركينج الموجود بين كل مجموعة عمارات بمدينة الرحاب ؟؟
- هل معني كده أن الباركينج ده مخصص لسكان العمارات دي فقط و لو ضيف جه يزور حد من السكان يسيب عربيته في الشارع بره الرحاب ؟؟
- لكن اللي بيحصل عكس كده تماما ... ساعات و الله بأرجع بالليل مالاقيش مكان أركن فيه في الباركينج الواسع اللي عندنا و معظمها بيكون عربيات غريبة عن المكان خاصة يومي الخميس و الجمعة كل اللي بأعمله اني بأدور علي باركينج تاني قريب و فيه اماكن فاضية بهدوء و من غير مشاكل لأن رغم كده الباركينج ده مش من حقي لوحدي ده ملكية عامة
- أمتي يكون المكان اللي بأركن فيه من حقي أنا بس ؟؟
لما اكون دافع ثمنه أو بأدفع أيجار شهري عنه للجهاز ساعتها يحق لي أعمل فيه مابدا لي لكن اني أحتل جزء من الشارع أو مكان أنتظار بدون وجه حق الهم ألا أني ساكن في المكان ده فدي تبقي بلطجة و شغل عافية و عدم أحترام لباقي الناس اللي في المكان و عدم مراعاة لحقوق الجيرة
- علي فكرة ... اللي أنا عملته امبارح سمع و حصل كلام اخر النهار بين سكان الفيلات و البوابين و رجال الامن و يبدو علي ماسمعت برضه أن فيه حد من مديرية الامن جه و تحري الامر و لسه ....
بصراحة أنا خلاص طفح بي الكيل و ناوي أصعد الموضوع ده مش بس للداخلية لأ لوسائل الاعلام كمان
مش لازم نسكت علي أي حاجة غلط نشوفها و لازم يكون فيه عندنا أيجابية و مانرميش كل اللوم علي الداخلية أو المرور أنهم مش شايفين شغلهم , أحنا كده هانشغلهم
مع خالص تحياتي
م/ سمير الشهاوي
معاك قلبا وقالبا يا باشمهندس سمير
وعلى الرغم اني ساكن برضة في كومبوند مقفول (مفيش لا محلات ولا عيادات ولا شركات) لكن برضه في بعض الأحيان لما يكون احد الجيران عنده مناسبة او عيد ميلاد مش بلاقي مكان اركن عربيتي وعمري ما اقدر اقول ان انا ليا الأولويه في الركن تحت بيتي لأن الشارع ملكية عـــــــــــــــــــــــا مة
وعلى فكرة انا سجلت عندي لينك الموقع اللي انت كتبته وهبدأ اشتغل واصور
وممكن نعمل حملة وتبقى بدايتها من المنتدى ونسميها الحملة المصرية على بلطجه الشوارع
عايزيين نبقى ايجابيين بقى :049:
آسف يا جماعة انا تراجعت انا موش بحب الأذى بلاش :taz: فكرة الزيت الباكم بس ممكن نعمل حاجة كويسة جدا نجمع الطرق اللى اتقالت والاضافات الممكنة من عندى ولاى واحد حرية الاستعمال على مسئوليته :049:
1- كبريت فى القفل
2- رمى الطوب فى نص الشارع
3- تاخد الطوب معاك فى شنطة العربية
4- تكسر بيضه فى فتحة الهواية (يخخخخخخخخخ)
5- بطاطس فى الشاكمان
6- زيت باكم على الصاج