بلطجة الشوارع .. لحد أمتي ؟؟

**kh_talaat** · 26-08-2010 11:48 AM

المشاركة الأصلية كتبت بواسطة lancerevolution

طيب أنا بقى عندنا الشارع فاضى مافيش حد و فى حتة أرض فاضية بس بعيد عنى شوية
فانا راكن تحت البيت
نزلت أجيب سحور
ألاقى تاكسى راكن مكانى
و إيه ساكن فى الشارع الى جمبنا و الدنيا عندهم فاضية
و يجى يركن قلت معلش تاكسى و كان بيلف طول النهار و هتلاقيه مصدق يروح
الاقى الباشا راكن يومين متواصلين و انا راكن بعيد عشان المحلات الى تحتنا تعرف تفتح
و مش يعمل كدا مرة لا خمس ست مرات و تكلمه و هو بردوا رمة
انا أصلا بكره سواقين التاكسى و كذا مرة أشتم السواق و انا راكب معاه
فشوفت الباشا دا من شوية روحت طايح فيه
و خجته إيه بقى
أنت جديد فى الحتة
روحت شاتمه و قايله إنى هنا من 21 سنة و أنت هنا من 20 دا غير إننا بانين قبلكوا كمان يعنى إتهد بقى
لقيته بيبجح
سيبنه يكلم نفسه و مشيت

اسمحلي حضرتك الشارع ملكية عامة وليس حق لساكنية الركن فيه دون سواهم

ومصطلح عندنا وعندهم - شارعنا وشارعهم هي مصطلحات لا تصلح
ماهو ملكك فقط هو بيتك أو جراجك وذلك بحكم القانون وغير ذلك يعد بلطجه يحق للغير ادانتك فيه بالقانون

**lancerevolution** · 26-08-2010 07:06 PM

المشاركة الأصلية كتبت بواسطة kh_talaat

اسمحلي حضرتك الشارع ملكية عامة وليس حق لساكنية الركن فيه دون سواهم

ومصطلح عندنا وعندهم - شارعنا وشارعهم هي مصطلحات لا تصلح
ماهو ملكك فقط هو بيتك أو جراجك وذلك بحكم القانون وغير ذلك يعد بلطجه يحق للغير ادانتك فيه بالقانون

معاك تماما يا باشا و كلام حضرتك مظبوط
انا يا اشا بركن العربية بال3 أيام واقفة أقل واجب و سعات بتقعد بالإسبوع
و بص الموضوع دا ولا يفرق معايا أركن فين بس لما جيت أقولهو أشرحله إن العربية بتقف بال3 تيام ما بتتحركش و إن المكان دا بعيد عن حركةالسير بدأ يبجح و يتحجج بإنى جديد فى الحتة
انا مش برر موقفى لأنى عارف إن الشارع مش بتاع حد
كل إعتراضى كان على سببه الهايف إنى بدام لسة جديد يبقى من حقه يتكلم

**cOrn** · 29-08-2010 10:32 AM

عندى فى الشارع برده نفس النظام كل واحد حاططلى لزوم الشغل يعنى مثلا اولاد رجب حاطط عربية ربع نقل يحجز بيها (((مكانين))) و شوية بضاعة على سوية اى كلام يحجز بيه اماكن للعربيات اللى ممكن تيجى تنزل بضاعة للمخزن وانا مش بسيبهم فى حالهم بسيبلهم مكان واحد بس عشان لو عربية من ال نقل الكبيرة دى جت الشارع بيقف و انا طبعا مش همجى عشان اوقف الشارع فا بسيب مكان واحد و لما الاقيهم حاجزين اكتر من مكان بخش جوه اولاد رجب و بشتكى للمدير و اقولوا مينفعش اللى بيحصل دة و انا ساكن هنا و دة حقى انى اركن .. غير كدة بركن العربية صف تانى و الراجل يفتح بقه .. مع العلم ان والدى ضابط جيش و اخويا ضابط شرطة بس والله مش بستخدم سلطتهم ولا بعمل مشاكل عشان هيقولوا اة ماهو عشان ابن كذا و اخو كذا و اقسم بالله لولا تقديرى لوالدى وا اخويا لكنت فرجت الشارع كله اللى بيحجزوا الاماكن دة غير ان فيه كافيه بردو بيعمل موضوع احواض الزرع دة و انا بكل بساطة اقوم نازل و ارمى الزرع على الرصيف و اركن و انا بركن طبعا الناس يتلموا عليا و اية ومش اية و انا ولا برد وبتعامل معاهم ببرود تام و الراجل يلمس العربية عشان اكسرله ازاز المحل لما يقفل والله وابيع عربيتى و اقعدلهم بقى تحت فى الشارع دة غير بقى النصاحة اللى بقت فى الشعب الغريب دة ومش عارف لية تلاقى عربية واخدة مكان 2 او 3 عربيات نفسى اعرف لية؟ يعنى هى كدة العربية هيحصلها اية مش فاهم و هو كدة بيثبت لنفسه اية انه جامد يعنى ؟ مرة واحد عمل الحركة دية و انا وواحد تانى كنا عايزين نركن قاللى لولا الغبى دة كان زماننا راكنين قلتلو فين قالى اهو , واخد مكان 3 عربيات رحت فردتين نفس الناحية على الارض عشان يحس ان عربيته مايلة زى ال (......) استغفر الله العظيم ديه حاجة بقت صعبة اوى يعنى!!