3 مرفق
بلطجة الشوارع .. لحد أمتي ؟؟
الاخوة الكرام أعضاء نايل موتورز ...
النهاردة الصبح و انا داخل الي الشارع اللي فيه مكتبنا كان فيه عربية جاية في الاتجاه المقابل و الشارع يادوب يأخد عربية واحدة بسبب العربيات اللي راكنة صفين أو حاطين مكانها أحواض زرع علشان يحجزوا مكان لعربياتهم
طبعا أنا وقف و العربية اللي قدامي وقفت و بدأ الراجل مشكورا يرجع بظهره علشان أدخل أنا الاول
كان فيه جنبي الشمال مكان فاضي و لكنه مشغول بأحواض الزرع أياها و ماحدش من البوابين أو الامن اللي واقفين كلف نفسه يوسع الشارع للعربيات المزنوقة في الشارع
طبعا الدم غلي في عروقي من المنظر و نزلت من العربية و بدأت أنقل الاحواض علي جنب و أرميها
هنا بقي البوابين و الامن أتلموا بسرعة وواحد منهم قالي لو ركنت هنا هاينيموا لك العجل بتاع العربية
فما كان مني ألا أني أتنرفزت عليه و قولت له أنا أركن عربيتي في أي مكان و خلي أي (.....) يقرب منها علشان أولع فيه و في الشارع كله و حوارات تانية أنتهت بتهديدي لهم بأني هأعمل محضر في القسم ضد أصحاب الفيلات علي الاحتلال و البلطجة دي و بدأت أصور المكان بالكاميرا تمهيدا للأجراء ده
بصراحة الموضوع زاد عن حده و أصبح كل واحد عايز يحجز مكان لعربيته يقفل الشارع أو جزء منه مع أن ده ضد القانون
عايز أعرف فين أدارات المرور و الداخلية من الكلام ده و لا هما فالحين بس في الكمائن اللي مالهاش لازمة غير لم الفلوس و البلطجة علي خلق الله
معلش طولت عليكوا بس كنت متنرفز جدا علي الصبح و أسيبكوا مع الصور
http://www.nilemotors.net/Nile/attac...1&d=1280045863
المكان الفاضي علي اليمين ده اللي كان مشغول بالاحواض و أنا زحتها علي جنب
http://www.nilemotors.net/Nile/attac...1&d=1280045938
كده الشارع أصبح ممكن يأخد عربيتين
http://www.nilemotors.net/Nile/attac...1&d=1280046002
بداية الشارع و علي ناصية الاحواض تحتل منتصف الشارع
طيب لحد امتي هانفضل ساكتين علي البلطجة دي
مع خالص تحياتي
م/ سمير الشهاوي
رأي قانون المرور في البلطجة اللي بتحصل دي
بناء علي ماورد في قانون المرور رقم 66 لسنة 1973 و المعدل بالقانون رقم 155 لعام 1999
و قرار وزير الداخلية رقم 2777 لسنة 2000 بأصدار اللائحة التنفيذية لقانون المرور
كما ورد في الفصل الاول من قانون المرور تحت عنوان "إستعمال الطريق العام فى المرور "
مادة 1
يكون إستعمال الطرق أيا كانت طبيعتها فى المرور على الوجه الذى لا يعرض الأرواح أو الأموال للخطر أو يؤدى إلى الإخلال بأمن الطريق أو يعطل أو يعوق إستعمال الغير له ، أو يقلق الراحة أو يضر بالبيئة
ويقصد بالطرق فى تطبيق أحكام هذا القانون الطريق العام والطرق التى يصدر بتحديدها قرار من وزير الداخلية إذا كانت داخلة فى تقسيمات أو تجمعات سكنية أو صناعية أو سياحية أو أى تجمعات أخرى
يكون إستعمال الطرق أيا كانت طبيعتها فى المرور على الوجه الذى لا يعرض الأرواح أو الأموال للخطر أو يؤدى إلى الإخلال بأمن الطريق أو يعطل أو يعوق إستعمال الغير له ، أو يقلق الراحة أو يضر بالبيئة ويقصد بالطرق فى تطبيق أحكام هذا القانون الطريق العام والطرق التى يصدر بتحديدها قرار من وزير الداخلية إذا كانت داخلة فى تقسيمات أو تجمعات سكنية أو صناعية أو سياحية أو أى تجمعات أخرى
أما بالنسبة للعقوبات التي أقرها قانون المرور في هذا الشأن فهي كالتالي :
مادة ( 75)
مع عدم الإخلال بالتدابير المقررة فى هذا القانون أو بأية عقوبة أشد فى أى قانون آخر يعاقب بالحبس مدة لا تزيد عن ستة أشهر وبغرامة لا تقل عن ثلاثمائة جنيه ولا تزيد على الف وخمسمائة جنيه أو بإحدى هاتين العقوبتين كل من إرتكب فعلا من الأفعال الآتية :
- قيادة مركبة آلية بسرعة تجاوز الحد الأقصى للسرعة المقررة .
- ملغي.
- ملغي .
- عدم حمل مركبة النقل السريع للوحات المعدنية المنصرفة لها أو إستعمال لوحات معدنية غير خاصة بها .
- قيادة مركبة آلية خالية من الفرامل بنوعيها أو كانت جميع فراملها أو إحداها غير صالحة للإستعمال .
- تعمد إثبات بيانات غير صحيحة فى النماذج أو الطلبات المنصوص عليها فى هذا القانون .
- تعمد تعطيل حركة المرور بالطرق أو إعاقتها .
- ملغي .
- تغيير بيانات أو لون اللوحات المعدنية المقرر لمركبات النقل السريع .
- عدم إستيفاء إجراءات الترخيص بإنشاء أو إدارة مدرسة لتعليم قيادة السيارات
مع خالص تحياتي
م/ سمير الشهاوي