نسب تخفيض فتيس نيسان صني a/t & m/t

**أحمد علاء** · 25-07-2010 12:05 PM

السلام عليكم ورحمة الله

كنت بحاول ادور على المعلومة الخاصة بنسب تخفيض فيتيس النيسان صني سواء المانيول او الأوتوماتيك
يا ريت لو حد عنده المعلومات ديه يفيدني بس تكون معلومات دقيقة.

الهدف من سؤالي اني لاحظت من مشاركات الأعضاء ان rpm بيكون مختلف بين المانيول والأوتوماتيك على النقلة الأخيرة (الخامس في المانيول - والرابع في الأوتوماتيك) طبعا على سرعة ثابتة منتظمة وبتثبيت وضع القدم على دواسة التسارع.
يعني على سرعة 100 او 120 كم/ساعة ال rpm بيكون مختلف بين المانيول والأوتوماتيك ولا لأ؟ وده الي هيتأكد بعد معرفة نسب التخفيض لكل فيتيس.

دمتم في حفظ الله

**Ahmed.TV** · 25-07-2010 01:47 PM

متابع مع استاذ احمد باهتمام
فين ملاك النيسان صنى

**أحمد علاء** · 26-07-2010 09:31 AM

المشاركة الأصلية كتبت بواسطة ahmed.tv

متابع مع استاذ احمد باهتمام
فين ملاك النيسان صنى

فعلا ملاك الصني ربنا يبارك فيهم بس معذورين لأن المعلومة مش معروفة لكثير من الناس.

المشاركة الأصلية كتبت بواسطة ahmediak

آدى اللينك يا باشا و يسلملنا المهندس سبعاوى

جزاكم الله خيرا دكتور احمد ونفع الله بالباشمهندس خالد(سبعاوي)
طبعا ده شرح تفصيلي يعني اي نسبة تخفيض وتتحسب ازاي
انا كنت عايز اعرف تحديدا للنسيان صني المانيول والأوتوماتيك بس طبعا شاكر جدا لمجهودك وتعبك وانا استفدت كثيرا من هذا الموضوع.

http://www.nilemotors.net/nile/672-a.html

المشاركة الأصلية كتبت بواسطة largeman

حضرتك كنت سألتني معلش و انا نسيت .... عربيتي صني 2009 اوتوماتيك
العربية لما بتكون علي سرعة 100 كيلو / الساعة بيكون rpm علي 2500 لفة
و اي خدمة يا باشا

استاذ بيشوي اشكرك جدا على المعلومة بس انا لاحظت على سرعة 100 كم/ساعة تحديدا rpm اعلى من 2500 وبالضبط حوالي 2530-2550 rpm

ونستنى رأي الخبراء بخصوص نسب التخفيض

**أحمد علاء** · 26-07-2010 09:48 AM

المشاركة الأصلية كتبت بواسطة ahm128

فعلا على سرعة 100 كم/ساعة تحديدا rpm اعلى من 2500 وبالضبط حوالي 2530-2550 rpm و 120 بتكون 3100 تقريبا نسيت اقولكم انى معايا اوتوماتيك

جزاكم الله خيرا
فعلا كلام سليم ويا ريت حضرتك تكتب بيانات سيارتك في الخانة المخصصة في الملف الشخصي.
يا ريت إخواننا الي معاهم 1600 مانيول وحالة إسطوانة الدبرياج كالجديدة يقولونا على سرعة 100 وسرعة 120 على الغيار الخامس بيكون ال rpm على كام

**SonaSteel** · 28-12-2010 02:51 PM

السلام عليكم
انا حبيت ارجع الموضوع ده .... علشان فعلا مش فاهمه
هي فرقت ايه مثلا لو الخامس عندي rpm علي2500 والسرعة علي 100 كم/س
وعند حد تاني كان نفي rpm بي السرعه مثلا 90 كم/س مثلا
انا قريت الموضوع بتاع ا/سبعاوي .......... بس عايز يحد يفهمني معلش
واعرف ازاي العربية مظبوطة ولا لأ
شكرا يا نيساناويـــــــــــــــــ ـــــــــن :))

**أحمد علاء** · 30-12-2010 10:48 AM

المشاركة الأصلية كتبت بواسطة sonasteel

السلام عليكم
انا حبيت ارجع الموضوع ده .... علشان فعلا مش فاهمه
هي فرقت ايه مثلا لو الخامس عندي rpm علي2500 والسرعة علي 100 كم/س
وعند حد تاني كان نفي rpm بي السرعه مثلا 90 كم/س مثلا
انا قريت الموضوع بتاع ا/سبعاوي .......... بس عايز يحد يفهمني معلش
واعرف ازاي العربية مظبوطة ولا لأ
شكرا يا نيساناويـــــــــــــــــ ـــــــــن :))

وعليكم السلام ورحمة الله باشمهندس حسين كيف حالك؟

ببساطة شديدة إختلاف ال rpm على السرعات المختلفة والنقلات المختلفة امر طبيعي لأن لو رجعنا لعنوان الموضوع.. نسب التخفيض هي نسبة تخفيض السرعة الدورانية للمحرك (المتمثله في ترس الفولام او الحدافه) بالنسبة لسرعة دوران العامود الخارج الخاص صندوق التروس gear boxثم إلى كرونة ثم العجل.
طبعا تقليل السرعة او تخيض السرعة بيقابله زيادة العزم وده بنشوفه في عزم الأول والثاني والعزم بيقل مع النقلة الأعلى حتى يصل العزم اقل مداه في النقلة الخامسه مثلا في صندوق التروس اليدوي المزود بخمس نقلات.

وهضرب مثال لوضيح المقصود من نسب التخفيض لو قلنا نسبة النقلة الأولى او الترس الأول 1:3 في بعض السيارات ده معناه ان سرعة دوران خرج الفيتيس هي ثلث سرعة دوران حدافة المحرك وبالتالي العزم كبير.
وفي أغلب السيارات بيكون نسب التخفيض 1:1 في النقلة الرابعة وده معناه ان سرعة دوران الحدافة هي سرعة دوران خرج الفيتيس وده بيسمي direct drive

وفي أغلب السيارات بيكون نسبة الخامس اقل من 1 يعني 1:0.8 كمثال وده يسمى over drive.

طبعا ممكن اكون ماشي على 100 وال rpm على 2500 وممكن اكون ماشي على 60 وال rpm على 2500 برضه لإختلاف النقلة وهل انا بعمل تسارع ولا لأ.بس مش ده السؤال
لكن السؤال هو عند أعلى نقلة (الخامس في المانيول - او الرابع في الأوتوماتيك في الصني) بيكون ال rpm تقريبا على مستوى واحد في أغلب العربيات وبيختلف بإختلاف عمر إسطوانة الدبرياج في المانيول وبنتابع ده عند صبات السرعة مثلا 100 كم/ساعة بضغطة ثابته على دواسة التسارع وبدون عمل تعجيل او تسارع وفي طريق ليس به منحدرات سواء طالع او نازل.

ديه حاجة مش في أيدينا نعدلها بس هنقارن بواسطة نسب التخفيض RPM في المانيول والأوتوماتيك خاصة على السرعة النهائية وده بينعكس على إستهلاك البنزين في السفر الطوالي.

معني ان ال rpm أعلى في سيارة عن مثيلتها طبعا مع تثبيت الظروف المذكورة أعلى فده يدل ان حالة إسطوانة الدبرياج اقل او بكلمة اخرى ان فيه فقد في إنتقال السرعة والعزم بين المحرك وصندوق التروس اليدوي.

أخيرا احب اقول حاجة ان اوقات كثير بيكون عداد ال rpm قراءته غير دقيقة وبيخلتف من سيارة لأخرى (طبعا ده لا يعني شيئ بالنسبة لنا كمستخدمين ) بس ديه حقيقة الحاجة الوحيده الي ممكن تقرأ بالضبط ال rpm هي جهاز الكشف الي بيركب على السيارة وبيعطي جميع القراءات الخاصة بالحساسات ومنها سرعة دوران المحرك بالضبط من خلال وحدة التحكم

اتمنى اكون وضحت الفكرة بشكل جيد وبالتوفيق دائما

**SonaSteel** · 30-12-2010 11:37 AM

المشاركة الأصلية كتبت بواسطة ahmadalaaeldin

وعليكم السلام ورحمة الله باشمهندس حسين كيف حالك؟

ببساطة شديدة إختلاف ال rpm على السرعات المختلفة والنقلات المختلفة امر طبيعي لأن لو رجعنا لعنوان الموضوع.. نسب التخفيض هي نسبة تخفيض السرعة الدورانية للمحرك (المتمثله في ترس الفولام او الحدافه) بالنسبة لسرعة دوران العامود الخارج الخاص صندوق التروس gear boxثم إلى كرونة ثم العجل.
طبعا تقليل السرعة او تخيض السرعة بيقابله زيادة العزم وده بنشوفه في عزم الأول والثاني والعزم بيقل مع النقلة الأعلى حتى يصل العزم اقل مداه في النقلة الخامسه مثلا في صندوق التروس اليدوي المزود بخمس نقلات.

وهضرب مثال لوضيح المقصود من نسب التخفيض لو قلنا نسبة النقلة الأولى او الترس الأول 1:3 في بعض السيارات ده معناه ان سرعة دوران خرج الفيتيس هي ثلث سرعة دوران حدافة المحرك وبالتالي العزم كبير.
وفي أغلب السيارات بيكون نسب التخفيض 1:1 في النقلة الرابعة وده معناه ان سرعة دوران الحدافة هي سرعة دوران خرج الفيتيس وده بيسمي direct drive

وفي أغلب السيارات بيكون نسبة الخامس اقل من 1 يعني 1:0.8 كمثال وده يسمى over drive.

طبعا ممكن اكون ماشي على 100 وال rpm على 2500 وممكن اكون ماشي على 60 وال rpm على 2500 برضه لإختلاف النقلة وهل انا بعمل تسارع ولا لأ.بس مش ده السؤال
لكن السؤال هو عند أعلى نقلة (الخامس في المانيول - او الرابع في الأوتوماتيك في الصني) بيكون ال rpm تقريبا على مستوى واحد في أغلب العربيات وبيختلف بإختلاف عمر إسطوانة الدبرياج في المانيول وبنتابع ده عند صبات السرعة مثلا 100 كم/ساعة بضغطة ثابته على دواسة التسارع وبدون عمل تعجيل او تسارع وفي طريق ليس به منحدرات سواء طالع او نازل.

ديه حاجة مش في أيدينا نعدلها بس هنقارن بواسطة نسب التخفيض RPM في المانيول والأوتوماتيك خاصة على السرعة النهائية وده بينعكس على إستهلاك البنزين في السفر الطوالي.

معني ان ال rpm أعلى في سيارة عن مثيلتها طبعا مع تثبيت الظروف المذكورة أعلى فده يدل ان حالة إسطوانة الدبرياج اقل او بكلمة اخرى ان فيه فقد في إنتقال السرعة والعزم بين المحرك وصندوق التروس اليدوي.

أخيرا احب اقول حاجة ان اوقات كثير بيكون عداد ال rpm قراءته غير دقيقة وبيخلتف من سيارة لأخرى (طبعا ده لا يعني شيئ بالنسبة لنا كمستخدمين ) بس ديه حقيقة الحاجة الوحيده الي ممكن تقرأ بالضبط ال rpm هي جهاز الكشف الي بيركب على السيارة وبيعطي جميع القراءات الخاصة بالحساسات ومنها سرعة دوران المحرك بالضبط من خلال وحدة التحكم

اتمنى اكون وضحت الفكرة بشكل جيد وبالتوفيق دائما

الحمد لله رب العالمين بفضل الله ..... ربنا يعزك وشكرا علي سؤالك
وشكرا علي توضيحك الفكرة ........ بس الخلاصة يعني لو السرعة عند 100 كم/س مثلا والمفروض الrpm علي 2500
ده الطبيعي
لكن اللي مش طبيعي ... يبقي عربية اوتو اوا مانيول عند نفس السرعة بس rpm 3000 مثلا
ده يبقي عيب مثلا او اسطوانة الدبراياج (انا مش فاهم الطريقة بالظبط) تكون تعبت ولا قدمت مثلا
لكن لو الrpm علي 2000 ده يبقي كويس
يعني سرعة اعلي وعزم قليل
....... انا كده فهمت صح ولا ايه :))

-

-

الموضوع: نسب تخفيض فتيس نيسان صني a/t & m/t

LinkBack

أدوات الموضوع

عرض

نسب تخفيض فتيس نيسان صني a/t & m/t - انشر الموضوع فى :

-

-

-

-

-

-

المواضيع المتشابهه

غيرت فتيس عربيتي الصني و نصيحة لصقور نيسان

نيسان تـيم تقدم ..فيديو إعلان نيسان جوك من تصـميمنا إهداء لنايل موتورز و نيسان إيجيبت

مشكلة غريبة فى فتيس نيسان صنى

نيسان صني المنحوسه (موتور حاليا + فتيس سابقا)

انا غيرت فتيس نيسان 2009

الكلمات الدلالية لهذا الموضوع

المفضلات

المفضلات

ضوابط المشاركة