العربية مش راضية تدور ماذا افعل ؟

**rasim** · 25-07-2010 12:09 PM

السلام عليكم
ياريت ممكن اعرف لو العربية مش راضية تشتغل معى ماذا افعل اى بخطواط الواحد يتبعاها ؟

(اصل حصلت مرتين
مره ركنتها ورحت اجيب حاجه وبعد ذلك رحت ادورها مش راضية مش بتعمل حاجه خالص ولاصوت وانا لسه مبتداء فى السواقه فكلمت سواق تاكسى قال انا الطورمبه بتعلق فك خرطوم بتاع البنزين وشفت وشويه وقفلها والحمد اشتغلت
المره الثانية خرجت بلف بيها و جيت اشغالها برده مش راضية كلما ادور المفتاح تطلع الى الامام وترج ع تانى مع العلم انا شادد فرامل اليد سالت واحد بس طلع انه بتعلم المره ديه قال فى ميكانيك فاتح تعالى المهم المكنيكى قال دور بدور قالى ضع العربية فى وضع المور وضعتها واشتغلت الحمد وبقوله مالها قالى الكهربه المتور كانت فاصله وطبعا قلت له كام قال خلى
والصراحه انا ما كانش معى غير 5 جنية قلت له بصى هى ديه المعاى خدها قال طيب ومشى مع انه لم يعمل شىء بس الحمد لله )

**karimmelegy** · 25-07-2010 12:27 PM

بص ياباشا أنت سيارتك أكيد مافيهاش حاجة ...

المرة الأولى : أحتمال كبير جداً إن الوصلات بتاعة البطارية مش مثبتة جيداً لأنك بتقول (مش بتعمل حاجة خالص ولا صوت ) يعنى لازم تسمع صوت المارش اللى فى الأول عشان تقول إن فى مشكلة فى الطرمبة
بصورة أبسط : لما تيجى تدور العربية وتلاقى فى صوت المارش عادى بس العربية مش بتدور ممكن تقول إن الطرمبة ( بس خلى بالك أنها مش هى بس اللى ممكن تكون مش شغاله ممكن تكون شغاله وحاجة تانية اللى فيها مشكلة زى بوجيهات أو غيرة ... )

المهم أنت عربيتك سليمة

أما بقى المرة التانية أنت دورت العربية وهى متعشقة يعنى وضع عصاة الفيتيس مش فى وضع المور وده السبب اللى بيخلى العربية ترج وتطلع لقدام

أنت لازم لما تيجى تدور العربية تكون عصاة الفيتيس فى وضع المور

وربنا يوفقك

**azmeralda** · 25-07-2010 12:32 PM

انا كان حد بيزق وانا بكون جايبة التانى وتدوس الدبرياج والبنزين و را بعضه فجأة بتلقط

**husseinoo** · 25-07-2010 12:47 PM

بسم الله الرحمن الرحيم

اللهم صل على محمد وعلى آله وصحبه أجمعين

اخى الحبيب
لازم ناخد بالأسباب عشان نريح دماغنا :

الأول نتأكد ان كابلات البطارية موش مملحة ومربوطة كويس جدا .... تفك الكابلات وتغسلها بشوية مية سخنة وتبرطها كويس جدا

بعد كده تتأكد ان البطارية سليمة والشحن سليم .... ممكن تروح زيارة صغيرة لبتاع البطاريات هاتاخد 3 دقائق وهايقولك الخلاصة ....

بعد كده الافضل انك تركب طقم كهرباء وتريح دماغك ... بوجيهات وابلاتين وكندنسر ... وفلتر البنزين ... تركبهم مرة واحدة وتضبط الكهرباء عند الميكانيكى

الحاجات دى كلها موش مكلفة ... لكن عشان تريح دماغك تماما وتفكر فى اى احتمال تانى

اذا الامور مشيت تمام خلاص حصل خير
خلاف كده يبقى فيه احتمالات تانية وما تخوفش قوى:
مثلا كاتاوت .. ريلاى الخاص بالمارش ... او المارش محتاج جلب
يعنى المفروض ان المارش يتعمله صيانة دورية ... تتكلف حوالى 70 او 100 جنيه وتريج دماغك منه

اى حاجة تانية هاتكون نادرة مثل طرمبة البنزين

مع اطيب التمنيات
اخوكم حسين غزالة

**mohamed9999** · 25-07-2010 03:03 PM

المشاركة الأصلية كتبت بواسطة rasim

المره الثانية خرجت بلف بيها و جيت اشغالها برده مش راضية كلما ادور المفتاح تطلع الى الامام وترج ع تانى مع العلم انا شادد فرامل اليد سالت واحد بس طلع انه بتعلم المره ديه قال فى ميكانيك فاتح تعالى المهم المكنيكى قال دور بدور قالى ضع العربية فى وضع المور وضعتها واشتغلت الحمد وبقوله مالها قالى الكهربه المتور كانت فاصله وطبعا قلت له كام قال خلى
والصراحه انا ما كانش معى غير 5 جنية قلت له بصى هى ديه المعاى خدها قال طيب ومشى مع انه لم يعمل شىء بس الحمد لله )

المره التانيه دى العربيه لازم تعمل كده ولو معملتش كده تبقى عطلانه
لازم لما تدور تبقى فى وضع المور ولو انت جايب غيار الاول لازم تكون دايس ع الدبرياج للاخر و الميكانيكى دا معملش حاجه اصلا غير ان قلك خليها ع وضع المور و دور

**rasim** · 26-07-2010 12:39 PM

السلام عليكم
هل فى خطواط اتبعها اذا العربية عملت كده منى تانى اى
لو العربيى وقفت تانى منى
ماذا افعل علشان اعرف العيب (الجواب يكون فى شكل نقاط)

**tamer_a7** · 26-07-2010 03:46 PM

المشاركة الأصلية كتبت بواسطة rasim

السلام عليكم
هل فى خطواط اتبعها اذا العربية عملت كده منى تانى اى
لو العربيى وقفت تانى منى
ماذا افعل علشان اعرف العيب (الجواب يكون فى شكل نقاط)

اولا ما تتخضش وكان العربيه خلاص ما تتصلحش علشان انت اتنصب عليك مرتيين علي التوالي
تعمل ايه لما العربيه ما تدورش
1.لو ما فيش صوت خالص ولانوار بتاعت التابلوه مش شغاله تروح تهز كبلات الكهرباء بتاعت البطاريه او تقرط عليها
2.تبص في الفلتر بتاع البنزين فيعه بنزين ولا لا لو ما فيهوش يبقي الطلمبه قاطعه
3.تتاكد من دايره الكهرباء ودي عاده بتكون بفك الكابل بتاع الموبينه وتقريبه من اي سطح ارضي (تقريبه مش يلمس)
4.العربيه شرقانه ودي هتشم ريحه بنزين جامد والحلو تصبر شويه 5 دقايق كده وبعدين تدور من غير بنزين
5.ممكن تجرب تشد الشفاط وانت بتدور لو العربيه ماخره في الدواره

**rasim** · 01-08-2010 01:46 PM

جزاك الله خيرا اخى الركيم على هذه المعلومات

**khaled_sabry** · 01-08-2010 02:27 PM

بعد اذن العضو الكريم tamer_a7 افسر شويه فى مشاركته
قبل ما ابداء احب بس ااكد ان عربيتك مافيهاش حاجه

فى الاول الموتور بيشتغل عنطريق حاجتين .. كهرباء و بنزين
1- لو العطل من كهرباء : ساعتها ممكن يكون
أ- عيب مارش : وده حيحصل لو بتدور المارش و سامع صوته ضعيف اوى و مخنوق ... و ساعتها ممكن تخلى حد يزقك بحيث فاتح الكونتاكت و تبقى معشق التانى و دايس دربراج و لما توصل لسرعه حلوه بالزق تفلت الدبرياج مره واحده و تكبس بنزين لغايه لما تلقط
ب - لو المارش شغال بصوته الطبيعي و مش شغاله تفصل سلك البوجيهات سلك ورا سلك و تشوفهم بيعملو شراره لما تقربهم من جسم الموتور و لا لاء (غالبا حتتلسع بكام شراره فى الاول ) تشوف الشراره و ترجع السلك مكانه و بعد كده تشوف اللى بعده
لو لاقيت فيهم سلك او الاربعه مش بيطلع الشراره دى ضعيفه او مابيطلعهاش خالص يبقى توصلهم تانى بالبوجيهات زى ماكانو و تفصل نفس السلك من الناحيه التانيه بتاعت الاسبراتير ... لو الشراره ضعيفه او منعدمه يبقى الاسبراتير وحش و فيه مشكله اما لو الشراره كويسه يبقى السلك وحش او مقطوع خالص ...فغيره
2- لو الكلام اللى فاتت ده كله كويس يبقى العيب فى البنزين ... لو كنت كربراتير ففك العمه و شد شداد البنزين لو لاقيت فيه رزاز بنزين اتبخ فى عين الكربراتير يبقى البنزين كويس و العربيه شرقانه بس : ساعتها ابقى دور كونتاكت و تقل ايدك على المارش و انتا دايس دواسه البنزين على الاخر و خليك كده حتلاقيها تلقط معاك بعد 5 ثوانى تقريبا
اما لو مافيش رزاز فى الكربراتير ابقى فك خرطوم البنزين اللى داخل على الكربارتير و دور العربيه .. لو لاقيته بيضخ بنزين يبقى الكربراتير مسدود ... وفى الحاله دى مالهاش حل
اما لو ماكنشى بيضخ بنزين بعد ماتدور كونتاكت ييبقى طلمبه البنزين فيها مشكله