شاب اسكندرانى لسة اول مرة عربية و اول مرة لوجان.

**acc_elbehery** · 25-07-2010 12:39 PM

صباح الفل يا شباب

انا من اسكندرية و رايح استلم اللوجن يوم الاربعاء من عند الطارق فى الاسكندرية. دى اول عربية اشتريها و مش ركييب يعنى , خفيف خفيف , لا جرى و لا تنطيط عشان عندى عيال صغيرة.
عندى كذا استفسار من الشباب اصحاب اللوجان الكرام او من لهم الخبرة فى العربية دى :-
1- انا عايز اركب فرش على الفرش الموجود , ينفع ولا لا . و لو ينفع احسن حاجة ايه جلد كامل ولا جلد فى قماش و لا حاجة جاهزة سبورتيف.
2- موضوع الكاسيت , هو ايه نظام صوته , السماعات جامدة و لا عادية , و هل بيشغل mp3 ولا اوديو بس .و ازاى نشغل mp3 كويس بصوت حلو عليه.
3- موضوع الانذار , ازاى اركب انذار كويس و هو مش غلط عشان الضمان ؟؟.
4- ازاى تلين العربية صح ؟ فى ناس بتقول انه لازم تجرى بيها جامد عشان الموتور بفتح .؟؟ مش عارف شكلى بهزى !!!!
5- موضوع الكلكس اللى فى الكنب ده خنيق , مالهاش حل تانى ؟؟؟؟؟
6- اخر حاجة , بصراحة ايه رأيكم فى العربية دى .؟؟؟؟؟؟؟؟؟؟؟
و شكرا جزيلا لكل من ساهم فى تقليل
معاناة شاب جديد فى عالم اللوجان

**Super_Star_h** · 25-07-2010 01:54 PM

المشاركة الأصلية كتبت بواسطة acc_elbehery

صباح الفل يا شباب

انا من اسكندرية و رايح استلم اللوجن يوم الاربعاء من عند الطارق فى الاسكندرية. دى اول عربية اشتريها و مش ركييب يعنى , خفيف خفيف , لا جرى و لا تنطيط عشان عندى عيال صغيرة.
عندى كذا استفسار من الشباب اصحاب اللوجان الكرام او من لهم الخبرة فى العربية دى :-
1- انا عايز اركب فرش على الفرش الموجود , ينفع ولا لا . و لو ينفع احسن حاجة ايه جلد كامل ولا جلد فى قماش و لا حاجة جاهزة سبورتيف.
2- موضوع الكاسيت , هو ايه نظام صوته , السماعات جامدة و لا عادية , و هل بيشغل mp3 ولا اوديو بس .و ازاى نشغل mp3 كويس بصوت حلو عليه.
3- موضوع الانذار , ازاى اركب انذار كويس و هو مش غلط عشان الضمان ؟؟.
4- ازاى تلين العربية صح ؟ فى ناس بتقول انه لازم تجرى بيها جامد عشان الموتور بفتح .؟؟ مش عارف شكلى بهزى !!!!
5- موضوع الكلكس اللى فى الكنب ده خنيق , مالهاش حل تانى ؟؟؟؟؟
6- اخر حاجة , بصراحة ايه رأيكم فى العربية دى .؟؟؟؟؟؟؟؟؟؟؟
و شكرا جزيلا لكل من ساهم فى تقليل
معاناة شاب جديد فى عالم اللوجان

الف مبروك يا باشا
ومعرض الطارق محترم وناس محترمه الحقيقه انا استلمت عربيتى من عنده برضو
بالنسبه للفرش ينفع عادى تعمل فرش ارضيه وكراسى للعربيه
عايز تجيب فرش للكراسى جاهز عادى جيبه وخلى سروجى يركبهولك
بس التفصيل احسن طبعآ والجلد مع الحر والصيف ده بيولع فى العربيه
انت ممكن تعمله قماش على جلد
بالنسبه للكاسيت تقريبآ مش هيبقى ام بى ثرى هيبقى اوديو عادى
عشان اول دفعه من اللوجان هى اللى نزلت بكاسيت ام بى ثرى
والكاسيت صوته عالى ونقى جدآ ومش محتاج يتغير
الانذار جيبه وروح ركبه فى التوكيل كده بدرى بدرى لو قلقان
عايز تليين العربيه متجريش بيها ولا تضغط على الماتور
انقل على كل غيار واديه حقه لا زياده ولا نقص ومش تدوس بنزين عنننننن جامد عشان تسحب
اصبر على العربيه ومتفتحتش بيها سرعات عاليه دلوقتى
الكلاكس واحده واحده هتاخد عليه انا لسه راكب عربيتى الادا امبارح لاقيت نفسى بدوس جنب الدريكسيون بحسبها اللوجان اتلخبط خالص
المسأله مسألة تعود مش اكتر
رئ فى العربيه دى انها ممتازه جدآآآآآ وربنا يباركلك فيها

**frhateg** · 25-07-2010 05:11 PM

1000 مبروك عليك مقدما . انا برضه واخد عربيتي من الطارق سوداء . و مركب لها فرش جلد علي شمواه رمادي جايبه من الحضره ب 180 جندي و مركبه عند واحد في عزبة سعد ب 40 .

**ahmedbakr50** · 25-07-2010 09:51 PM

أنا ركبت فرش جلد على قطيفة وكلفنى 330 جنيه بس حاجه تمام فى سبير كار

**Emad2000** · 26-07-2010 02:35 AM

السلام عليكم
ألف مبروك ,هل يمكن ان تخبرنا بكم اشتريتها.
حبث كنت اليوم فى كارفور الاسكندرية و سئلت فى معرض الطارق عن سعر اللوجان فول اوبشن, و المفاجاة انه كان 66,5 ألف جنيه بالرغم اننى قلت لهم اننى سأشتريها بالتقسيط من بنك ناصر. لا ادرى اذا كان انخفاض السعر بسبب قرب نزول موديلات 2011
و جزاك الله خيرا