الموضوع: مشروع الزينون الجديد في مصر

بص المشكلة فى إستعداد الناس انها تددفع لمنتج نظيف -هتلاقى 99% بيقول لا غالى ده الماركة الفلانية بكذا

أقول لك قصة - واحد صاحبى جاب مساحة من أمريكا ماركة محترمة و غالية - راح يسأل عليها فى شارع دمشق - بعد لف وتدوير وكله بيقولله صينى صينى
لقى واحد بتاع قطع غيار مرسيدس - الراجل قالله إنسى اى النوع ده ينزل مصر محدش هيشتريه - ماحدش حتى لو راكب بورش هيدفع 200 جنيه فى فردة مساحة

الخلاصة ان الناس عايزة الأحسن و الأرخص ودى حاجة متناقضة لأن الأحسن صعب اوى اوى اوى يكون الأرخص
ومقولة الغالى ثمنه فيه بقت مش واردة عندنا

نصيحة لازم تعمل دراسة سوق الأول وشوف إستعداد الناس

أول حاجة أحييك على فكرتك وإنك ناوي تجيب منتج عالي الجودة.

بس أحب أفكر حضرتك إن مجلة عربيتي عدد الأسبوع 20 فبراير ذكرت إن شركة هاشم باص حصلت على توكيل لمبات (Phillips) وإنها هاتنزل الأسواق قريباً جداً.

دي معلومة أنا قرأتها ولما لقيت شخص إيجابي زي حضرتك ابتدأ يتحرك في اتجاه الحصول على جودة، حبيت إن اشارك بالمعلومة دي.. يمكن تكون ليها فايدة وحضرتك بتفكر في المشروع ده.

بكرر شكري واحترامي لخطوتك الشجاعة

واتمنى التوفيق ليك (بس ساعتها ليا في ذمتك طقم كامل يا باشا).. براشوت بقه :) :)

السلام عليكم

المشاركة الأصلية كتبت بواسطة tommys

بصوا بقى ياشباب ... أنا عندي فكرة حلوه قوي وعايز أخد رأيكوا فيها ..... وهي طالما إن الزينون ده مطلوب قوي كده والكل بيدور على حاجة نظيفة والمشكلة إنه مافيش إلا نوع واحد في السوق عشان كده عليه مشاكل كتير ومشكوك في صناعته.... أنا فكرت إن أنا أستورد زينون من بره مضمون صناعتة وأخد توكيله هنا في مصر زي شركة أواب الرحاب .... وأنا جاهز برأس المال ... ولو في حد عايز يخش شريك برده مافيش مشكلة ... بس المطلوب لو في حد عارف نوع معين يكون معروف بلد صنعه أو ماركة معينة ونجيبها من فين ياريت يقولي عليها مع العلم إن أنا عندي سجل تجاري وسجل مستوردين ومصدرين وشغال في التصدير يعني جاهز من الصبح .... وألي عنده أفكار ومعلومات عن أي منتج يبدا يطرحها في المنتدى ونعتبره مشروع جديد لأعضاء المنتدى وألي عنده أمكانيات أنه يخش معايا سواء بأفكاره أو عملية التسويق جوه مصر .... ومش هاستورد حاجة إلا لما نتفق على منتج معين يكون منافس لل Hid Plus لأنه دلوقتي فارد عضلاته عشان مافيش ألا هو في السوق .. وشكرا

السلام عليكم .... بجد انا عاجبني اوووي الفكرة وعلشان كدة بكون ايجابي معاك واحب اكون شريك فالمشروع دة ... انا عايش بالكويت وطبيعة شغلي هو التسويق والعلاقات العامة ... المهم .... انا عندي نوع ممتاز فعلا واحسن من ال Hid Plus بكتير ودة مش كلامي لا لا .. دة كلام العالم كلة ... المهم يا سيدي علشان مش اطول عليك هو ماركة BOSH ألالمانية وطبعا كلنا عارفين يعني اية شركة BOSH وعارفين انها اكبر شركة بتصنع قطع غيار مرسيدس بألمانيا ... واحب اوضح ان زينون BOSH هو افضل زينون فالوقت الحالى وبيكون فالمرتبة التانية بعدة Hid Plus ودة معروف جدااا على مستوى العالم وكلنا ممكن نعرف بكل سهولة المعلومة دى من عملية بحث بسيطة على Google المهم احنا ممكن نوفر زينون BOSH فمصر وكمان ممكن بسعر اقل من Hid Plus بس دة متوقف على خبراتك يا بطل فالجمارك وتشوف كام قيمة الجمارك وتقولي وانا مستني ردك علشان نخليها مفأجات الصيف ان شاء الله ... وربنا يقدم ما فيه خير لي ولك ان شاء الله

طيب لو كنا بنجيب Bosh الالماني الاصلي ويكون سعرة مناسب ومنافس للHid Plus اية ممكن تتخيل رد الفعل فمصر ؟ وكمان زيادة فالتأكيد انا بصور الطقم النهاردة وبنزل صورة وتشوف انو محفور علية انو صناعة ألماني مش استيكر وملذوق زي اللي فمصر .... ونشوف رد فعل الشباب معانا هنا واللي فيه الخير يقدمه ربنا ..... ولعلمك الموضوع مش مجرد مكسب مادي وبس !! انا عايز اجيب حاجة مميزة وبسعر مناسب وجودة عالية ..... وعايز اوضح حاجة مهمه ممكن الكل يسأل عنها !! ان ازاي يكون فمصر غالي كدة وانا بقدر اوفرة بالسعر المناسب اللي بنقدر ننافس بيه Hid Plus والموضوع ببساطة ان الشركة نزلت سعرة فعلا وكمان هو من البداية مكنش بالمبلغ دة اصلا ... !!! لاكن انت عارف مصر وان الغربال الجديد لة شنة زي ما بيقولو انما هو فالاصل ارخص من كدة بكتير وكمان السعر بتاعة رخص تاني من ايام بسيطة بس... وانا عرفت النهارة بالصدفة والله لما كنت رايح لصاحبي اخد منه جهازين لعربيتي ... واحد للفوج لايت والتاني للنور الواطي لاني مركب عالى بس عندي ... المهم بكرة بنزل الصور ونشوف رأي الشباب ....