السلام عليكم,
يا تري حد عنده فكره عن الاوراق المطلوبة لاستخراج اذن سفر للخارج؟
مع العلم اني تاجيل 3 سنوات.
شكرا
عرض للطباعة
السلام عليكم,
يا تري حد عنده فكره عن الاوراق المطلوبة لاستخراج اذن سفر للخارج؟
مع العلم اني تاجيل 3 سنوات.
شكرا
مش عارف بصراحه بس ربنا يكون فى عونك وخلى بالك انك هتروح هتتعامل مع ناس ولا بتعرف اى حاجه فى اى حاجه
على ما اعتقد بتاخد شهاده الميلاد وشهاده التخرج وشهادة التاجيل وطبعا البطاقه
الله يقويك ياباشا
انت رايح تتعامل مع ناس من العالم الاخر والجنس التالت
السلام عليكم
على فكره الموضوع مش صعب خالص , انا عملتها اكتر من مره و كانت سهله و مبتاخدش اكتر من نص ساعه فى تجنيد حلميه الزيتون
حضرتك بتاخد البطاقه العسكريه و جواز السفر و البطاقه و صوره من المؤهل مش فاكر حاجه تانيه ولا لأ بس اعتقد هو كده بس و تروح بيهم التجيند , اول حاجه بتديهم الباسبور بيصوره و بعيدن بتسحب ورق كده تملاه وبعدين تقدمه و تدفع حوالى 17 جنيه و بعدين تنتظر شويه بينادوا على اسمك و يدولك الحاجات , و طبعا كل المراحل دى بالدور بناءا على رقم بتاخده من الاول خالص من العسكرى اللى على الباب و ربنا يوفقك ان شاء الله
شكرا علي الردود.......
طيب هل لازم يكون معايا الفيزا و حجز الطيران و لا لأ؟
انت بتروح مكتب التعبئة والتجنيد اللي انت تابع له..بشهادة الجيش أو الرقم العسكري لو انت مازلت في سن الاحتياط..
بس اهم حاجة ان ميكونش جالك استدعاء قبل كدا وماروحتش..
لا ملهاش علاقه , الكلام ده ممكن يكون فى الـ Interview بتاع السفاره لكن تصريح السفر مش محتاج الحاجات دىاقتباس:
طيب هل لازم يكون معايا الفيزا و حجز الطيران و لا لأ
بس تصريح السفر بيتختم على الجواز .. صح ولا ايه؟
يا اخي العزيز اولا لازم يكون معاك جواز سفر وعليه تاشيرة سفر
طبعا الي جانب البطاقه العسكريه
والمؤهل وطل اذن السفر هايطلع كالاتي تصريح سفر لمدة 6 شهور فقط وطبقا لموقفك من التجنيد والسن تحدد ما اذا كان قابل للتجديد او لأ
كل ده لايمكن معرفته الا بعد ذهابك الي مقر التجنيد الرئيسي لان كل واحد له موقف مختلف اما عن تذاكر السفر فلايوجد لها محل من الاعراب في قصة تصريح السفر
واذا كان منحقك اخذ تصريح السفر فلايستغرق اكتر من 30 دقيقه علي وجه الدقه لانني مررت بنفس تجربتك سابقا
حضرتك هتروح مركز التعبئة اللي انت تابع ليه
و يكون معاك:
الباسبور و صورة ليه و الفيزا عليه طبعا
تذكرة السفر و صورة ليها (احيانا بياخدوها و احيانا لا)
شهادة الاعفاء المؤقت و صورة منها
البطاقة و طبعا صورة منها
و لو حضرتك مسافر تشتغل برة مصر يستحسن يكون معاك اذن العمل و صورة ليه
و لما تروح هناك هتشتري نموذج اذن سفر ب 18 او 20 جنية تقريبا
هتملي البيانات اللي في النموذج و تقدمة مع الورق و هتقعد من نص الي ساعة بالكتير لانهم بيجمعوا كام تصريح كده و بيسلموهم مره واحد
ده طبعا اذا مكانوش غيروا حاجة
لاني عامل تصريح السفر ده فوق ال 15 مرة مفيش مرة اخدوا الورق زي التانية
و منهم مرة رجعت البيت عشان تذكرة السفر بالذات و في الاخر الظابط مكانش مقتنع لانها كانت الكتروني و انا طابعها علي ورقة a4 عادية بس ربنا سهلها و عدت