ايه رأيك في سواقه السيدات في مصر ؟؟؟

**kimo-nubira** · 27-02-2008 04:58 PM

من كام سنه كده لاحظنا ان فيه بنات وسيدات بتسوق كتير في مصر

منهم اللي بتسوق كويس بس اعتقد انها نسبه قليله جدا ماتعديش ال 5 % ..... !!!

ومنهم اللي ماشيه تخبط في عربيات الناس كأنها شاربه حاجه او بدور علي عربيه تخبطها !!!

ومنهم اللي ماشيه بسرعه 20 كم / س وموقفه الشارع كله ورها علشان خايفه علي عربيتها !!!

ومنهم اللي ماتبصش في مريات اصلا كأنها مش موجوده وتقوم حادفه عليك مره واحده كانك شفاف !!!

ومنهم اللي بتركن في 3 ساعات وفي الاخر تكتشف ان المكان مش علي قد العربيه تقوم واخده عربيتها وماشيه !!!

بصراحه انا كل مابشوف واحده سايقه عربيه ببعد عنها لاني حاسس انها هاتعمل حاجه غلط

هل الاحساس ده عندي لوحدي ولا عند اغلبيه الناس ؟؟

ياريت كل واحد يقولنا رايه !!!!!

**Hossam_Hassan** · 27-02-2008 08:54 PM

يا كيمو بلاش السيرة اللى تحرق الدم دى

**Dr_Mido** · 27-02-2008 09:03 PM

لا عند الناس كلها سيرة تحرق الدم
انا ممكنة اعدى وسط مقطورتين ومعديش بين واحدة ورصيف حتى لو فرق 20 متر
:dتحركاتهم مش مضمونه
ابسط حاجاه حصلت معايا قبل كدة
واحدة مديه اشارة شمال وماشيه اساسا شمال
افتكرت انه الشارع اللى الناحيه التانيه يمين يعنى وجابت الشارع من شماله ليمينه وهى مديه فلاشر شمال برضه
عادى جدا ولا اكنها عملت حاجه

:d:d:dانه بلاء على الطريق

**OlaOsman** · 27-02-2008 09:08 PM

طيب كويس ان السيرة دي اتفتحت عشان عندي كلمتين واقفين في زوري بقالهم فترة و هايحصل لي حاجة لو ما قلتهمش

شوفوا يا جماعة.. واضح ان الآراء اجتمعت على ان سواقة النساء حاجة آخر هبل و أرف و بيعملوا أخطاء كتيرة.. و في اكتر من مرة سمعت فيها من اكتر من حد من أعضاء المنتدى ان بعض الأخطاء دي ناتجة عن حقائق علمية زي مثلا ان رد فعل المرأة بيبقى أبطأ من الرجل و تقدير الأبعاد عن المرأة أقل منه عند الرجل.. يعني لو سلمنا بإن ده حاجة في طبيعة المرأة يبقى كده متهيألي الوضع هايختلف.

نيجي بأه لنقطة تانية هامة جدا و هي اني ما أظنش ان الستات مستمتعين اوي بسواقتهم في القاهرة العامرة.. و لا بتزنيق سواقين الميكروباصات عليهم و لا بضغط الأعصاب في الشوارع و لا زحمتها و لا بنظرة الرجال ليهم من سائقي السيارات على نفس الطريق.. فتعالوا نتفق ان السواقة في مصر حاجة مش ممتعة خالص.. و ده للجميع، ستات و رجالة.. صح؟

حيث كده بأه فياريت نستحمل بعض و بلاش نناطح الصخر، عشان كما تبين ان سواقة الستات بأت حاجة ضرورة و امر واقع المفروض اننا نحاول نتعلم ازاي نتوائم معاه.. ده غير ان كتر الكلام بصورة سلبية عن سواقة الستات و أخطائهم بيدي انطباع عام و حكم مسبق عليهم كلهم بإنهم فاشلين في السواقة و ده بيخلي الناس في الشارع متحفزة ضد اي ست بتسوق و لو حصل خبطة بين عربيتين احداهما قائدة السياة سيدة هتلاقي الناس على طول مغلطاها مع ان فيه احتمال و لو 1% انها ما تكونش هي اللي غلطانة.

تاني بارجوكوا.. بلاش نستمر في نغمة الستات فاشلين في السواقة دي عشان ده مش هايحل حاجة.. ده يمكن يعقد المشكلة اكتر.

**PRO-DRIVE** · 27-02-2008 09:21 PM

المشكله ان كل اللي بيسواقوا بيعملوا كدا في مصر

بس الستات عشان اقليه فبيعتبروهم "فشله"

يعني رأي اغلب الناس ان حل مشكله المرور في عدم قياده النساء ؟؟

ولا حيحل حاجه و برضه بتوع المكروباصات حيزنقوا و الناس حتاخد غرز وووووووو

مش هما المشكله

بس الحل اعتقد في التشديد علي طلوع الرخصه و يكون الاختبار حقيقي

مش اسمع من كل الناس اني لو حروح اعملها بنفسي انسي فكره اني انجح

بدون المعلوم ههههه

**MoToRiZeR** · 27-02-2008 09:27 PM

بعيدا عن الرجالة و الستات ..

نسبة قليلة جدا جدا جدااااااا من اللي بيسوقوا في مصر هما اللي بيسوقوا صح ..

يا جماعة انا اما حد بيدي اشارة قبل ما يكسر بقول و الله ده راجل محترم و لو حد معايا بقوله بص اللي قدامنا ادا اشارة قبل ما يتحرك لأن ده بالنسبة لي حدث جديد و غير مألوف طبعا ! .. ببقي ناقص انزل اخده بالحضن ! مع ان ده المفروض العادي !

فا انا شايف ان السواقة في مصر كلها ضايعة رجالة و ستات .. محدودي الدخل و مبسوطي الدخل .. ملاكي ولا ميكروباص ولا اوتوبيس ولا حتي توك توك .. ابسط قواعد القيادة مش بيطبقوها و هما سايقين !

**emadkamel** · 27-02-2008 09:42 PM

انا شخصيا مابحبش التعميم المطلق فى اى حاجه .... ماقدرش اقول كل الستات او حتى اغلبهم سواقتهم وحشه .... يعنى كل الرجاله اللى راكبين ميكروباصات وتوك توك وموتسيكلات الدليفرى والنقل العام وكتير قوى من الملاكى ... كل دول سواقتهم كويسه؟ هل يعتبروا عينه ممثله لجنس الذكوره وبالتالى الحكمم ان الرجاله مابتعرفش تسوق؟

انا شخصياً مراتى بتسوق والحمدلله سواقتها ممتازه وعاقله وملتزمه بالاشارات وكل حاجه ... ومعتمد عليها تماما فى كل مشاوير البيت وابننا لأنى خارج مصر معظم السنه

انا من رأيى بمنتهى البساطه فى "ناس" بتسوق كويس و"ناس" بتسوق وحش

**fiatmomo** · 27-02-2008 10:01 PM

المشاركة الأصلية كتبت بواسطة emadkamel

انا شخصيا مابحبش التعميم المطلق فى اى حاجه .... ماقدرش اقول كل الستات او حتى اغلبهم سواقتهم وحشه .... يعنى كل الرجاله اللى راكبين ميكروباصات وتوك توك وموتسيكلات الدليفرى والنقل العام وكتير قوى من الملاكى ... كل دول سواقتهم كويسه؟ هل يعتبروا عينه ممثله لجنس الذكوره وبالتالى الحكمم ان الرجاله مابتعرفش تسوق؟

انا شخصياً مراتى بتسوق والحمدلله سواقتها ممتازه وعاقله وملتزمه بالاشارات وكل حاجه ... ومعتمد عليها تماما فى كل مشاوير البيت وابننا لأنى خارج مصر معظم السنه

انا من رأيى بمنتهى البساطه فى "ناس" بتسوق كويس و"ناس" بتسوق وحش

كلامك مظبوووووووووط

+100000000000000000

انا فى منظر شوفتة من حوالى 3 سنين او اكتر شوية

كنت واقف مع اصحابى وشوفت بنت شابة راكبية بى ام دبليو 318( الشكل القبل الاخير ) . المهم جت علاشان تركن فانا واصحابة قولنا اية البنت الغبية دية هية مش شايفة ان عربيتها كبيرة والركنه ديقة جدااااااااااااااا ... قولنا حتركنها فى ساعة
وكانت المفاجئه

البنت ركنت العربية بجد فى زمن لا يتعدى ال7 ثوانى ... والله والله لو انا معرف اركنها بالسرعة دية .. الركنة ضيقة جداااااااااااااااااااااا والشارع كمان ضيق والعربية بردة كبيره ومع ذلك ركنت العربية جنب الرصيف طوالى ومخبططتش لا العربية الى وراها ولا الى قدامها ... ونزلت من العربية واحنا مازهولين من الحرفنة الى هية فيها .......
مشهد صعب انساه ؟؟؟؟؟؟؟؟؟ قدام .... ورا ... قدام تانى .... فتحت الباب ونزلت وقفلت ومشيت

**Powert** · 27-02-2008 10:08 PM

سواقة الستات اسواء من ساوقة سواقين المكرباص

انت تقدر تعرف امتى سواق المكروباص هيغدر بيك او على الاقل بتكون شايف ان ده مكروباص

بس الست عمرك ما تعرف هي هتغدر امتى ولا اللي سايقة دي ست ولا راجل

الموضوع: ايه رأيك في سواقه السيدات في مصر ؟؟؟

LinkBack

أدوات الموضوع

عرض

ايه رأيك في سواقه السيدات في مصر ؟؟؟ - انشر الموضوع فى :

-

-

-

-

-

-

-

المواضيع المتشابهه

مايميز سواقه البنات عن سواقه الرجاله

سواقة السيدات

الفتيات و السيدات ( الحذر )

ما رأيكم فى سواقه السيدات....!!!؟؟؟

الكلمات الدلالية لهذا الموضوع

المفضلات

المفضلات

ضوابط المشاركة