دى مش ثرقة، دا اثمه اقتباث

**sab3aawy** · 28-02-2008 10:16 PM

المشاركة الأصلية كتبت بواسطة محمد ابراهيم 1

ايه يا جماعه عبدالوهاب ده لن يتكرر وبلا شك أعظم من غنى بالعربيه وبلا شك أعظم الملحنين على الإطلاق
عبدالوهاب رمز له فضل كبير فى تطوير الموسيقى العربيه
بلاش هجوم عليه خصوصا إنه مش موجود عشان يدافع عن نفسه الله يرحمه ويحسن إليه ويرحم أمواتنا جميعا

محدش انكر فضل عبد الوهاب على الموسيقى العربية، هو له بصمته الواضحة على النمط الموسيقى العربى، كل الفكرة اننا بس بنلاحظ اقتباس من هنا او ايحاء من هناك ونعرضه، وهو شخصيا قال انه اقتبس الكثير من الأعمال الغربية

بس فعلا هو نمطه العملى وعقلية البيزنس المميزة لديه، هى التى اعطت له -الى جانب موهبته التلحينية- فضل السبق على كثير من المبدعين اللى ميقلوش عنه فى شئ بل ومنهم من يتفوق عليه، لكن هو كان بيعرف يلمع شغله ويكون علاقات وصلات تتيح له كل الفرص والحصول على تقييمات عاليه جدا لكل اعماله ، مثله فى ذلك مثل ام كلثوم وعبد الحليم حافظ

لكن عصر الناس دول كان ملئ بمبدعين آخرين لايقلون اجادة وموهبة واداء عن الثلاثى ده بس مخدوش حظهم لأسباب قد تتعلق بغياب عقلية البيزنس او معاداه الآخرين لهم او اشياء اخرى كثيرة

**aif** · 29-02-2008 11:05 AM

المشاركة الأصلية كتبت بواسطة sab3aawy

لكن عصر الناس دول كان ملئ بمبدعين آخرين لايقلون اجادة وموهبة واداء عن الثلاثى ده بس مخدوش حظهم لأسباب قد تتعلق بغياب عقلية البيزنس او معاداه الآخرين لهم او اشياء اخرى كثيرة

بصراحة العصر ده كان ملئ بمبدعين وعباقرة في كافة المجالات مش الموسيقي بس يعني حضرتك لاحظ .. الادب والشعر والموسيقي والتمثيل والمعمار .. كل المجلات .. هو كان عصر ذهبي

**electroman** · 29-02-2008 08:01 PM

و فى التلاوه الشيخ محمد رفعت لم يتكرر ..

**aif** · 01-03-2008 03:11 PM

المشاركة الأصلية كتبت بواسطة electroman

و فى التلاوه الشيخ محمد رفعت لم يتكرر ..

فيه حكمة بتقول ان القرآن انزل في مكة.. وكتب في تركيا.. وقرئ في مصر..
اعظم المقرئين علي مر العصور كانوا من مصر والحمد لله والشيخ رفعت الله يرحمة خير دليل علي ذلك وطبعا فيه كتييييير اوي معاه المنشاوي وعبد الباسط والحصري ومصطفي اسماعيل والشعشاعي ... وقائمة كبيرة اوي .. الله يرحمهم جميعا

**electroman** · 02-03-2008 12:13 AM

المشاركة الأصلية كتبت بواسطة TaoTao

100 100
القصبجي كمان له "يا حبيبي تعالى الحقني" لأسمهان ودي اعتبوها الانقلاب في تاريخ الموسيقى العربية (النقلة الفعلية من زمن اللزمات والتواشيح لزمن الجمل الموسيقية المتقنة)
محمود الشريف ده بقى عمدة، باسمعه كدة وهو رايح جاي في النقامات كأنها جنينة وعمال يقطف منها أحلى ورد، باحبله أغنية "لما رمتنا العين" عمدة بجد
بالنسبة للاقتباس أنا شايف إن مافيهوش مشكلة -مادام في حدود الاقتباس- وعلى رأي فريد الأطرش "أنا شفت فازة جميلة في بيت واحد صاحبي وعجبتني، جبت واحدة زيها في بيتي" دي قالها بمناسبة اقتباسه لجزء من مقطوعة أسبانية ع الجيتار في إحدى تقاسيمه.

و اسمهان ده رخره حكاية ... خسارة ماتت بدرى .. و لحن اغنية ياحبيب تعالى الحقنى فعلا عجيب و فيه شئ ساخر جدا افرب للمسرحيات ال Musical .. والله فكرتونا بالحاجات الحلوه ... فعلا القصبجى و الشريف و قبلهم ابو العلا محمد و الناس ده ما خدوش حقهم .. ذكاء
عبد الوهاب قدر يركز الاضواء حوالين نفسه .. و القصبجى نفسه فى ناس ما تاخدش بالها انه ملحن رائع مش بس عواد اسطى ..

الموضوع: دى مش ثرقة، دا اثمه اقتباث

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة