الموضوع: دى مش ثرقة، دا اثمه اقتباث

جامده جدا
دي سرقه عيني عينك

المشاركة الأصلية كتبت بواسطة ams

انا اقتبست كلامك يا ابو السباع على u tube

,كدة طبعا من حقك تقول ان نقلك لكلامى ماهواش ثرقة لأن ده إثمه اقتباث :)

انا طبعا بهزر معاك وشكرا جدا انك كتبت مصدر المعلومة فى تعليقك على اليوتيوب

المشاركة الأصلية كتبت بواسطة aif

هي طبعا متشابهه بنسبة كبيرة لكن عبد الوهاب مغير فيها شوية علشان تبقي اقتباس مش سرقة زي ما سيادته قال .. لكن فيه مقطع من الموسيقي بتاعت اغنية فكروني لأم كلثوم وهي من الحان عبد الوهاب متطابقة مع موسيقي لرقصة فلكلورية روسية برضة لكن بنسبة 100 % بدون اي تعديلات - الموسيقي اللي بتقول بعدها ام كلثوم يا حبيبي حياتي بعدك مستحيلة لكن انا مش عارف اسم الموسيقي الاصلية ايه .. اللي عرفني كدة اني كان عندي ساعة زمان فيها موسيقات كتير دي كانت احدها ح احاول اعرفها من النت

عارفها تماما ، وبرضه من الحاجات اللى لاحظتها بس للأسف مش عارف اسمها، هى كل من الرقصة الروسية وموسيقى عبد الوهاب مكونة من اربعة مقاطع والأربعة مقاطع بيتكرروا اربعة مرات، وفعلا المزيكة الروسى دى كانت بتنزل فى الساعات الكاسيو الرقمية زمان (كانت مزيكة المنبه اللى بيضرب يوم الجمعة) ، وبعرف اعزف هذة وتلك على الأورج ، وبرضه عبد الوهاب مغير حجاجة بسيطة أوى فى الإقتباس ده، بس للأسف الأسماء مش حاضرة فى دماغى

ايه يا جماعه عبدالوهاب ده لن يتكرر وبلا شك أعظم من غنى بالعربيه وبلا شك أعظم الملحنين على الإطلاق
عبدالوهاب رمز له فضل كبير فى تطوير الموسيقى العربيه
بلاش هجوم عليه خصوصا إنه مش موجود عشان يدافع عن نفسه الله يرحمه ويحسن إليه ويرحم أمواتنا جميعا