منقول : تهشم سيارة مواطن حاول تجاوز موكب السفيرة الأمريكية!

**Dr Ahmed** · 25-07-2010 07:19 PM

المشاركة الأصلية كتبت بواسطة Ralliart

الصورة دى لا يمكن تكون بتاعة الخبر
دى عربية انداست بتريلا مش طلعت على الرصيف
علشان كده مستبعدش المبالغة وتكون العربية مجرد عربية سيراتو ومقصاتها اتكسرت

**moustafaemad** · 25-07-2010 07:36 PM

هو بالعقل كدا د منظر عربية حد ينجو منها من غير أي ضرر !!

**Ahmed Selim** · 25-07-2010 07:56 PM

ده عادى من حرس اى سفير...........حتى لو سفير السنبلاوين

و حصلت مع واحد صاحبى قصة مشابهة بس خبطوله العربية بتاعته و نزلوا أخدوا الرخص و كتبوا النمرة من على اللوحة و نطوا ركبوا عربية الحراسة تانى و مشيوا فى 30 ثانية

و بعد 3 ساعات كلموه على تليفون البيت ( قبل ما يبقى فيه موبايلات ) علشان يروح يستلم الرخص و رحت معاه و هناك الأمن قالوله لو عاوز تعمل محضر و تطالب بتعويض مفيهاش مشكلة و السفارة هتدفع..............بس هو مرضيش

**mahmoud_afifi** · 25-07-2010 07:58 PM

من غير زعل بس شكله كان فهلوي من اياهم

**NFS** · 25-07-2010 08:23 PM

المشاركة الأصلية كتبت بواسطة Hossam_Hassan

كان هيحصلى نفس الموقف بس مع موكب باشا فى المرور ممشى مع عربيته اللى الحكومة شارياها من الضرائب اللى بادفعها موتوسيكل لزوم الوجاهة و علشان يفتحولوا الطريق، اساسا مكنتش واخد بالى علشان شكله مش موكب اساسا، العربية كانت بيجو تقريبا، المهم الطريق واسع، جيت اتخطى من الشمال لقيت اللى راكب الموتسيكل بيحدف عليا و بيشاور علشان اهدى، مش عارف ايه خلانى اخد الموضوع بضحك، ساعتها كان فعلا منظر مضحك و محزن، بجد صعب عليا البتاع المريض اللى مستعجل انه يعيش الدور، المهم طلعت فى دماغى و رحت هديت و فضلت ماشى وراه و شغلت الانتظار و بيب بيب زى ما اكون بازف عروسة و فجأة لقيت شاب روش فى عربية ملاكى جنبى تقريبا شاف الموقف و اشتغل هو كمان بيب بيب و شغل الانتظار و فضلنا زافين الباشا من اول وزارة الزراعة لغاية مرور الدقى بالرغم من ان امين الشرطة اللى على الموتوسيكل و سعلنا علشان نغور، بس بجد كأننا مخططين ليها و فضلنا نغلس عليه، و لما ركن و عديت من جنبه بصيتله بقرف و مشيت، خلى نقصه ينقح عليه زيادة.

موقف جامد موت

**cayman69300** · 25-07-2010 08:57 PM

السلام عليكم يا رجالة
الحاجة الاولى : حاسس من الصورة ان العربية دى امريكى مش سيراتو
و الحاجة التانية : الصورة دى مش فى مصر لان الجو حولين العربية مفهوش تراب و غبار و عفارة
الحاجة الثالثة : العربية دى عدى عليها قطر سكة حديد و يكون بضاعة كمان لانها مش ممكن تكون دى خبطة رصيف . و اللى جواها " الفاتحة على روحة " كان راجل طيب و الله يرحمه
دة تفسيرى على الصورة
و الله اعلى و اعلم

**Dojuar** · 25-07-2010 10:01 PM

في حاجة تانية ممكن تكون سبب

انو ميكونش عارف ان ده موكب, أو يكون سرحان في حاجة و لاقى عربية بتكبس عليه من ورا

راح شاتم او على صوته

في ناس طيبة متعرفش يعني ايه موكب و بتبقى ماشية في حالها لا يمين ولا شمال

المفروض يبقى في تحذير الناس كلها تفهمه

مش بالطريقة اللي بتحصل الايام ديه