منقول : تهشم سيارة مواطن حاول تجاوز موكب السفيرة الأمريكية!

**karaktar** · 25-07-2010 03:33 PM

قطع الحراس الأمريكيون لسفيرة الولايات المتحدة الأمريكية في مصر مارجريت سكوبي الطريق على سيارة مواطن مصري ما دفع بسيارته إلى أعلى الرصيف وتسبب لها في تلفيات في الوقت الذي نجا فيه المواطن من الإصابة بأي أذ‏ى‏.

وذكرت صحيفة "الأهرام المسائي" الأحد الواقعة بالتفصيل ، إذ كانت سكوبي قد تفقدت مخازن المعونة الأمريكية في منطقة زهراء المعادي وخلال عودتها لمقر السفارة في جاردن سيتي بمرافقة طاقم حراستها الأمريكي‏ حاول أحد المواطنين بسيارته الملاكي تجاوز موكب السفيرة.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق‏!!

-------------

**Samir Elshahawy** · 25-07-2010 03:38 PM

دي بقي البلطجة الامريكية في شوارع مصرية
أنا لو منه ... أرفع قضية فورا علي السفارة الامريكية و قضية تانية علي السفيرة نفسها و مش بس هنا لأ في امريكا كمان

**ahmed88hassan** · 25-07-2010 03:43 PM

اكيد هيطلعوه في الأخر غلطان
ده لو مكنش هوه استرخم وصمم انه يتخطاهم بالعافية لأن اساسا الحالات اللي زي كده بيبقي الموكب ده بيجري في الطريق مش ماشي بقي متسلطن وبتاع زيينا
فـ اكيد هوه حب يعمل نمرة عليهم

**Dojuar** · 25-07-2010 03:55 PM

المشاركة الأصلية كتبت بواسطة karaktar

‏.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق‏!!

تحس ان Jason Statham هوا اللي كان سايق!!!

ودول عربياتهم ايه...مصفحة من اولها لاخرها يعني لو مخدش باله كان زمانه اتعجن

**Ahmed Samy** · 25-07-2010 04:10 PM

هو اللي خبط دماغه في الحيط و فاكر انه مش هايجيب دم

ولما يقدر يتواجد في شارع واحد مع موكب رسمي مصري يبقى يرفع قضية على موكب السفيرة اللي كتر خيرها سابته يمشي وراها

ده واحد مش عارف مصلحته ..ما يمشي في حاله هو الموكب يعني معمول و العربيات و الحرس جايبينهم علشان يسيبوا أي حد يعدي جنبهم و يكلكس ....ما كان ياخدهم غرزة بالمرة

**zakiali** · 25-07-2010 04:10 PM

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

**karaktar** · 25-07-2010 04:21 PM

المشاركة الأصلية كتبت بواسطة zakiali

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

بصراحة تعليق فى الجون

**karaktar** · 25-07-2010 04:22 PM

بس يجماعة تحسو ان مبقالناش قيمة فى اى بلد حقيقى المصريين بيتمرمطو فى كل حته وحتى فى بلدهم مايقدروش ياخدو حقهم

**M.Osama** · 25-07-2010 04:23 PM

هوا اللي غبي ويستاهل اللي جراله

خلاص يعني ضاقت بيك عاوز تتخطي موكب السفيره وسفيرة امريكا كمان يعني قلق ما بعده قلق

دا قافلين الشارع اللي رايح للسفاره دا اقل واجب انهم زنقو عليه بس مبلغوش عنه

**Ralliart** · 25-07-2010 04:55 PM

قطع الحراس الأمريكيون لسفيرة الولايات المتحدة الأمريكية في مصر مارجريت سكوبي الطريق على سيارة مواطن مصري ما دفع بسيارته إلى أعلى الرصيف وتسبب لها في تلفيات في الوقت الذي نجا فيه المواطن من الإصابة بأي أذ‏ى‏.

وذكرت صحيفة "الأهرام المسائي" الأحد الواقعة بالتفصيل ، إذ كانت سكوبي قد تفقدت مخازن المعونة الأمريكية في منطقة زهراء المعادي وخلال عودتها لمقر السفارة في جاردن سيتي بمرافقة طاقم حراستها الأمريكي‏ حاول أحد المواطنين بسيارته الملاكي تجاوز موكب السفيرة.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق‏!!

انا حاسس بالعجز ومش عارف اعلق على الخبر

الموضوع: منقول : تهشم سيارة مواطن حاول تجاوز موكب السفيرة الأمريكية!

LinkBack

أدوات الموضوع

عرض

منقول : تهشم سيارة مواطن حاول تجاوز موكب السفيرة الأمريكية! - انشر الموضوع فى :

-

-

-

-

-

-

المواضيع المتشابهه

موكب الرئيس يتحدي موكب الـ 30عام

قوائم مقاطعة المنتجات الأمريكية و الصهيونية ( منقول للإفادة )

شرح علمى مبسط جداً لأزمة المال الأمريكية (منقول)

الكلمات الدلالية لهذا الموضوع

المفضلات

المفضلات

ضوابط المشاركة