-
الصيانة الدورية للانوس
السلام عليكم
انا لسة مشتري عربية لانوس 2009 عاملة 32000 كيلو
ودي اول عربية اشتريها في حياتي
مش عارف ايه اللي لازم اعمله صيانة دورية وازاي وفين وكل قد ايه
انا كل اللي عملته في العربية لحد دلوقتي
غيرت زيت وفلتر زيت
غيرت البطارية خد القديمة كان فيها ربع بايظ وجبت الجديدة وفعت فرق 170 جنيه
مشعارف اعمل ايه بعد كده عشان ماتفجأشي بمشكلة كبيرة في العربية نتيجة اهمالي
وشكرا جزيلا
-
اسف العربية 2007 مش2009 وهيه كاملة مانيوال
-
غير جميع السيور
كاتينة / مكيف / دينمو / باور
فلاتر
هواء / بنزين
-
اهم حاجة سير الكاتينة غيره فورا و تابعه بعد كده كل من 30000 الى40000 يتغير
و زى ما قال الاستاذ خالد الفلاتر (بنزين و هواء) غيرهم برضه و بعدين غيرهم كل من 15 الى 20 الف
و الزيت لو حتحط مخلق يبقى 10 الى 15 الف هو و الفلتر
لو عادى زى xhp يبقى 5000 مع الفلتر
و اكشف على الكاوتش كويس و لازم كل 10000 تبدل اماكنهم و كل اسبوعين تظبط ضغط الهواء على 32psi و هو بارد سواء صيف او شتا
-
عند 50000 غير سلك بوجيهات و غير بوجيهات و ابقى غيهم كل 50000
اوعى تسيب البنزين يقل عن الربع
اوعى تركن العربية فى الشمس و تكون سايب مفتاح وضع هواء الكابينة على الوضع الداخلى لحسن الازاز يطرشق
اركن و خلى العجل عدل تطول عمر كاوتش الكبالن
و انت فى الملفات الحادة دوس دبرياج تطول عمر الكبالن
لما تيجى تدور دوس دبرياج تطول عمر البطارية و المارش
اوعى تغسل الماتور بالميه
-
اولا الف شكر علي الردود
ثانيا انا كنت عاوز اعرف اغير السيور والفلاتر دي عند مين وهتتكلف في حدود كام
معليش دي لسة اول عربية ومعرفشي في الميكانيكا خالص استحملوني
وشكرا مرة تانية علي الردود
-
متغيرش فى السيور غير سير الكاتينة و ده تقريبا فى حدود 40 ج
فلتر الهواء ب 20 ج
فلتر البنزين ب 30 ج
طبعا الاسعار تقريبية
و المصنعية تقريبا 50 ج ( علشان السير - لان تغيير الفلاتر ببلاش )
عند مين انا معرفش بس اكيد الزملاء يفيدوك بس قول الاول انت منين
-
انا من فيصل وعند مين مقصدشي حد معين لكن هل كهربائي وﻻ ميكانيكي كده يعني طبعا لو في حد كويس قريب مني ياريت تقولولي
-
Content Relevant URLs by
vBSEO 3.6.0 PL2