انا مستغرب جدا ليه الناس بتشترى النيسان صنى و بتسيب رينو سكالا؟؟؟

**hon** · 25-07-2010 10:41 PM

السلام عليكم ورحمه الله وبركاته
أحب أبعت تحياتى لقسم نيسان وملاك الصنى وأنا أول مرة أكتب هنا
ومعجب جدا بالنيسان الصنى بعلوها عن الارض وعفشتها الجامدة وموتورها الممتاز ربنا يباركلكم فيها
وعلى فكرة الجرايد كل يوم تكتب عن توكيل أوروبى مبيعات سيارة عندة بطيئة جدا ومش عارف يبعها ازاى
واضح انو رينو وموديل أسكالا فعلا دى تعتبر سقطة من التوكيل
عشان لية تنزل عربية وتبعها على أنها نيسان والنسيان أصلا موجودا وجود ممتاز وبيع وانتشار رهيب
وبعدين سكالا مش محصلة لا فرنساوى ولا يابانى ولا تركى وبيقول عليها كورى والله اعلى
من الاخر نيسان صنى هى الاصل وشكرا

**aif** · 25-07-2010 10:57 PM

ممكن يكون اجابة سؤالك عندي يا باشا
انا اعتبر محايد تماما
يعني عمري ما اشتريت رينو ولا اشتريت نيسان ... ولا اعتقد اني ممكن اشتريهم يوما ما .... يعني ماليش اي مصلحة
...
لكن انا كل يوم باشوف عشارت السيارات النيسان وباسمع اسم الصني كل 10 دقائق تقريبا
لكن ان بصراحة اول مرة اعرف ان فيه رينو سكالا الا دلوقت ... يمكن ده قلة اطلاع مني ..... لكن برضه لو العربية لها سمعة في السوق كنت ح اسمع عنها او اشوفها ماشية في الطريق ولو صدفة
اعتقد الاجابة عن سؤالك هو التوكيل و الانتشار وسعر اعادة البيع وسعر قطع الغيار وسعر الصيانة في التوكيل .... يعني كل حاجة في صالح الصني ..... يبقى السؤال بقى ..... ليه اشتري عربية عمري ماسمعت عنها في السوق المصري لما قدامي عربية منتشرة وناجحة بكل المقاييس وتحمل ماركة ياباني عريقة لا يختلف عليها اثنان ؟؟؟؟

**Bishoy.Girgis** · 26-07-2010 01:59 AM

انا شرائي الاساسي للعربية و بضراحة متناهية الوكييييييييييييييييييييي يييل في المقام الاول و بعدين اخترت العربية اللي فعلا تتناسب معايا و مع اسرتي
و بعدين لو فرضنا اننا هنشتري العربية زي ما احد الاعضاء بيقول عشان شكلها زي النيسان الخليجي يبقي فين بقي قيمة العربية و لا هنعمل زي الناس اللي بيروحوا يشتروا مثلا مثلا سيراتو عشان الشكل و خلاص

**محمد ابراهيم 1** · 27-07-2010 12:15 AM

أظن إن ده عقاب من ربنا
علشان توكيل رينو كان عايز يقاسم نيسان مصر فى رزقها

**digi_7E** · 27-07-2010 01:19 AM

المشاركة الأصلية كتبت بواسطة محمد ابراهيم 1

أظن إن ده عقاب من ربنا
علشان توكيل رينو كان عايز يقاسم نيسان مصر فى رزقها

اصلاً الصني الحديثة في الخليج (السكالا) فاشلة هناك فشل زريع و محدش بيشكر فيها و الكل اجمع ان الموديل اللي يتم تجميعه في مصر احسن منه بمراحل

مكتوب على علامة رينو الإقتران بالفشل في مصر و عدم الإعتمادية