محتاج رأيكم علشان ازبط bmw e21 1600 cc
محتاج رأيكم يا رجالة فى تزبيطظ ميكانيكا و كهرباء ال بى ام e21 عايز احس انى راكب عربية
مشاكل العربية :
الفتيس تعبان جدا حتى مش ثابت فى مكانة و ساعات بيعلق
العربية بتسخن لما بسافر بيها الدهر
العربية عيبها بتاكل بنزين كتير شوية عن المعتاد على ما اعتقد
ضيقة اوى من جوة
الفرامل تعبانة اوى بس مش متاكلة مش فاهم اللى فيها
العدادات مش شغالة خالص بتنور بس لكن مش شغالة
التابلوة بتاعها زبالة متشقق و متاكل و حالة تصعب على الكافر اللى يشوفها ممكن يفكر فى ان 28 احلى منها
الريداتير معرفش بقى لو فية عيب ولا لا لانى مش بفهم فى العربيات جادة ازاى اعرف و لو طلع فية اية اعمل اية
الكربراتير برضة معرفش عنة حاجة
عايز اركبلها شداد جامد العربية طويلة و بتعوم فى الملفات لو على سرعة عالية
دواسة البنزين اخرها ف الدوس اتنين سنتى لو نزلت عن كدة الموتور بيطلع صوت جامد صوت حرق حاجة كدة و بحس انى مش بستفاد بالسرعة اوى بعد ال 2 سنتى دول غير انى بحرق بنزين الكلام دة حتى لو على اعلى غيار اللى هوا الرابع
عايز ازبط الكلام دة انا عالعموم ممكن اروح بورسعيد و فى نفس الوقت معيش اكتر من 3 الاف عايز اقدر اعرف الحاجات المهمة يعنى انا بفكر فى تابلوة و فتيس الاول و موضوع السخونة لو ينفع معاهم اية تانى علشان احس انى راكب عربية دة لو الفلوس تكفى يعنى و انا من مدينة نصر عايز اعرف ميكانيكى كويس قطع غيارة نضيفة و مش غالى يعنى يعنى ارخص واحد عندة حالة نضيفة و يكون ثقة حد اتعامل معاة و مبسوط منة لانى العربية دى عايزاة حد يفهملها جامد من كتر اللى اتعمل فيها علشان نعرف نصلحها صح
عالعموم انا عايز ازبط اداء كويس و ممكن اعمل الباقى بعدين ش لازم كلة مرة واحدة يعنى ممكن كل شهر اعمل حاجة بس دلوقتى عايز اعرف الاولويات و اسعارها و لو بورسعيد هتبقى ارخص لانى رايح هناك مخصوص عشانها
يعنى لو حد يعرف حد فى بورسعيد سواء بقى قطع غيار ليها او ميكانيكى ليها اكيد ميكانيكية بورسعيد افضل بكتير من بتوع مصر ياريت النصيحة بقى و انا اسف انا تقلت جامد اوى يعنى بس استحملونى ياريت
