مرة كان واحد راكب بي إم الفئة الخامسة وماشي جنبي وفجأة راح فاتح الشباك بتاعه رمى كيس معرفش فيه إيه .. بالصدفة كان في إيدي منديل كنت عامل فيه الواجب خصوصا إني في الوقت ده كان عندي برد كمان ... مع فوران أعصابي من اللى عمله رحت من غير تفكير رامي المنديل اللى في إيدي جوة عربيته قبل ما يلحق يقفل شباكه ورحت باصصله مستنيه يكلم ..
طبعا البيه مش عاجبه وبيبصلي بقرف قوي .. قلتله بطل ترمي الزبالة بتاعتك في بلدي وأنا مارميش حاجة في عربيتك ورحت ماشي وسايبه
أنا ساعات بحس بندم على اللى عملته وأقول مش من حقي حتى لو هوة عمل إيه .. بس بصراحة إستفزني جدا لإنه عملها قدامي وهوة عارف إني شايفه وواقفين جنب بعض ببجاحة منقطعة النظير
المفضلات