امبارح كنت رايح مشوار وفي ميدان عام عندنا في دمياط لقيت لجنه مرور منصوبه .طيب انا ماشي علي رجليا ..المهم اللجنه واقفه علشان تمسك الموتوسيكلات الصيني اللي طبعا اغلبها مالوش ورق ولا رخص وبيعمل بلاوي .الغريب في البموضوع (المضحك) ان امناء الشرطه ماسكين في ايديهم ريموتات كونترول (ماستر) يشغلوا معظم المكن الصيني ويطفوه .لان معظم المكن الصيني نازل كده دلع يشتغل بالريموت ويفصل وتسمع دعاء الركوب ....اللي بيحصل ان الامين يطفيء الموتوسيكل عن بعد فالموتوسيكل يبطل وصاحبه يحاول يدوره والامين يطفي لغايه مالموتوسيكل يلعب في ايده ويقع يقوم الامين ماسكه من قفاه :049:والناس اللي بتتفرج كلهم بيضحكوا زي مايكونوا في مسرحيه :lurk5:..