الموضوع: بالساجا..... رحله من القاهره الى مرسى مطروح ... ثم العوده للقاهره سالما بحمد الله

الحمد لله يا أستاذ أحمد أنك أستمتعت بالرحلة .
بس نفسي أفهم ........ ليه الناس تقول على عربية معينة مش هاتستحمل السفر ؟؟؟
عربيات زمان غير عربيات دلوقتي ........



دام العربية بتتحرك و دائرة التبريد شغالة كويس ........... يبقى كله تمام إن شاء الله .

الف حمدلله ع السلامة

والساجا رائعة .. برضوا

انا مسافر ان شاء الله برضوا مطروح يوم الخميس

بس بعربية والدي باجيرو علشان جينا لسة ماترخصتش ولسة ماتعودتش عليها كويس

بس سؤال هو الطريق 450 رايح و 450 جي ؟ صح

ياخبر 12 ساعة سواقة اصلي رايح وهارد في نفس اليوم ..

المشاركة الأصلية كتبت بواسطة ahmedfathi

السلام عليكم ورحمة الله وبركاته
اولا انا كنت متردد جدا قبل السفر بالساجا حبيبتى الى مطروح نظرا لطول المسافه وكمان انا لسه جديد فى السواقه بقالى اقل من 5 شهور فقط:u_thin1[1]:

وناس كتير قالتيلى بلاش تسافر بالعربيه وان العربيه ما تستحملش المسافه دى مره واحده ولازم تريحها اربع خمس مرات فى السكه وكلام من ده

انا قلت فى نفسى هما ليه مستقلين بالعربيه كده وقررت التحدى . تحدى ليا انا شخصيا انى اسوق لمسافه 450 كليو من غير ولا رست وتحدى للعربيه انها تقطع المسافه دى مره واحده من غير ما تستريح

العربيه كانت عامله قبل السفر يوم الخميس 15/7 بالضبط 5050 كليو روحت عملت صيانه ال 5000 وضبطت الدنيا فى العجوزه وروحت عملت ضبط زوايا واتزان وقمت رايح مركب شبكه سقف من شارع دمشق طبعا بعد استشاره كلا من استاذ عمرو ومحمد عماد لهم جزيل الشكر( هى مكلفه جدا بس الصراحه نفعتنى جامد جدا جدا )

بعد كده وديت العربيه تتغسل بره وجوه غسله تمام واخدت دوش حلو . بقت عروسه فعلا ( شكرا بردو لمحمد عماد انه جابلى عرض كويس)
بعد كده روحت ضبطت ضغط كاوتش وفولت بنزين وروحت نمت بعد يوم عمل شاق جدا فى تجهيز الساجا للسفر

استيقظت فى الرابعه فجرا جهزت الشنط فوق الشبكه دا غير الشنط اللى فى الشنطه بتاعة العربيه والناس ركبت( والدى جنبى ووالدتى واخواتى الاتنين ورا على الكنبه) العربيه يا جماعه كانت complete

صليت الفجر وانطلقت فى تمام الخامسه فجرا بتوقيت مدينه المرج ( على راى احمد معوض) اخذت الدائرى ثم المحور ثم الصحراوى وطبعا القيت السلام على عمو عز وانا ماشى وفرحت جدا لما لاقيتو معلق اعلان للساجا كبير كده ومنور وقولت لوالدى عربيتى اهى عربيتى اهى:10d5c8w1107:

طبعا نظرا للحموله اللى العربيه كانت شايلاها بره وجوه ونظرا بردو لانى معرفش اماكن الرادارات بالضبط كنت ماشى على السرعه القانونيه 90 - 100 الصراحه الطريق حلو جدا ومغرى جدا خصوصا طريق العلميين وكمان انا كنت مشفق على العربيه بس كنت واثق انها ادها وادود واخدت الطريق كله مره واحده وكل شويه ابص على عداد الحراره ومنتظر ان الشرطه الرابعه تيجى عشان اقف اريح العربيه لكن الحمد لله ما جتش وفضلت ماشى لحد ما وصلت مطروح بالسلامه فى 6 ساعات بالتمام والكمال ما وقفتش غير مره واحده لمده 3 دقائق وانا بفول العربيه من بنزينه التعاون اللى فى اخر طريق العلميين مع ان الساجا كان فيها بنزين يكفينى لحد ما اوصل لكن قولت عشان ابقى ماشى وانا مطمن

والحمد لله قضيت احلى اسبوع مصيف عشان لاول مره انا وسوسو نبقى مع بعض فى المصيف لفيت بيها مطروح كلها روحت بيها عجيبه وكليوباترا والابيض والغرام وشاطىء روميل والرميله وعلم الروم وابو حشيش والبسيط وشارع اسكندريه وصليت فى مسجد العوام وكنت بفكر والله اروح بيها واحة سيوه وكنت مخطط لكده بس الوقت سرقنى وما لحقتش

الصراحه الساجا شالت هناك كتير ورفعت راسى وسط العربيات اللى كانت موجوده هناك مع اقاربى
وكان نفسى اشوفها هناك بس للاسف ما شوفتهاش لكن اللى شوفته كتير هما الجين 2 والواجا كتير وكان تلات ترباعهم ملاكى اسكندريه ( مش عارف الاسكندرانيه احتلوا مطروح ولا ايه هههههههههه انا بهزر طبعا)

والحمد لله رجعت اول امبارح بالسلامه فى نفس الطريق ونفس الحموله ووالدى كان مبسوط جدا جدا من الساجا لانها رحمتنا من بهدله التاكسيات فى مطروح وحس ان الفلوس اللى دفعها فيها ما رحتش هدر وروحت شيلت
الشبكه وركنت العربيه وروحت البيت وحطيت راسى على المخده ونمت نوم عميق بعد اسبوع عناء ولف وفسح وجرى وتنطيط

وشكرت ربنا على النعمه اللى هو رزقنى بيها ( اللهم لك الحمد)

طبعا كلنا ثقة في الساجا الغالية أنا برضه لسة دابب مشوار 400 كيلو بيها للساحل و تمام التمام
بالمناسبة انا في المرج و انا ماشي بيها بابقى نفسي أقابل أختها انتو بتمشوا بيها فين انت و د معوض ؟؟؟؟؟؟؟؟؟؟؟

ربنا يبارلك فى العربيه

الساجا عربيه محترمه وتستاهل كل جنيه فيها راى

بس اخبار التكيف ايه معاك كنت مشغله ولا لا وهو تكيفها حلو