معلش هوه اه اللى يخلى عربيات زى ده ما تنتشرش؟؟؟؟؟

لو ان قطع الغيار وعلاقه تواجدها هيه انتشار السياره من عدمها ........اه اللى يخلى العربيات ده ما تنتشرش
1:البونتو ايفو لما تكون عربيه زى ده بالشكل ده والامكانيات ده ووسائل الامان اللى فيها وقوتها ومتانتها واسمها العريق عبر السنين وبسعر 90 الف للمانيوال الفول اوبشن يعنى بتمن عربيات كتير كسر عندنا

2:الفورد فيستا ...عربيه المانى بالكامل ووسائل امان ورفاهيه وخلافو واسم عريق وسعرها 120 الف يعنى بتمن السيراتو مع احترامى ليها بس هيه احسن الف مره

3:المازدا 3 لما تكون احسن من كل اللى فى رينجها وبسعر 135 للاوتو

وعربيات تانيه كتييييييييير ......................مش عرف حد يرد عليه

اقتباس:

---

3:المازدا 3 لما تكون احسن من كل اللى فى رينجها وبسعر 135 للاوتو

---

عربيه ممتازه و هتبدأ تنتشر قريب بعد ما بقي ليها توكيل رسمي في مصر

اقتباس:

---

2:الفورد فيستا ...عربيه المانى بالكامل ووسائل امان ورفاهيه وخلافو واسم عريق وسعرها 120 الف يعنى بتمن السيراتو مع احترامى ليها بس هيه احسن الف مره

---

طبيعي انها ما تنتشرش
لان سعرها غير طبيعي بالمره

يا باشا العقليه المصريه الفقيقه دائما بس عارف انا بسنبالى مش عايزه تنتشر عشان لما تنتشر مش هيبقى ليها طعم الاوروبى و الامريكانى لما الحاجه تكون قليله افضل من المنتشره دائما وعلى الاقل هتكون مميز وانت ماشى فى الشارع محدش شاف العربيه قبل كده محدش شاف امكانياتها امال عربيه زى الكيا سيراتو واحترامى برده ليها بس خلاص بقيت عادى دلوقتى اول لما نزلت عملت قلبان بس دلوقتى بقت عادى جدا ومش مميزه خالص امال الفيات و فورد و امازدا ليهم طابع خاص حتى فى المازدا بعيد عن الكورولا و النيسان عربيه ليها طابعها الخاص كده ياعنى لما تشوفها بين الاتنين قلبك بيروح ليها

وعلى فكره الفورد مش الى سعرها غير طبيعى ديه العربيات كلها فى مصر غير طبيعى

عارف لو مفيش جمارك فى مصر اقل عربيه هتكون فى الشارع هتكون الكورولا

وعارف لو مفيش جمارك مش هيبقىمفيش عربيه اسمها سيراتو على وجه الارض المصريه اصلا مش هتلاقيها عربيه تمانها زى الفورد الفوكس و المازدا 3 و الكورولا و السيفيك وعربيات كتيييييير مين قداموا الاختيارات ديه و يجيب سيراتو ده كفايه الفورد فوكس
و هتلاقى سعر الجيتا قرب منهم وهتلاقى الجولف 1400 ال 160 حصان تربو ماتور tsi دخل ابقى قابلنى هتلاقى السيراتو كده ماشيه وكل احترامى لملاكها بلاش بس يلى مفيش فايده

الفورد فيستا سعرها 13 الف $

ياعنى 71 الف جنيه بتمن الانوس يا حلاوه يا جدعان احنا نعمل اعتصام امام مجلس االشيوخ ونجرى ورا عم يوسف بتاع العجل عشان مزود علينا تمن البلفات

على فكره البونتو سعرها نازل بس عشان الجمارك منخفضه على السيارات الاوروبيه لو كده هتبقى بتمن الفيستا
وحضرتك نسيت اهم عربيه سيات ابيزا

اظن صعب الاجابة علي سوالك . لان انا كمان مستغرب جدا من السوق المصري .
طيب اية رايك في عربية بتتباع بقالها 10 سنين ولسة الناس بتشتريها (اللانوس)

للاسف الحاله الاقتصاديه هي السبب في الاحجام عن كتير من الماركات لاني ببساطه لو معايا 100 اكيد هشتري لانسر لاني في المضمون وكذلك امثله كتير

و السيات ابيزا و الليون....نفس الكلام....

المشكله تكمن في عقليه ومخ المواطن المصري الي بيعتمد في الاساس على الكلام اللي بيتقال والفتي اللي المصريين اساتذه فيه من غير ما يشوف بنفسه ولا يجرب ... انا اعرف اكتر من 5 اصحابي اشتروا عربيات بالطريقه دي من غير حتى ما يخشوا على النت ويشوفوا الريفيوز اللي عليها فمبالك بالناس الكبار في السن


الفورد فيستا ....... عربيه هاااااااايله واكتر من راااااااااائعه وسعرها معقووووووووووول جدا لكماليتها ومحققه مبيعات رهيبه في اوربا وامريكا .. ومحدش عاب عليها والناس بره مبهورين جدا بيها وبصراحه العربيه تستاهل .. هي محتاجه شويه دعايه وعروض علشان تنتشر ويمكن نلاقي ناس بتفهم تشتريها

ولا عمرها هاتنتشر

ثقافة السوق
كلام القهاوي المرسل
اتباع نصيحة جدتي بتاعة اللي تعرفه احسن من الحلو اللي ماتعرفوش
تخلف من الاخر
الفولفو اس40 ب 185 الف
السيتي ب 114الف
اللينيا تربو ب 95الف يا عالم يا متخلفين )مع احترامي للجميع دي مش شتيمة ده واقع بلد )

المشكله فى التفكير السلبى المتبع
والحاله الاقتصاديه..

سلام عليكم
انا مش هانكر ان العربيات المذكورة جميلة جدا
لكن عندنا هنا عفريت اسمه اعادة البيع .. كل واحد فينا بيشتري عربية بيبقى نوع من اتنين

يا اما دي عربية زيادة , يعني عنده اصلا غيرها و مبلغ العربية بالنسبة لامكانياته مش مبلغ كارثي يعني
يا اما دي عربيته الخاصة الوحيدة , يعني لو اتزنق في فلوسها لأي سبب ( و ده في بلدنا شيء وارد جدا لأن ماحدش ضامن نفسه ) يعرف يبيعها بسهولة و ما تخسرش كتير

عشان كده تلاقي العربيات الأوربي الكبيرة مع اللي يقدر عليها , و الصغيرة مع اولاده , و الكوري و الكلام ده ( اللي قطع غيارها رخيصة فاعادة بيعها مش بتخسر كتير ) مع اللي حوش القرشين بالعافية ( حتى لو اكتر من 100 ألف بشوية ) و ده يا اما بتبقى عينه على العربية الأوربي بس مضطر يخليه في المضمون , يا اما محتاج عربية كبيرة (على أساس انها الوحيدة) و فلوسه ما تجيبش غير عربية أوربي صغيرة فبيجيب الكبيرة , يا اما مش فاهم حاجة و ماشي ورا كلام الصنايعية , اللي هما هايصبوا في نفس الخانة السابقة

يا باشا خلى الناس تشترى الكورى مع نفسهم والى بيفهم يشترى النضييف بقى هو فيه حد بيشترى عربيات كورى فى اوروبا

انا معتقدش خالص
اهيه يالا يا عم هيصوا الامريكان مظيتين الدنيا مدين السيراتو 6 نجوم امان من اصل 5 يلى محدش قدكم افرحوا هيهيهيهيهيهيهيهيهيه

انا شايف ان اكتر ناس بيفهموا فى العربيات اوروبا

و كمان سياسه التسعير و الجمارك و الضرايب مخليين الكامرى الى عامله زى الفيرنا فى دول الخليج ب 527 الف جنيه ياعنى بتمن الاودى r8 و الفا روميو و البورش ربنا يرحمنا من الجمارك

نسيت الاودى و السيات و الفيات ( تحديدا ) عربياتهم ممتازه وبسعر معقول .

حرام عربيات زى برافو - ليون وابيزا يكونوا بالانتشار الضعيف ده .

المشكلة ان الحالة الاقتصادية اللى مخليا الناس كدة
معظم العربيات الجديدة دى كلها بتبقى قسط
فى المتوسط كدة على 5 سنين
فالناس مش هاتدفع القسط وكمان مصاريف قطع غيار غالية وصيانات وبتاع
بس العربيات دى فعلا عربيات تحترم جدا
بس للاسفالمنظور العام للعربيات دى
لما عربية زى الرينو ميجان( العربية دى انا بحترمها بشدة)
تمنها ينزل انص فى تلات اربع سنين علشان الناس الفتاية اللى بتقول عليها عربية مقرفة وقطع غيارها غالية
البيجو عموما عربيات ملهاش حل وللاسف برضة اللى مضيعها التوكيل
واسباب كتير جدا منها الجمارك اللى مطهقانا فى عيشتنا ومركبانا عربيات دون المستوى
علشان متبقاش راسك متساوية مع ناس تانية
مش حاقول غير حسبى الله ونعم الوكيل
ويارب احوالنا تتغير للاحسن

وعربيات تانيه غيرها كتير برضه

السبب نفسه ان كل الناس شايله نوكيا وسايبه الموبايلات التانيه الى بتهز العالم ارباح بره

اقتباس:

---

المشاركة الأصلية كتبت بواسطة mr_sameh

للاسف الحاله الاقتصاديه هي السبب في الاحجام عن كتير من الماركات لاني ببساطه لو معايا 100 اكيد هشتري لانسر لاني في المضمون وكذلك امثله كتير

---

+++++++1

باختصار الجمارك قتلانا و الشعب المصرى يحب يركب الكورى و يقول الله ده جميل اوى. بس احنا نعمل ايه فى الجمارك فعلا لو الجمارك اتشالت مش هيبقى فى فيرنا و لانوس يا راجل ده لسا فيه لادا زيرو خلى الواحد ساكت احسن :)

كمان أسعار قطع الغيار المرتفعه جدااااا للاوربى مقارنه بالكورى واليابانى .