الموضوع: أمراض المنتديات

الموضوع ده رأي شخصي بحت ممكن الناس تختلف أو تتفق معايا فيه بس في الأخر هو مجرد رأي اتمنى مايزعلشي حد منى.



من خلال متابعتي لمنتديات عديدة لاحظت شوية أمراض (مش لاقيلها اسم غير كدة) هارصها تحت:
1- أرجو التثبيت
بعض الناس عايز مواضيعه تتثبت مش عارف ليه هل ده بيديله اريحية او شهرة من نوع ما في المنتدى. هل ده بيعوض عقدة نقص ما مش عارف

2- استطلاعات الرأي التي تسأل هل هذا المضوع يستحق التثبيت أم لا
تبص تلاقي واحد عامل موضوع -قد يكون غث أو سمين - وعامل معاه استطلاع. هل ترى ان الموضوع مفيد ويستحق التثبيت أم لا؟؟
غالبا بيبقى من نفس المصابين بالمرض الأول

3- مواضيع نظرية المؤامرة
اي كلام في أي كلام. هرطشه وخلاص
تلاقي مثلا موضوع بعنوان المؤامرة الصهيونية وراء انتقال عصام الحضري الى سويسرا
خلاص يعني نظرية المؤامرة اتمكنت من الناس لدرجة ان اسرائيل مسؤولة عن انتقال لاعب من نادي لنادي تاني

4- انفراد ..... حصريا ......الى اخر هذا الهراء
كلام بيحسسني انه جاب حجر الفلاسفة أو عرف سر شويبس اللي حسن عابدين مات قبل مايقوله

5- مواضيع الميلات المتسلسلة -الشبيهة بالتفاعلات المتسلسلة- والميلات التي تحتوي أشياء أقل ما يقال عنها انها مغلوطة كالفتاة العمانية والكائن الذي وجده موضفو أرامكو والعنكبوت الذي يأكل الجنود الأمريكيين بالعراق. ويضاف اليها الميلات التي تحتوي معلومات مغلوطة مثل امر ريفريش الذي يحرق كرت الشاشة (رأيت هذا الهراء بأم عيني ومنعني احدهم مرة منه حتى كاد يأكل كبدي)
قد تكون واراء تمريرها حسن نية ولكنها كنية الدب الذي قتل صاحبه

6- يبقى المرض الأخير والذي اصبت به انا شخصيا وهو كتابة مثل هذه المواضيع الموحية بالعمق وهي ابعد ما تكون عنه

المشاركة الأصلية كتبت بواسطة mohamed_rhem

احلي تعليف تعليق سبعاوي الله ينور يا باشمهندس
بس احب اضيف حاجه
مصطلح هرطشه ده مشتق من هرطقه وكلمه هراء ده برضه لها دلاله معينه وصاحب الموضوع فاهم قصدي

خالص
الهرطقة دي تهمة العصور الوسطى الاثيرة غالبا اي حد كان بيقول رأي يتعارض مع رأي الكنيسة كان بيتهم بيها والعقاب كان بيكون حاجة ظريفة زي الحرق حيا ومثل هذه الاشياء المحببة.
الهراء اللي انا أقصده اتكلم عنه احمد خالد توفيق في المقالات بتاعته وهو ترجمة انيس عبيد لكلمة أمريكية لها علاقة بمنتجات الجهاز الهضمي للثور :)

المشاركة الأصلية كتبت بواسطة hussien

ياسيدى كل الناس تحب ان اعمالها تقدر وتحوز الاعجاب وهو دا اهم دوافع الانسان لأن هو دا النجاح
اغنياء العالم بيشتغلوا ليه؟ عايزين فلوس؟ عندهم عقد نقص؟ لأ بيدورو على النجاح اللى بيجى فى شكل فلوس
برضو الللى بيكتب موضوع بيكون عايز الموضوع يلاقى اعجاب الناس واوضح دليل على نجاحو انو يتثبت
لكن انا طبعا ضد الطلب المباشر بالتثبيت الا لو كان المشرف نايم و الموضوع فعلا مهم
وعلى العموم فى نايل موتورز ممنوع كتابة ارجو التثبيت و المشرفين هنا صاحيين اوى وحازمين فى نفس الوقت

انا ملاحظ فعلا ان الاصابات هنا اقل بكتيييير من المتديات التانية. وده راجع حاجة تانية بالاضافة ليقظة وحزم المشرفين أظنها وعي الأعضاء

بالنسبة للنجاح مش عارف بس فيه كلمة ظريفة قريها زمان

Arguing on the internet is like running at the special olympics. Even if you win, you're still retarded

سبعاوي

انت اللي فاهمني :):):)