الموضوع: خطواتك بالترتيب لشراء سياره

[justify]
الساده الاعضاء في المنتدي الجميل تحياتي للجميع لحظت ان هناك القصص المحزنه لبعض اغضاء المنتدي من مواقف ومواقع سيئه في حالات شراء السيارات وللاسف السبب بائع معدوم الضمير تبدا القصص ببعض انواع الكذب وتنتهي بالنصب وضياع اوال الناس والشراء ليه اصول ونظام يعني انت ناوي تشتري
1- تتفرج الاول وعاوز تكشف هات ميكانيكي من طرفك يكشف لك عليها وانسي محطة البنزين لانهم مش بيحبوا يوقفوا بيعه لحد وبيفوتوا المهم الميكانيكي كشف لك عليها ( احذر من انك تاخد راي الميكانيكي في السعر لانه لايعرف وكذا لاتستمع له ان يقول لك عندي احسن منها لانه واسف للفظ هايشربك عربيه خرده ويقنعك انها افضل )
2- اتكلم في السعر واتفقوا علي السعر من غير لاعربون ولاغيره ولو حكمت يبقي 200 او 250 جنيه بالكتير
3-تاني يوم تتقابل معاه في المرور وهو بيجيب المخالفات واطلب شهادة بيانات علشان يجيبوا الملف ويكون قدامك والموظف اللي في الشباك متدرب تمام وعارف اي غلطه ممكن تكون في الورق ده شغله وفاهمه تمام المرور بيشوف البطاقه بتاعة البايع وبيتأكد من التوكيل اذا كان فيه توكيل كل ده انت مش دافع حاجه
4- روح معاه الشهر العقاري وهما فاهمين تمام يعني لو البطاقه مش صح او التوكيل مش صح او حتي لو معاه عقد بيع فيه اي غلطه مش هايطبطبوا عليه المهم قبل ما يمضي لك البيع النهائي ادفع له فلوسه قدام الموظف وكده يبقي انت اطمأنتيت وكل شيء سليم غير كده يبقي البيع غلط واي غلطه انت المسؤول عنها دي فلوس مش ورق كوتشينه يعني الواحد بيجيبها بخلع الضرس علشان يعرف يشيل له قرشين يمتع نفسه بيهم ياحتصار من تاني في نقط
1 - ميكانيكي تبعك اكين يكشف لك عليها
2 - اتكلم في السعر واتفق عليه
3- رتب موعد في اليوم التاي في المرور وهو بيجيب المخالفات واطلب شهادة بيانات كلها ب 20 جنيه واطلع علي الملف وتتاد من انه ورقه سليم بمعرفة موظف الشباك اي غلطه مش بيعديها ابدا
4 - روح مع البائع للشهر العقاري وفلوسك في جيبك ورهم له وقول له عند الامضاء ولا تامن لاي كلام قدام الموظففقط تدفعقبل الامضاء .
كده انت اشتريت بامان وناس فاهمين شافوا مستنداته ومستندات العربيه
ـاكد من ان السياره تحتوي علي كوريك العجل
تاكد ان السياره بها طفاية حريق
تاكد ان تاكد من انك استلمت شهادة المخالفات تاكد انك استلمت العقد المسجل
تاكد من انك استلمت رخصة السياره
تاكد انك استلمت مفتاح السياره نسختين ويفضل ان تقوم باضافة مفتاح امان عند الكهربائي يقطع دائرة الكونتكت لوقت ما وليكن لمدة 6 اشهر وتخلص منه بعد ذلك

مادام انت عملت كده مش مهم بقي هو مالكها الاصلي او تاجر او ايه لانك اخدت كل الاحتياطات وربنا يسهل لك ويبارك لك ولما تشتري اشتري من مكان محترم موثوق فيه او شخص محترم ومش عيب انك تسأل عليه في محل سكنه لا يهمك اغراءات السعر يعني واحد يعرض عليك عربيه بنصف الثمن او ب 3/4 الثمن لانها اكيد فيها شيء غلط وساعتها بيكون الطمع هو اللي جاب المشكله
[/justify]

ملحوظات هامه قانونيه
[justify] [/justify][justify][/justify][justify][/justify][justify]
1- في حاله انك لن تنقل ملكية السياره باسمك في المرور التابع لسكنك لاتوقع مشتري واترك البائع يوقع فقط لان القانون ينص علي الاتي
في حالة توقيع المشتري علي عقد بيع المركبه لابد وان ينتهي من اجراءات نقل الملكيه ونقل الترخيص باسمه في موعد اقصاه 30 يوما واذا تجاوز مدة ال 30 يوما يلتزم المشتري باعادة دفع رسوم التسجيل في الشهر العقاري من جديد وان يوقع له البائع في الشهر العقاري من جديد وطبعا البائع لن يوافق وهايتعبك جدا .

2- في حالة انك لن تنقل الملكيه واجراءات الترخيص باسمك لتستفيد بالفتره المتبقيه في رخصة السياره لاتوقع مشتري لانه يحق لك مادمت لم توقع ان تضع توقيعك في اي وقت قبل انتهاء رخصة السياره ويثبت ذلك في الشهر العقاري بدون حضور البائع وتنهي اجراءاتك في المرور التابع لمحل اقامتك بدون اي مشاكل وهذا اجراء قانوني سليم 100 %
[/justify]