يشرفني أن أتلقى استفسارات السادة الاعضاء في مجال الجلدية و التجميل و الأمراض التناسلية و الذكورة
د/ محمد محمود
عرض للطباعة
يشرفني أن أتلقى استفسارات السادة الاعضاء في مجال الجلدية و التجميل و الأمراض التناسلية و الذكورة
د/ محمد محمود
السلام عليكم ورحمة الله وبركاتة
متشكرين يا دكتور على الخدمات الجامدة دية
وانا هبتدى باول سؤال انا عندى سنط فى وشى وبدء ينتشر فى وشى جامد
وكل ما اسئل حد يقولى مما فيش علاج لية غير الكى
هل فى علاج اخر وهل ممكن ينتقل من وشى الى جزء اخر من الجسد
وهل هو معدى
الف شكر يا دكتور على الأضافة الجميلة دى من حضرتك
جميل جدا يا دكتور الاضافة دي
متابع باهتمام
لا شكر على واجب
السنط طبعا معدي و ليه اسماء تانية زي عين السمكة او الثألول او المسمار المهم هو معدي لانه يسببه فيروس معين ينتقل بالتلامس المباشر
طبعا العلاج بيختلف حسب مكان السنط و كميته و حجمه و العلاج يكون عن طريق الكي بالكهرباء او التبريد و احيانا عن طريق وضع مواد كيمائية عليه بلالضافة لأخذ علاج يزيد المناعة
ممكن اعرف ايه احسن علاح لللتينيا وخاصه ال بين الفخزين ومده العلاج
هل يوجد علاج بديل(احدث او اكثر فعالية) عن الدايفوبيت و الدايفونكس للصدفية الخفيفة و المتوسطة (اقل من 5% من مساحة الجلد)
زهقنا من الكورتيكوسترويدز (هي مش اسمها كده برضو)
مقبل علي الزواج وعاوز اطمن علي نفسي الاول اعمل اختبارات اية
اابهاق يا دكتور ظهر عندى منذ طفولتى وكبر معايا واخد علاج مجبش نتيجه فى بس علاج اعشاب شفى وشى ووقف انتشاره
فى ايدى ورجلى
بس دلوقتى بدا يزيد فى ايدى تانى
انا عندى 29 سنه ومافيش وراثه فى العيله بالمرض ده
ارجو االافاده باخر علاج
بعد اذن الدكتور صاحب الموضوع
الاخ العزيز صفوت ،
انا كنت بعانى من موضوع السنط ده من فترة من حوالى سنتين
و حاولت بكل المراهم والعلاجات
والدكتور قاللى لازم كي
بس الحمد لله ربنا هدانى للعلاج السليم الفعال
وهو علاج طبيعى 100%
انت هتجيب شوية حبة بركة
وتطحنهم في الخلاط
وبعدين تجيب روح خل من الصيدلية ، روح خل اللى هو خل مركز اوى اللى ممكن يعمل حروق ده ( مش الخل العادى )
طبعا انت هتخففه شوية عشان ما يبقاش حارق بس طبعا مش بدرجة انه يبقى خفيف اوى زي خل البيت
يعنى هتخففه للنص مثلا او اكتر شوية بسيطة حسب التجربة
وبعدين هتجيب شوية من حبة البركة وروح الخل المخفف قليلا و تحطهم في فنجان وتخلطهم مع بعض كويس
وتجيب مثلا عصاية من بتاعت تسليك الودان دى و تغرزها في الفنجان
وتدهن بيها المكان اللى فيه السنط مرة الصبح ومرة بالليل
ان شاء الله بإذن الله في اقل من شهر هيختفى السنط نهائيا بدون رجعة و بدون ترك اي اثار
بس خلى بالك من الخل لأنه لو مركز اوى وحطيته على جسمك هتلاقيه بيحرقك جامد بعد نص ساعة من وضعه ومش هتعرف تعملله حاجة غير انك تستحمل الالم الشديد الحارق
فأهم حاجة التخفيف ووضع كمية بسيطة جدا على الجزء المصاب فقط
اه بالمناسبة كمان انا بعدها سمعت انها ممكن تتعمل بخل التفاح وممكن يجيب نتايج اسرع بس اللى انا جربته كان روح الخل اللى بيتباع في الصيدلية
والف الف سلامة عليك
وبالله عليك تدعيلى ربنا يشفينى ويخفف ظهرى
الثعلبة فى شعر الراس يا دكتور و كمان التهابات بين الفخذين ممكن اخد ايه
لو سمحت يا دكتور
باعنى من الهرش بعد الاستحمام مباشرة مش عارف السبب ايه؟ وايه الاجراءات التى يمكن اتباعها ؟
وجزاك الله خيرا
الف شكر على المبادرة الطيبة دي